¹ Mmi nni nna zuwa lyiinzwi ikaando kuzwa mu itempere, nni lyi waamba nne mangiloyi eena ku man iyaanza nne oovere, nni lyiti, mulyi yeendere inzira zeenu, mu kee tire tusuva tu izwiire vuaklyi vwe IREEZA mu inkaanda. ² Mmi lye intaanzi nni lyaa yeenda, choku kee tira kasuva ko vukalyi mu inkaanda; choku taanga kuva milyumo, nne ziravi zi sasama a hulu ku vantu va veena luswayo lwe chivatana, mane nne kwaavo vava raperi chiswaniso che chivatana. ³ Mmi ingiloyi lyo vuuveri iilyo, choku itira kasuva kaalyo mu iwate; mmi nni lyaa saanduka iiri malaha o muntu yoo fwiire; mpaaha zumwe nne zumwe yoo hala mu iwate haa vaa fwi. ⁴ Ingiloyi lyo vuutatu iilyo choku itira kasuva mu indwiizi nne moonse muzwa meenzi; mmi nni zaa va malaha. ⁵ Mmi nni nnaa zuwa ingiloyi lya meenzi nni lyiti, uuwe u jolola Simwiine, yo wiina kwa teni, yaa veena kwa teni, mane nni yoo keeza, kuya cho mu watwiiro waako. ⁶ Ka kuti va vee itiri malaha a vajolola nne a vaporofita, mane hoo vone chiva vaha malaha kuti vanywe, che iswanero/ che itukero. ⁷ Mmi nni nnaa zuwa zumwe kuzwa he iziko naati, infwee nni ha kuva vulyo Simwiine IREEZA si ziho zoonse, ikatulo zaako zi jolola nne vusakusima. ⁸ Ku zwaaho ingiloyi lyo vuunne nnaalyo choku itira kasuva kaalyo he izuva; mmi nni lyaa heewa ziho zo kuti chilyi sumika/ hiisha vantu cho mulyiro. ⁹ Mmi vantu nni va hiishwa a hulu cho mulyiro mukaando, aavo choku taanga ku tuka izina lye IREEZA, iiye yo wiina ziho mweezi imbazi zoonse: choku vula kulyi nyansikiza zivi zaavo nne kuti va muteembe. ¹⁰ Ingiloyi lyoku mana iyaanza iilyo choku itira kasuva kaalyo ha chipura che chivatana; mmi muvuso waacho choku shaala che keerima vulyo, choku shaala chi va kweete kulyira nni valyi suma indimi njo ku sasaminwa, ¹¹ Mmi cho kuva nni vatuka IREEZA we iwulu che ivaka lye ziravi zaavo nne ku sasaminwa kwaavo, nni vaa vula kulyi nyaansa kuya che zivi zaavo, ziva panga. ¹² Mmi ingiloyi lyoku mana iyaanza nne lyi mwiina choku itira kasuva kaalyo mu lwiizi lu kaando lwa Yufuratisi; mmi meenzi aalo cho kuhwa, ku chitira kuti kuve nne inzira yi vasimwiine vo kuvuzwaizuva. ¹³ Mmi nni nnaa vona inhuho zi saa jololyi zoo tatwe nni zizwa mukalomo ke idirakona iiri masesi, mane nne mukalomo ke chivatana, nne mukalomo ko muporofita wa mapa. ¹⁴ Iizi inhuhoza madimona, zi panga zikomosa/zikomokisa, nni ziya ku vasimwiine ve inkaanda mu inkaanda yoonse, kuva kunganyeza luzuva lwe inkoondo lu kaando lwe IREEZA si ziho zoonse. ¹⁵ Mu vone, nni keeza mane iiri musa, kwiina mikoonde kwaalyi iiye yo lolyelyeere[lolyeesa] mane nne ku viika maano[ingana] ku zizwaato zaakwe, ku chitira kuti saanzi nna yeendi chintenentene, choku vona mampunu aakwe. ¹⁶ Mmi nna va kunganyeza mu chivaka chisuumpwa Amagedona kuya cho lulyimi lwe chihevera. ¹⁷ Mmi ingiloyi lyoku mana iyaanza nne toovere iilyo choku itira kasuva kaalyo mu luuho; mmi nni kwaa zwa lyiinzwi ikaando mu itempere yoku iwulu, ha chipura nni lyiti, chi kwaa mana. ¹⁸ Mmi nni kwaa van ne milyumo miingi, nne ku tiimba nne mimini; nni kwaa va nne ku nyanganya kwe inkaanda ku kaando a hulu, ku chita kuti inkaanda chiinga yi vaati yiku pangwa ka kwiini ku pangahalyira vantu, ku nyanganya ku kaando a hulu maaswe. ¹⁹ Mmi muzi mukaando nni waa shaala wu kawuheene koo tatwe, mizi ya makaanda nni yaa wa: nne muzi mukaando Babilona, IREEZA nna wu kumbulukwa ha vusu vwaakwe, kuti a wuhe inkomoki yii zwiire a hulu vukalyi vwaakwe vo vujwara. ²⁰ Mmi chimwe nne chimwe chida nni cha ngombola[tiya/zwa] kwa teni, mane nne maruundu choku manina kaa sii kwiina. ²¹ Mmi vantu nni va wiirwa mavwe kuzwa ku iwulu, lyimwe nne lyimwe ivwe nni lyilyi ikozwaana: mpaaha vantu ha vava taangi ku tuka IREEZA che ivaka lye imbazi ya mavwe; Ka kuti imbazi ya teni yi vaalyi inkaando a hulu.