1
Mmam ne nang Casar Agustin ntam a fang kakap ānyet ba shiā ma kīrang Romawa ke ani.
2
Fang ahwai hwa yet atse fang din jan jzi nang Qurinus yet atibang ākīrang Siriya.
3
Jan jzi konyan si nat a fang gu ma kīrang gu.
4
Yusufu si durok ma kīrang Nazareth, kyung Galili āsi chong āta nat ma kīrang Juda da kīrak Bethlehem ayet agbandang ākīrang Dauda āni da nyan ke nang gun gyet kwai Dauda za āni.
5
Āku nat áluru yiyurok be hu dindùng ming Mariyamu nang gu chat di bwo āni.
6
Āchak ke nang jan nyiā gu abin ngwon ninap guke āni.
7
Āsi bin ngwon asam kya, āsi gat ke ming chyang āturo, āsi mat ke mi kukwon nang an nwat nyam nkyangyak āni da nyan ke nang tutu nshiā da vwuo saai ānachan ke āni ba.
8
Ma da kīrak āwai nang ānyet chok shiā di chok nkyang nzwe be aketuk.
9
Ma brik maleka Āgwaze si bai āmi yong, shii jzi hu si tat be nang anumam āni, awun si tabat be.
10
Maleka jzi si tak ming āmbe "bayok fak awun ba, āna tak ming āmbe kyang agwi.
11
Āfwun ma bin ati san ma kīrang Dauda! Guwa yet Yesu atisan!
12
Nyan jzi yina li ani za yet, yina shiā ngwon āfai nang agat ming chyang āturo āsi mat amami kukwon kyangyak nyam."
13
Din jan jzung āyaa lap afang ātanzwe si tabat dyep Āgwaze ashai,
14
"Shichet Āgwaze ātanzwe ming swat nyinyang dunio hu swan dindùng ming ānyet nang gu fwong nyinyang be āni."
15
Jan jzi nang maleka jzi si nhwon ānyet chok be zisi tankat atazwe āni basi tabat lyat ming āgyang be, "Zi nat Bethlehem zi li kyang Āgwaze tak zit ani."
16
Basi durok ankat āta shiā Mariyamu ming Yusufu mbiyang ngwon afai ke nang ka myan mi kukwon kau nyam nkyangyak.
17
Ba ta ndi āni, basi tabat shai ānyet kyang nang atak ming āmbe āni.
18
Kakap anyet basi fak kyang nang ānyet chok be tak mi ng āmbe āni basi fak āgade.
19
Mariyamu si tabat ādidam atanfwo da nyan ālyat ne.
20
Ānyet chok be si bwok atabat dyep Āgwaze da nyan nkyang ba li basi fak āni.
22
Ātuk nang nmam kwii be ne nswak ani, tanat tsatsirak ming gag nang Musa ku sak āni, Yusufu ming Mariyamu si kyak ngwon ke ānat dio Urushelimma da vwuo naai bata nyep Āgwaze.
23
Aku luru da tse nyiā "Ku dang ngwon ninap na yet azazirak azaghi Āgwaze."
24
Basi nat kag nywai di sangag zi nang gag ālyat Musa hu nhyiā āni "āyaa bwa afiyang, ku shap nywan suyang."
25
Āgyang ānyet ku shiā Urushelimma asin gyai gu Siman. Āku chong chachirak mi hwui. Aku fwong atisan Izirelawa, āsi shiā ming azazirak ntswe.
26
Azazirak ntswe wu ashiā ming āngu āni si tak ming āngu da āna khwu ba se nang gu sak aghii di Yesu ati san.
27
Atuk āgyang azazirak ntswe si kyak gu ānat dio da vwuo naai. Nang a nat ming Yesu anyiā gu kyang nang gak ālyat abin hu chat āni.
28
Jan āzai Siman si san gu abang adyep Āgwaze tse ālyat nyiā,
29
"Kai ahkwo áwu ghwon kankīrang di hyiā ālyat áhu."
30
Ālili ning be li san nang
31
áshim āswan si li āni.
32
Āna yet ātanam tat ālili ānyet nwai hwui, āyet ātan anyet Isirela."
33
Achiā ming āyang ngwon wu si fak āgade di n kyang ne ālyat atanzwe ke āni.
34
Siman si nang be nde, āsi tak ming Mariyamu āyang ngwon wu nyiā "Fak shansham! Ngwon kai na yet vwot ming shwot kwoi ānyet Isirela nang átsan lyat āni.
35
Nwan ma tswat na siyet āliā ákā ādidam ābai kpai."
36
Āyang shai āgade nang angyai Anna ani si shiā aza. Āyet ngwon anap Panuel kya min kwai Asher. Āsi kwop. Āswan ming atyok gu ndyā anatat di nyirang be,
37
āsi swan di yet ananswali ndyā nswak arinai ming nyaii. Kudang jan, aketuk ming ātamam āshiā da vwuo naai ātse kwot ānu.
38
Jan āzai asi nat āta shiā be ādyep Āgwaze ā shai ānyet ālyat nyia āgyang ānyet chabai āsan Urushelimma.
39
Ban tyak nyiā nkyang nang na tai ba nyiā āni basi bwok ānkat Galili bwak ta nat ma kīrang beke Nazareth.
40
Ngwon ke si laai ātse ābiā chet mbiyang lyen nkyang di sangag jzi tswe Āgwaze nshiā manke āni.
41
nbin gu be si tabat chong song dina ma kīrang Urushelimma kudang aliā.
42
Jan si kīrak ābai nang gu yet ndyiā swak ming nfiyang basi bwok ānat song dina.
43
Ban swan nmam ne sin tat tsatsirak ātyak song zi āni basi bwok ánkat ma kase. Yesu si lak hwui behu āsi bwok āswan Urushelimma nang ba lyen ba.
44
Ba ngyai ashiā dindùng ming āsurong ānyet ke ba chong ndùng ming āmbe kwe mam hu āni. Ban di gu āni ba basi tabat chat gu da vwuo ānanywuk ming āpkandang kī bana li guu.
45
Ba ndi gu āni ba, basi bwok ānat Urushelimma a chat kī bana li gu āza.
46
Ba chat gu se atuk mam tat basi do li gu nang gu swan da vwuo naai makawochiā ānyet myiam afwong nkyang ne ba lyat āni ātse lirim be ālyat.
47
Kakap ānyet ba fak gag nang gun dyat ātse ashii ālyat be ne ani basi fak āgāde.
48
Ban chat gu āta shiā āni basi fak awun. Āyang'u si lyip gu nyiā "Āfai ning, Ihwaha nang anyiā zit ānyiā? Fak, ning ming achiā awu chat á akat.
49
Gu nyiā mang āmbe " yi chat ning di dankyang? yi lyen nang hun gyey te hwa nswan āmali āchiā ning ke dà?
50
Basi shiā lyen kyang nang gu dam āsin kīrak ānyiā āni ba.
51
Āsi hwui be kpākpak ābwok ānát Nazaret. Āyang guu si sak kudang kyang ātanfwo.
52
Yesu sin mbiyang laai mi vam ming lyen, āsi shiā chat da vwuo Āgwaze ming anibishii.