¹ Mmi lyiinu chiinga e wula chii yeerwa choku mana iyaanza nne toovere, nni kwaana nne ku toontola mu iwulu ku woola ku sika mu chibalyi chimwe che inako. ² Mmi nni nna vona mangiloyi eena ku mana iyaanza a ziima ha vusu vwe IREEZA; mane hape choku vona nni va heewa intorombita ziina ku mana iyaanza nne zoovere. ³ Mmi lyiimwe ingiloyi nni lyeeza ku ziima he iziko lye zitavero, nni lyi kweete kasuva ke ighawuda; mmi nnaa heewa a hulu zivuna, kuti a woolye kuzi zwiisa kamba ku ziha ha mwiina vulyo nne itapero zava lukite/ va shiyeeme he iwulu lye chitavero che ighawuda chi veena ha vusu vwe chipura che IREEZA. ⁴ Mmi vuusi vwe zivuna, vu vaazwi aaho nne mirapero yava jolola, choku tantukira kwe IREEZA nni kuzwa mu iyaanza lye ingiloyi. ⁵ Lyiinu ingiloyi choku hiinda kaswa, choku ke izuza mulyiro wuzwa ha chitavero, choku ka sohera mu inkaanda: Choku taanga kuva nne milyumo/irata, nne kutiimbaana, nne mimini, mane nne ku nyanganya kwe inkaanda. ⁶ Mmi lyiinu mangiloyi a mana iyaanza nne oovere a vaa kweete intorombita ziinz ku mana iyaanza nne zoovere cho kulyi tukiseza ku fula kamba kuzi lyiza. ⁷ Ingiloyi lye intaanzi nni lyaa lyiza/ fula, choku shaala kwiina kuwa kwa mavwe kuzwa ku iwulu nne mulyiro wu[u] zizeenywa/ kopenywa nne malaha, mmi iizi nni zaa soherwa mu inkaanda: mmi vuutatu vwe zisamu nni vwaa hiya, mane nne lyaani iteke lyoonse nni lyaa hiishwa. ⁸ Ingiloyi lyo vuuveri nnaalyo choku lyiza/ fula, mmi chimwe chi vaalyi ku voneeka mane iiri iruundu lyi kweete ku bukuka nni lyilyi ikaando a hulu choku soherwa mu iwate: mpaaha vuutatu vwe iwate ha vwaa saanduka malaha vulyo; ⁹ Mane nne vuutatu vwe zivumbwantu zi vaalyi ku waanika mu iwate, nni zi hala, cho kufwa; nne vuutatu vwe zisepe choku shaala vu sinyehete/ fwiire. ¹⁰ Ku zwaaho ingiloyi lyo vuutatu choku fula/ lyiza, cho kuwa inkaani inkaando a hulu nni yizwa ku iwulu, nni yiya vu bukuka mane iiri kamparamba/ ilambi, mmi choku wiira mu vuutatu vwe indwiizi, mane nne ku a taanga/ ku a zwa menzi; ¹¹ Izina lye iyi inkaani nje chisamu che isene[chisamu chi lula a hulu]: mmi vuutatu vwa menzi choku saanduka chisamu che isene; vantu vaangi choku manina vaa fwa che ivaka lya menzi, ka kuti a vaa chiitwa kuti a lulye. ¹² Nne ingiloyi lyo vuunne nni lyaa fula/ lyiza, mmi imbalyi yo vuutatu ye izuva choku horofara/ sasaminwa, mane nne imbalyi yimwe yo mweezi yo vuutatu vwa teni, nne vuutatu vwe inkaani; ku chitira kuti imbalyi yaazo yo vuutatu choku shaala yi siiha vulyo, mmi musihalyi choku manina ka wusii vonesa tootatwe, nne masiku mboona vo vulyo. ¹³ Mmi nni naa vona, choku zuwa ingiloyi nni lyi wulukiire ha kati ke iwulu, nni lyicho kuti, che lyiinzwi ikaando, ku mayivite ku mayivite ku mayivite, ku ve ikalyi ve inkaanda cha mavaka o kucho kuti, mangiloyi amwe aa ka eeni ku lyiza/ fula intorombita zaawo!