¹ Mbypara tupao Sardespe mba'apo'iare pevãrã kyrã hei ĩmerea 7 Ñanderu Espiritu Santo hareka 7 jasytata ipoperea: Aikua kavi rijapovekua, he'ia ndyrehe rũpũãjy rỹmãnomatẽ vẽkua. ² Sareka, my parãnta manopo'iare; aheshany mbai kavi rijaporei Ñanderu hỹnonde. ³ Pymanduahe mbai pipityvare hareka pyhendu hareka pyhẽndu vekuare , hairã pymbasypo peijy Ñanderu hẽndape rysarekõãrã aijypo nyrẽndape manorõ'ia raĩmĩ rikuãpo mbaipera aijypo. ⁴ Ryrekoaratẽ Sárdespe mbovy mondeva myngya mbavare, kyra'ia aikopo hãndi mondeva tĩ vãre japo kavi hai retãrã. ⁵ Mbai põrãmba opa kavi hasava, ñimĩmondepo hairetakui tĩ vape, hareka ãmbaijyvãposhy hee kuatia vasu tyre ẽpyare, ambeu po jyveshu Sheru hareka opaite jokueare hỹnonde. ⁶ Japysa'ia tyhẽndu mbaikavi heiva tupao retape. ⁷ Mbypara tupao Filadelfiape mba'apo'iare pevãrã kyrã hei heko kaviva añeteva, tẽntã vãsũ huvisha David imerea, õche pe'apya, mba'etyjy katu peavẽrã; hai mboty õcherã mba'etyjy katu peavẽrã. ⁸ Aikua kavi mbaivara rijapo, kua kavi kui she tei apea pente õche nynonde, mba'etypojy mboty verã; nde ajemãĩ nukangy, che aipotava rijapo hareka shyre rimbijicheã. ⁹ Mãĩ kavi she amondopokui reĩvãpe aña tupao pe'õ, hei ijeheva Israel ray, ha'ẽã kyrãva, japurei'i kua kavi she teipo ãmyvãhẽ shukui reĩvãpe, oapukui nynondera haire kuaaverã she ayraihura. ¹⁰ Nde hekope kavi opa rijapo shi ñẽẽ, hãrã she aingareko kavipo ndyrehe ndei ou mbai porãmbarã, opaite ko yvy ĩãrẽ iña'ã verã. ¹¹ Kõõĩmã'ẽ aijyverãpe, ñyngareko kavihe ĩmẽryreva avy yngare typyhyrõ ndyhevi nakare'ẽ verã. ¹² Mbai porãmba opokavi hasava, ajapo poshi pente ooñyrãntahe verã Sheru hovasupe mbaipeveamapo hekyhajy, shepo ambyparahe Sheru hee hareka Sheru vasu hẽnta hee kova hai Jerusalen vejy verã vate araivi, hareka ambyparapo jyvehe shy re py'ahu. ¹³ Japysa'ia tyhẽndu Espiritu Santo hei shua tupaoretape. ¹⁴ Mypara Tupao Laodicea mba'apo'iare pevarã, kyrã heipe Amen ãñeteva mbeu'ia, japova Ñanderu vasu japovekua hỹnonde'orẽ. ¹⁵ Aikuaa kavi rijapova, ny ry'ỹsa hareka ndyrakuã, mãrãngamba tepokui nyrỹ'ỹsãrã mãĩrã ndyrakurã. ¹⁶ Ndyrakuraraiterã, ndyrakũã mãĩrã nyrỹ'ỹsarã, ãvẽẽjypo ndyrehekui. ¹⁷ Hãmeara she hainde, reva shyhevi verã itavera mashyãvã opa joheava, rinõtĩrã eva shyhevi mondeava tĩvã, hãrãpo ndyresha'hãkui nynaniteireirã. ¹⁸ Hõmeara she hainde, reva syhevi verã itavera mashyãvã opa jeheava, rinõtĩrã eva shyhevi mondeava tĩvã, hãrãpo ndyresha'hãkui nynanitei reirã, evajy shyvevi ndyresa rypyhano pyverã, harapo ryhesha kavijykui. ¹⁹ She rãnga amboi hareka ãnũpa opaite ahaihuva retape, hãmeara reñehãpa rymbasy põrãmba rijapo vekuare. Mãĩ ²⁰ kavi'ẽ she aimboy'ãĩ nyrõchepe ãnunupa ãĩnde. Ime'ẽ shiñẽẽ hẽnduvarã, typea she hõche aichepo hẽntape, akaru hãndi verã, hãrã haijyve. ²¹ Mbai porãmba opa kavi hasava she ambyvapypokui shyvache, she avapysepya vasupe; she ahasava rãĩmĩ mbai porãmba, haima she avapyma'ãĩve Ñanderu vasu hãndi jyvapykape. ²² Japysa'ia tyhẽndu Espiritu Santo heiva tupaoretape.