¹ Kova ranga hau Ñandejara pyry mbyrheshaka vekua Hesukrito, hai mbyhasa verã opa mbaei area ikoverã mboirea retape; Hesukrito mbykuaaka kova mbai arapē o jokuerea Juanpe, Hesukrito jokuerea. ² Juan mba mbykuaakamba ko Ñanderu iñe'ē (iglesiape õre) hai mbeu opaite Hesukrito mbyheshaka vekua. ³ Vy'apo'i mbijetava haereka henduva kova Hesukrito iñe'ē haereka natuva pyape opaite oīva kuatiañe pe haima hokava ara kõoīma ou. /s 4 Juan mondoshu iñe'ē 7 iglesiape ⁴ Cheranga Juan amondoshu shiñe'ē 7 iglesiape oīvare Ásiape: Ñanderu tymãī kavi pyndyrehe haereka tymepe py'a sy^myī ikoteri'iaivi iko teri, iavi ouverã haereka 7 Espiritu vapyhapya hynonde oīva. ⁵ Hame Hesukrito hesha vare hekope kaviva ikojy tynonde mano vãre pãy^vi hame ikova yvy mburuvisha raīmi tentape mburuvishare mbytepe. Hai ranga ñandy raihuite mba ñandijohe mbai porã mbavekuaaivi huguype. ⁶ Hai japo ñandyhevi mburuvisha raīmi haereka paire raīmi ñamba'apo verã Ñanderu. Ñanderu Tumpa pevãrã. Ñamombaishu pyrã tankue ryheve typyta shureta ara ñymba tyhaguasu guive haereka ara ñymbaty guasu peve kopeveima (amen). ⁷ Pikua kavi Hesukrito oujy ndapokui ama py^ntupy, haereka opaite aryka'i kutu revekuare hesha jy ndapokui opaite tenta yvy iãrē hynandu ndapo jaheokui hesha mãrã. Kopeveima. ⁸ She ranga hai "a" hame "zeta" he'iseva nda oñepyrūãīvi haereka japype heimba Ñanderu Tumpa pe arapy ija, haima ikova haereka hame ouverã mba mba mbivaje verã. ⁹ She ranga, Juan, she ha'eījyve shermanore hame pini īrū ndypy'arãã ryhasava. Hesukrito hetã guãsu rehehape. Ã'ē she aīme aī preso paūpe (isla) Patmospe, yguasure paūpe, airoja Hesukritore haereka ambeu ai Hesukrito ñeekavi (Evangelio). ¹⁰ Hesukrito jy arape (domingo) ahende shakykue pente injeta hynatuva haereka korneta hyma tu ipuva. ¹¹ Heiva: she hai jypy hare opavape (Alfa y Omega) heiseva hoka oñepyrõva hara haka opahea, opaite mbai ryheshara mbypara pente kuaitiape handi rahaka hokara 7 tupaope, ẽẽva Efesope, Esmirnape, Pergamope, Tiatirape, Sárdespe, Filadelfiape, hore Laodiceape. ¹² Hara ajererã ahesha hoka ijeta'ẽshea hara ahesha 7 hendyrahyru oroivijapoava. ¹³ Hãra hoka hendyvahyru mbytepe ahesha pente ovava kyretaray, ñymymonde ponsho pukuva Ipypeve hara pente kuajokuahaka oroivijapoava. ¹⁴ Ñaka handi Ñakaha opaĩ tĩ, avisha (haapire) rãimĩ tiivã hairã (hielo, nieve) raimĩ harã hesa tata hendyaraimĩ. ¹⁵ Ipy óva bronce kaviva, ñymby tykuiva tatape, harã iñeẽ kynantu ipu yy vasu hy'apuaraimi ¹⁶ Ipo jakata ree 7 jasytata, hara juruivi õhẽ pente kyse hakua pukuva mokue haĩmbeva, harã hova sãnka mashyã ko kuarasy 12 piraĩmĩ. ¹⁷ harã aheshashurã, aiñesu ipy jakata sheãre hara hei: avy kyje, she hai oñepyrõhea hara opahea. ¹⁸ hai hykoveva, shukatevekua ã'e shykove aĩ ara ñymbatyvasu vaivive hoka ara nymbaty vasutererã peve hara shepope'ẽ hoka ñymano hara hoka aña henta hõche llave. ¹⁹ mbypara opaite ryheshare, hokava mbai ikova handi jehuverare. ²⁰ kova rãnga hai mbai jykuamba hoka 7 jasytata ryheshava she po jakatape hare hoka 7 myhendyava hyru orojapoashiavi: hoka 7 jasytata he'ise 7 tupao jokueka (kuakuava anciáno) harã hoka 7 myhendyava hyru he'ise 7 tupao.