¹ Jadi tege banyak urang bausaha mayusun suti catatan tentang peristiwa am jadi tajadi katogah diri, ² bera halnya catatan am jadi kona sampai ka diri laie urang am metuh partama jadi saksi mata umakan memberitakan Firman. ³ Laie aku metuh balajar uras taliti mula awal, baie aku jam manuliskan nya secara teratur akan kolai, ui Teofilus am mulia, ⁴ nyaman kolai tahu ingat kabujur tentang hal am jadi kana lajar ka kolai. (pemberitahuan tentang Yohanes Pembaptis) ⁵ Metuh masa pemerintah Herodes, Raja Yudea, tege siku imam am banama Zakharia am baasal mula kelompok imam Abia. Bininya baasal mula katurunan Harun, am namanya iyaham Elisabet. ⁶ Zakaria rang nua Elisabet iyaham urang am baie ka mata Hatalla. Urang hirup barasih sasuai akan uras hukum umakan perintah Tuhan. ⁷ Akan tapi, urang honta bagora ana laie Elisabet mandul lalu ka dua nya jadi tuha. ⁸ Metuh jadi sampai rombongan am batugas, Zakharia baulih tugas jadi imam am paharap Hatalla. ⁹ menurut kabiasaan kaimaman, Zakharia tapilih badasar kan undian nyaman tama ka Bait Hatalla lalu ma nutung ukupan. ¹⁰ metuh iyah jam ukupan kan persembahan,seluruh umat badoa ka luar. 1Tiba tiba malaikat Tuhan mamarah kan diri nya ka Zakharia lalu badiri ka sorap kanan altar ukupan. ¹² Metuh mailae malaikat iyah, Zakharia jadi kakitie lalu kagolakan. ¹³ Akan tapi, malaikat iyah bapaner ka inya," Hinang gola, Zakharia, laie doa permohonan mu jadi kona dogar. Binie mu,Elisabet akan malahirkan siku ana kalaki akan kolai lalu kolai akan mamori namanya Yohanes . ¹⁴ kolai akan bersukacita lalu bergembira, lalu banya urang jam akan uma basukacita laie kelahirannya. 5 Inya akan jadi bakah ka paharap Tuhan lalu honta akan manamarai anggur atau mabu. Bahkan, metuh mula lalam porut inainya inya akan kona penuhi laie Roh Kudus. ¹⁶ Inya hona magaruh banya urang Israel babalie uma Tuhan, Hatalla urang. ¹⁷ Inya akan bajalan manyahelu Tuhan honi roh umakan kuasa Elia,' nyaman magaruh hati ompai babalie ka ana urang'. Inya jam akan magaruh urang am honta taat nyaman babalie ka hikmat urang bujur.Bera iyah jam, inya mempersiap kan umat am jadi kona sadia akan Tuhan." ¹⁸ Zakharia bapaner ka malaikat iyah,"Apa ulah aku akan ingat tentang hal itie? Laie, aku itie jadi tuha lalu biniku jam jadi lanjut usia." ¹⁹ Malaikat iyah manjawab," Aku iyah am Gabriel, malaikat am badiri ka paharap Hatalla. Aku kona utus bapaner ka kolai lalu manyampai kan kabar baie itie ka kolai. ²⁰ Tapi, laca dongarkan! kolai akan jadi bisu lalu honta tahu bapaner sampai ka arie metuh hal itie tajadi laie kolai honta percaya akan pamanerku,am akan kona gonap pas waktu nya." ²¹ Sementara iyah, umat manantie Zakharia. Urang bataya ngapa Zakharia hurau lamat ka lalam Bait Hatalla. ²² Metuh maluar, Zakharia honta tahu bapaner ka urang.Urang jam ingat Zakharia jadi baulih pailae ka lalam Bait Hatalla laie inya tarus magaruh isyarat ka urang, tapi honta tahu bapaner. ²³ Limah jangka waktu tugas kaimamannya baakhir, pulanglah Zakharia ka dangaunya. ²⁴ Limah peristiwa iyah, Elisabet nganung lalu manabukan diri salama lima bulan. Inya bapaner, ²⁵ ''Itielah am jadi Tuhan karuhkan aku. Inya mamperhatikanku lalu mahapus aibku mula antara urang banya.'' (Pemberitahuan tentang Yesus Kristus) 26Metuh waktu umur kanungnya Elisabet baumur onam bulan, Hatalla mautus malaikat Gabriel ka suti kota ka wilayah Galilea, am banama Nazaret. ²⁷ Inya kona utus akan badapat siku relawan am batunangan akan siku kalaki am banama Yusuf, katurunan Daud. Nama relawan iyah iyaham Maria. 28Lalu, malaikat iyah datang ka Maria lalu bapaner,''Salam, ui kolai am kona berkat! Tuhan basamahmu.'' ²⁹ Manongar pamaner iyah, Maria jadi heran. Inya batanya lalam hatinya tentang arti salam iyah. ³⁰ Malaikat iyah bapaner ka inya,''Hinang gola, Maria, laie Hatalla jadi mamori kasih karunia-Nya ka kolai. ³¹ Dongarkan, kolai akan nganung lalu malahirkan siku Ana kalaki, lalu kolai akan mamori nama-Nya Yesus. ³² Inya akan jadi bakah lalu akan kona joku Ana Hatalla Am Mahatingie. Tuhan Hatalla akan mamori-Nya takhta Daud, hiya umuh-Nya. ³³ Inya akan mamarintah tingie katurunan Yakub akan salama-lamanya lalu karajaan-Nya honta akan basa baakhir.'' ³⁴ Lalu, Maria bapaner ka malaikat iyah,''Apa ulah hal itie akan tajadi sedangkan aku hompan balaki?'' ³⁵ Malaikat iyah manjawab lalu bapaner ka inya,''Roh Kudus akan datang ka tingiemu umakan kuasa Hatalla Am Mahatingie akan manaungimu. Laie iyah am, Ana am akan lahir iyah ayaham kudus lalu akan kona jolu Ana Hatalla. ³⁶ Lalu, ingat laie Elisabet, manyarimu iyah, metuh nganung jam metuh umurnya jadi tuha. Inya am metuh iyah kona joku mandul, wayah itie jadi nganung salama onam bulan. ³⁷ Sabab, honta ara hal am mustahil bagi Hatalla.'' ³⁸ Lalu, Maria bapaner,''Sabujurnya, aku itie hamba Tuhan. Tajadilah ka aku bera am kolai paner.'' Limah iyah, malaikat iyah badari maninggalkannya. (Maria Magoang Elisabet) ³⁹ Mula ari iyah Maria hona siap siap badari ka daerah pagunungan,ka homan kota Yehuda. ⁴⁰ Inya tama kadangau Zakharia hona mamori salam ka Elisabet. ⁴¹ Mula iyah Elisabet mandogar salam mula Maria,anak mula lalam kandungan nya maloncat umakan Elisabet am ponuh Roh Barasih. ⁴² Lalu Elisabet basoru honie suara nyaring," kona berkat am kolai am jadi uras labinie, dengan diberkatilah buah kandungan mu ⁴³ Sapakah aku itie sahingga inaie Tuhanku datang kaaku? ⁴⁴ Bujur, katika suara salammu sampai ka poningku, anak lalam kanunganku maluncat laie sukacita. ⁴⁵ baramilah inya am percaya bahwa apa am dipaner Tuhan akan digenapi.'' ( Pujian Maria akan Hatalla) ⁴⁶ Lalu bapaner Maria, "Jiwaku memuliakan Hatalla, dan Rohku bersukacita lalam Hatalla, Juru salamatku. ⁴⁸ Sabab Hatalla jadi mahitung ungkup-Nya am hina itie. Dongarlah, mula wayahti umakan satarusnya, saluruh ganarasi akan manyoku barami. ⁴⁹ Laie Inya Am Mahakuasa jadie mangaruh hal-hal am bakah akan aku, dan Barasihlah nama-Nya. ⁵⁰ Rahmat-Nya diborie mula generasi ke generasi, akan urang-urang am gola akan Inya. ⁵¹ Inya jadie mamarah kuasa-Nya dengan jarie-Nya. Inya mencerai-beraikan urang-urang am sombong lalam pikiran hatinya. ⁵² Inya manurunkan para penuasa mula takhta pamanya, dan maningikan urang-urang am lowae hatie. ⁵³ Inya jadie mangonyangkan urang am kaporan dengan kabaie, tapi mausir urang sugih badari dengan longan kosong. ⁵⁴ Hatalla jadie mamori marompuh akan Israel, Hamba-Nya, laie maingat rahmat-Nya. ⁵⁵ Sajadie am Inya paner akan hiyae umbuh dirie, akan Abraham dengan katurunanya akan satarusnya." ⁵⁶ Lalu, Maria diam uma Elisabet kira-kira Tolu bulan lamatnya, lalue inya pulang ka dangaunya. (Kalahiran Yohanes Pembabtis) ⁵⁷ Wayahti datang waktunya akan elisabet akan malahirkan dan inya malahir anak kalaki. ⁵⁸ Uras tatanga umakan kaluarganya mandogar ujae Tuhan jadi kona tunjuk rahmat-Nya am bakah ka Elisabet, lalu urang turut basukacita uma inya. ⁵⁹ Mula arie ka dalapan urang datang hona manyunat ana iyah. urang hona mamorie nama ana iyah Zakharia, samakan nama ompainya. ⁶⁰ Akan tapi, inaienya bapaner, "honta, nya akan di borie nama Yohanes." ⁶¹ Urang urang iyah bapaner ka Elisabet, mayan ara urang am jadi sanak-dogan kolai am di borie nama honie nama iyah." ⁶² Akan tapi iyah mamorie isyarat akan Zakharia honie batanyae akan inya, nama apa am hona diborie kan ana am iyah. ⁶³ Zakharia maminta papan tulis, am manulis macam itie:"Namayah Yohanes."am, uras urang jadi heran. ⁶⁴ Katika iyah jam, durung Zakharia tabuka dan lilahnya tabebas. ia jam mamulaie bapaner dan mamuji Hatalla. ⁶⁵ Uras tatanga pamanya bera gola am bera itie bera bahan bapaner ka uras banua kabukit Yudea. ⁶⁶ Mula, uras urang am mandogar am itie batayae-tayae lalam hati inyae," Hona jadi apakah anak itie nonae?"Sabab, logan Tuhan menyertai inya.( Zakaharia Memuliakan Hatalla) ⁶⁷ Zakharia ompai Yohanes, Inya diponuhi Roh Barasih umakan bernabuat, ujanya, ⁶⁸ "Tapujilah Tuhan Hatalla Israel sabab Inya jadie melawat umakan malalu dan manowus umat-Nya. ⁶⁹ Inya jadie mahuas Tanu kasalamat akan dirie mula katurunan Daut, hamba-Nya, ⁷⁰ nulat am Inya firmankan malalue durung nabi-nabi-Nya am barasih mula zaman maruhum ⁷¹ nyaman dirie disalamat mula munsuh-munsuh dirie, dan mula longan uras urang am kagili dirie. ⁷² Inya mangaruhnya akan manunyu rahmat kepada hiya umbuh dirie, dan laie Inya ingat akan perjanjian-Nya am barasih' ⁷³ yaham sumpah am Inya paner akan hiya umbuh dirie,Abraham, ⁷⁴ bahwa dirie akan dilopas mula longan munsuh- munsuh dirie nyaman dirie bulih malayani-Nya mayan asa gola, ⁷⁵ , lalam kabarasih umakan kabujur di paharap-Nya, saumur hirup dirie. ⁷⁶ Dan kolaie, anakku, akan dijoku nabi Hatalla am Mahatingie, sabab akan bajalan maholue Tuhan , akan mampasiap jalan akan Inya. ⁷⁷ Akan mamorie paingat tentang kasalamat akan umat-Nya malalu pengampunan akan dusa-dusa pamanya. ⁷⁸ Laie rahmat dan belas kasih Hatalla dirie, sinar mata ari akan manyinar dirie mula homan tingie 9 akan manyinari pamanya am diam lalam ka potang dan am tege lalam bayang-bayang maut, akan manuntun kaki dirie manuju ka jalan damai sajahtera.'' ⁸⁰ Maka, anak inyah tumuh samakin bakah , dan samakin kuat lalam roh. Inya diam lalam padang belantara sampai tiba waktunya akan manampakan dirie akan bangsa Israel.