1
Ānyet ma didit tse luru nkyang na ku bai tyak ma lili zit āni.
2
Ānyet be ku sak alili di kyang an tse āni basi yet akhwo ālyat, basin bwoi zit nkhyang.
3
Hu yet asham ning nku nshia nsin di kudang kyang kyak da tse ke ani huhwa nang nduru ntak ming anhwan atsatsak Tiofilos.
4
Nchat aka shie lyen ātsatsak nkyang'u aku myiam'a ani.
5
Mi mam anyai nang Firauna yet Āgwam Judiya, jan āzai nang Frist āgyang angyai Zakariya din kyung Abija nshiā. Āku byiā abyuik an gyai Elizebet ngwon Aron.
6
Kakap be āfiyang ba ku chong chachirak ma ālyat Āgwaze ne.
7
Baku bin ngwon ba da nyan ke nang ābyuik'u ngyet anakhu ani, nang mbe āfiyang kan kyop kakap.
8
Āgyang ātuk nang Zakariya shiā di ntam yet First āzaghi Āgwaze,
9
Jan āzai jza akum Fristochi ke nkhai gu guwa afwui turare da vwuo naai ke.
10
Akum ānyet ke si yong atause a naai nang Fristochi be shiā āmami a fwui turare jzi.
11
Maleka Āgwaze si chwok āmi yong din kwung mbwakyak Achiā hu nang an saai turare nswam nyinyang jzi āni.
12
Zakariya si kyak ādidam di li Maleka jzi asi bo fak awun.
13
Maleka jzi si tak ming āngu di gu yok fak awun ba da nyan ke nang an fak naai gu hu āni. Zisi tak ming angu nang gu nan bin ngwon an gyai Yoona.
14
Yina fak agwai ming nyinyang da nyan gu, ānyet ma didit na girap di bin guhu.
15
Ā na yet āgbandang da vwuo Āgwaze, da ngu āna swo akan ming kyang hyeng ba. Ānan hyat ming azazirak ntswe nang gu ni shiā āmafe Āyang gu ke.
16
Āna chiā nman Izirelawa madidit ba bwok ānat da vwuo Āgwaze be ke.
17
Āna kai āswan be ankat nang āzazirak-tswe mbiyang chāt Elija āni. Āna bwak nfwuo āyaa chiā ānat dio Roma a chiā āyaa ālakfwong ānyet ba chong din vak yet
azazirak ānyet. Āna nyiā anya da nyan bwok ming anyet ānat dio da vwuo Āgwaze.
18
Zakariya si lyip Maleka jzi da āna nyiā niá gu andyen ātse kyang ke? Nyiā guwa'u akwop mbiyang abyuik gu'u.
19
Maleka jzi si tak ming àngu nang guwa nang an gyāi Gebren. Ngyong da vwuo Āgwaze kya āsin tam ning mbai ming anyin ātsatsak ālyat.
20
Ntak ming anwan, kyak manini, ána lyat ba da nyan ke nang án shim ālyat nai āni se nang hu bai tyak.
21
Ba njan dadai, nang ānyet fwuong Zakka da nyan ke nang gun de nkyang da vwuo naai āni.
22
Gun hwut āni āsi swan nyonyáng, ānyet be nyiā yili kyang āgade. A lyat ming nbwak nang ābebe āni.
23
Jan ntam gu jzi nswak āni āsi bwok ānat āmali.
24
Mman ne nswak āni, ābyuik gu'u Elizabeth si kyak afe. Āsi nyat apsiā gu nmam fwon ātse ālyat: "
25
Āgwaze nyiā ning kyang, a chok ning asi tin ning nsum da vwuo anyet".
26
Nang Elizabeth shiā ming afe zwat ātee Āgwze si tam ming Maleka ma kīrang Galili nang angyai Nazeret āni.
27
da vwuo ngonyem nang Yusufu chat di bwo āni. Ka yet kwai Dauda jza, an gyai Mariyamu.
28
Maleka jzi si bai āmi byat guu, zi nyiā Āgwaze fak shok ātse shiā dindùng ming anwan".
29
Āsi kyak ādidam di tankai byat nang abyat gu ani.
30
Maleka jzi si tak Mariyamu gu yok fak awun ba Āgwaze shiā ming āngu.
31
Ána kyak afe abin ngwon an gyai ngwon ke Yesu.
32
Ngwon ke na yet agbandang, an gyai ke Yesu. Kikya na yet agbandang ngwon Āgwaze ātanzwe.
33
Āna jong gu kyang swat achiā guhu Dauda. Guwa na kup tyok nman Jacob hu ta nat sangbap.
34
Mariyamu si lyip nyiā di hu na li lihu niá nang gun ndyen ātyok āni ba?
35
Maleka jzi si tak ming āngu, " Āzazirak ntswe Āgwaze na bai da vwuo'a, ngwon ke ána bin āni ānan gyai ngwon Āgwaze.
36
Di, ananyiuk awu Elizabeth āyet anahwu abyuik āni, kyak āfe di kwop, zwat ātee jza jzi.
37
Ming Āgwaze, kyang khaat ba.
38
Mariyamu si kīrak nyiā "Ning ngyet āhwo Āgwaze wa. Yok hu li nang gun hyiā āni." Maleka jzi si durok āhwon guu.
39
Mi mam ānyai Mariyamu si chong āta nat makīrang Judiya da fam ākāfan ke,
40
āsi bang āta nat āmali Zakariya ábyat Elizabet nang gu shiā āza.
41
Elizabet nfāk byat Mariyamu hu āni, ngwon āmafe guke si tabat āgirap.
42
Elizebet si kīrak ming agbandang ānwat nyiā "Ā fwon'a atīn āmami anyiuk mbiyang kyang āmafe hu achong dio āni.
43
Iwaha mbyiā nang ayang Agwaze nan bai da vwuo ning?
44
Da chak ke nfak byat ahu āni, ngwon āmafe ning ke si tabat àgirap.
45
Atiuu a nwak a chuchuk di kyang Agwaze kīrak āni na li hu chechirak anyia.''
46
Mariyamu si kīrak nyiā, "Fwo ning hu dyep Āgwaze,
47
tswe ning jzi si fak nyinyang atisan.
48
Āfwong kunak achwang anyet. Manini tan kat āzaswon kwai na fwon ā tse āyai ning ātan nzwe. Huna li anya da nyan ke
49
nang Āchiā gbadandang wa nyiā ning dyio ani. Ā yurok gu ke yet āzazirak wa.
50
Fwong kunak anyet ba fwong awun gune āni shia din jan.
51
Aka nyiā nkyang āgāde ming bwak guhu; āsi sirang ānyet ba tám mi fwo āni.
52
A turùng āyaa Āgwam di nkyang swat be, āsi tagham ānyet sang chet.
53
Ā kau ānyet nzong ātan nkyang āsi vwong ānyet nzwe basi twong mbwak nkwot .
54
Ā biyang ahwo gu Isirela da nyan fak kunak be, mbiyang zwe
55
Ibrahim jzi tanat sangbap nang gun kyak shishii ani.
56
Mariyamu ku swan ming Elizebet zwat tsat āsi bwok ānat amali.
57
Jan mbin Elizebet jzi si kirak abai, āsi bin ngosiyem.
58
Anyet nswat ma kirak gu be si fak kyang hu Āgwaze nyia gu dio ani basi tabat āgwai dindùng ming angu.
59
Ātuk mam arinai basi kyak gu ānat dio di sak min chan, basi chiā gu āyirok achiā gu ke Zakariya.
60
Ā-yang'u si tan, nyiā anan ngyai gu Yoona wa.
61
Basi tak ming āngu di kwai gu jzi byiā tankai āyirok āhwai ba.
62
Basi lyip Āchia gu'u āyirok āna chiā gu āni.
63
Āsi naai be ba jong gu kyang luru, an jong gu āni āsin luru nyiā, "Ān gyai gu Yoona." Basi fak āgade.
64
Jan shii ba a nu guke si khwuk āsi tabat lyat agwai Āgwaze.
65
Kakap ānyet be si fak awun ming nkyang ne ānyet be lyat akat ākīrang Judiya ke ani.
66
Kudang āyin áfak ālyat ne ani si tabat lirim nyiā, "Ihwaha nang ngwon kai na yet?" Da nyan ke nang ban di bwak Āgwaze ātanzwe ngwon ke āni.
67
Āchiā gu'u Zakariya anhyat ming azazirak ntswe āni,
68
si tabat dyep Āgwaze Izirelawa da nyan ke nang gun bai āsimi furok ānyet da ywan zot āni.
69
Ā nwak zanang āti san āmami nkwai Dauda
70
tsatsirak ming ālyat nang Āgwaze lyat ābonu nman ntam gu nyet agbangbang āni.
71
Ā kyak shishii nang gu nan san zit mbwak akatuk ming anyet lakli zit āni.
72
Ā nyiā ānya di fak kunak nkwai zit jzi, da nyan akabe gu tse nyiā ming kwai zit jzi āgbangbang āni.
73
Ākabe kikya yet shishii jzi nang gu kyak ming Ibrahim achiā zit'u āni.
74
Shishii jzi za yet gu a tin zit mbwak ākatuk ānyet zi ka shiā Jan dyep gu dimi fak awun
75
āmami azazirak nfwo kakap shichet zit hu.
76
Nwan āfai ning, āna yai āyirok ákā agbandang ati shai ālyat,
77
da nyan kā nang anan gyet ākwok aswon tak ānyet shai ālyat ning ne āni ming biyang ānyet kai vak shiā kwii katuk.
78
Āgwaze na kwui zit katuk da nyan kā gun gyet ati byiā shok ani. Da nyan nshok āti san, ana chiā atsotson tat ā bwok ābai ābiyang zit.
79
Āna tat ānyet nswat min dyin alili, atin be din vak ahwu; āna jwuk atītak zit be zi kai din vak tan."
80
Ngwon ke si laai mi vam kasi byia chāt mi ntswe. Kasi swan āyit da vwuo sang āsāhwot ta tat jan jzi kan tabat ghwut nte āni.