¹ Ñañono Efeso tupaope, jokuerea pevarã: kyrã hei pysy ñonova (7) jasytata ipo jakatape haivi ikova (7) sa peapya ita vera mashyãva paūpē. ² Hai kuakavi ndypyape'ēvã rijapo vekua hãrã ñyhãrõ kavi, hãivi haikuã kãvi ãeteã rijēpy kãtuã rēiherã ñarõ'iarē, hãivi rēñehã rikuã kãvi verã hãivi vahēva rēīvape Ñanderu mbouvã ãñētevarã mãirã rã'ãngarã'iaa, nde rimbijije japu'ia haimba, she ãmbouva. ³ Nde rirõja kavi shyrehe, ryhasa põrambava ãjemãi, haivi heta rymba'apo shyre epe nyangy'ã. ⁴ Haivi she ãrymbasy nde ryp'õiva jyhaihy tyñonde īmēryreva. ⁵ Nymãnduãpo mãipira re'a hãrã rymbãsypo rijapo vekuavare, hãrãpo reñēpyrõ rijapojy arykai tyñonde rijapo vekua, hãrã aijypo rēīvape, ahekypo sapeapya hēndaivi, rymbasyarã põramba rijapo vēkuare. ⁶ Shymbyvy'ãny nde ryhaihuã opaite Nikolaspe'õre japova hokareta she ahaihu'ã. ⁷ Hãrã japysava tyhēndu Espiritu Santo heiva tupãope, hãivi she ãmēposhu haikaviva, tykove yvyra hãka ikova ia kaviva me'ēva Ñandeja yvyra hetava ia kaviva mbytepe. ⁸ Mbypãra Esmirnatupao pe'evera, jokuērea reta pevãrã kyra hēi ãrykai hãra õpa mano vekuãre ikojyverã. ⁹ She aikua, kãvi nde rijapo vekua, nde ryhãsa'ãsy hãrã nde pyry^pareko, ajemãi mbaihetatē ryreva hãrã Judape ia reta heta ijeta ndyre'reta. Hai retambãteã kyrã hei Judeava she hei rã'anga haimbãteã Judeavareta rã'ãngãi iva ãñete mbava rãngo hokava aña nutumpa õpe iche iareta. ¹⁰ Avy kyje ryhasa potava, rikua kavi ãña itypo Moypereso jyroja iare pynypãūvi hasa'asy verã 10 ara. Pukukue pyndypya hã'ã verã. Jyrojaiño rymano peve. She ãmēponde rikopuku verã tykove hãra takã bijēpy^a. ¹¹ Japysaiva tyhendu, tykave kavi heiva ijglesiaretape Akua jepyheva mbai porãmbaa, ha'e ã kyjeverã manõ mõkuehea. ¹² Mbypara Pergamo iglesia jokueva pevarã: kyrã heipe ĩmẽreva kyse hakua pukuva hareka hãimbe mõkuea ipope ¹³ She opa aikuaa nde rijapova'vivee hareka ny rẽtape ẽva Aña ñyngareko'heape, nde katy riroja kavi shyree hareka rypoĩa shyhevi ajemãipo jukaha ákua arape Antipas, shy resha'iare hekope haviva ¹⁴ Ajemãipo imẽ'are pẽnte mbai She ahaihu mbãva Ĩmerãnga pynymbytepe haihúva akua mbai Balaam mboi vekua hai heirãvekua Balakpe marãra ityjy Israel tayre' tape mby ho'uka reta soo mẽ'ẽava ija rã'ãnga retape hareka ikoverã ynga taupere handi ¹⁵ kyrã rãnga ryreko jyve nendie akua haihuva akua mbai Nikolas mboi vekua. ¹⁶ Hãme nymbypavete poishi mbai porãmba (pecado) kyrã ãrã areāpo ai ãvãhēndekui ãīrãrõpo hãndi retakui shykyse pyku ryheve õhēvã shijyruivi. ¹⁷ Īme'ē japysa tyhēndu Espiritu heiva ji iglesia retape hejava mabi porãmba she ãmēposhukui mana heshambarea amepojyshu pēnte ita tīvã oimpya tyree py'ahua mbamba kuava koñei akua hipityvai. ¹⁸ Mbypara Tiatira iglesia jokueva pevara kyrã hei Ñanderu Tumpa Tay hesa Tata hēndyva raīmi ipy ova broncepe: ¹⁹ She aikua kavi nde rijapova nde rypyryparekokue hare rirojakue nde rypyrymbory hare ry^hãrõkavi ã'ē rymba'apove jypyite riroja rirã vekuaivi. ²⁰ Ahaihua jezabel japova hei'i ijeheva ījeta'i ñandiva Peruite heepe, haiñoi shuva mboiverã mboi verã ynga taype hãndi houvera so'o, me'ēhava ta'ãnga reivape haimba Ñanderu vape. ²¹ Heta ãhãro mbasy ijeheverã katy poīseanshi heko porãmba vekua. ²² Kuakavi aityposhu hupare haso'ãsy verã opa ñymyngya hãndiare poiashi haire japova porãmba vekuarã. ²³ Membyre opapo'ajuka kyrãopaite iglesia kuapokui shetei aikuaa opaite mbai õiva yvy iãrē ñaka py'ape, she ãmyngovia poshu pepēntei japovare. ²⁴ She haipe yngape'õre Tiatirape, mokuemba kava ãña pyrymboihea kype ohova, haire heiva raimi aityãpo'peare y^nga mbai pohyva. ²⁵ Hokava pee pyrekava pynatukavi pyndy pyape she aijypeve. ²⁶ Īme'ē hasashiva hokava mbai porãmba japohavarã she aipotava mbyvãhē kavi raha japyperã she ãmēposhu pyrãnta mbyvata verã hoka Tēntape'õ jyrojambare. ²⁷ Haipo raharekui varilla hiēroivi japohava, jokapo retakui, kambushi jekava raimi tujuivi japohava. ²⁸ She opaite apityva sheruivi pyrãnta she ãmēēpo jyshuretakui jasytata koī ourã õhēvã. ²⁹ Īmerē japysavara Tyhēndu hoka Espiritu heiva ji iglesiaretape.