¹ Baada ya aka ndawene vamayikha vatayi vayimile pa kana chitayi cha duniya, vasvie ipepo ni lipalangulo lya kupula pa inyi, pashanya pa nyanja au sidi ya libihi lyelyoha. ² Ndikhavona malayikha yungi iyicha ukhu huma khumashariki, yeavele nu muhuri kwa Nguluvi yavele mwumi. Avembile khwa savuti kuu khwa malayikha vatayi ambavo vapatile uluhusa lwa khusulu iinyini nyanja: ³ "Mtane ukhusulu iinyi, inyanja au mabihi mbakha ya twivikha imihuli mu fipumila sha mitwe ya vatumishi va Nguluvi vetu.'' ⁴ Ndikhapulikha iidadi ya valaye vakongilwe umuhuli: 144, 000, ambavo yevakongilwe umuhuli ukhuhuma khila kabila ya vanu va Israel: ⁵ 12, 000 ukhuhuma khu kabila ya Yuda vakongilwe umuhuli, 12, 000 ukhuhuma mu kabila ya Rubeni, 12, 000 ukhuhuma mu kabila ya Gadi. ⁶ 120,000 ukhuhuma mu kabila ya Asheri, 12, 000 ukhuhuma mu kabila ya Naftali, 12, 000 ukhuhuma mu kabila ya Manase. ⁷ 12, 000 ukhuhuma mu kabila ya Simoni, 12, 000 ukhuhuma mu kabila ya Lawi, 12, 000 ukhuhuma mu kabila ya Isakari, ⁸ 12, 000 ukhuhuma mu kabila ya Zebuloni, 12, 000 ukhuhuma mu kabila ya Yusufu, na 12,000 ukhuhuma kabila ya Benyamini vakongilwe umuhuli. ⁹ Baada ya mambo aka ndalolile, na khwavele vumati vukomi ambawe hakuna munu yeiwesa - ukhuhuma khila tayifa, kabila, jamaa, ni lugha - vayimile pa khideko sha enzi na mbele ya mwanang'oolo. Vavee vafwalile ikanja mbalafu na vana mapakwa makhindo mumavokho kavo, ¹⁰ na vavee vikhemela khwa savuti ya pashanya: "'Uvukhombo chi vuli khwa Nguluvi yaa tamie pa khideko sha enzi, mu khwa mwanang'oolo!" ¹¹ Avamalayikha voha yevavele vayimile ukhusungukha ikhideko sha enzi nu khuvasungukha vala avaseehe pamonga na vanya wumi vatayi, vikundama panyi pamufumbi nu khuvikha isulu chavo pa shanya pa mufumbi mbele ya khideko sha enzi nukhumuabudu u Nguluvi, ¹² Vichova, "Amina! Sifa, nuvuvalache, hekima, khusengucha, heshima, uvuweso ni ngufu fivele khwa Nguluvi vetu milele na milele! Amina!" ¹³ Nekhe yumonga vava vala vaseehe ambuchiche, ''ava vavayani ye vafwalile ikanjo mbalafu, navahumile khwii? ¹⁴ Ndakhamuchovela, mtwa mkomi, umanyile uveve," anjovye, "Ava vala yevahumile musiki kuu. vafuvile ikanjochavo nu khuchifanya mbalafu khwa danda ya mwanang'oolo. ¹⁵ Khwa sababu iyi vavele mbele ya khideko sha enzi sha Nguluvi, na vakhamuabudu umwene pakhilo na pamunyi mu hekalu ya mwene. Umwene yatamie pashanya pa khideko sha enzi yaisambasa ihema ya mwene juu yavo. ¹⁶ Siyavivona njala khangi, wala khulapa fena ilichuva siya likhavanyanya, wala mafukhe ka khunyanya. ¹⁷ Khwakhuva umwanang'oolo yavele katikati ya khidoko sha enzi ya iva mudimaji vavo na akhavolongocha khuchemuchemi ya makasi kavusima, nu Nguluvi ya ifutta khila linyochi mumiho kavo.''