¹ Ndalolile umusikha u mwana ng'oolo pea fungwe kumonga kwa mihuli saba, ndikhapulikha yumonga va vala avanya wumi vatayi ichova khwa savuti yeyi wanine ni ladi, "Wichake!" ² Ndikhalola pevele ni falasi mbalafu! Yeahovile avele ni bakhuli, apelilwe inginga. Ahumie kama mushindi yeishinda nekhe asindane. ³ Umasikha umwana ng'oolo peafungwe umuhuli kwa khavili, ndikhapulikha u munya wumi uva khavili ichova, "Wichake!'' ⁴ Nekhe falasi yingi yikhahumila - dung'u kama mwoto. Yeayi hovile apevilwe uluhusa lwa khuhecha i amani pa inyi, nekhe avanu va hinjanake. Uyu yeahovile apelilwe ilipanga likhomi. ⁵ Umasikha umwana ng'oolo peafungwe umuhuli kula kwa khadatu, ndikhapulikha umunya wumi uvakhadatu ichova, "Wichake! Ndikhavona ifalasi nitu, na yeahovile anaminzani mulivokho lya mwene. ⁶ Ndikhapulikha isavuti yeyavonikhine khuva ya yumonga vavala avanya wumi ichova khibaba sha ngana khwa dinali yimonga ni fibaba fidatu fya shayili khwa dinali yimonga. Lakini utane ukhukasulu amafuta ni difayi.'' ⁷ Umasikha umwana ng'oolo pealiifungula umuhuli u kwa khatayi, ndapulikhe isavuti yichova, "Wicheke!'' ⁸ Nekhe ndikha vona ifalasi yiwanile lyenge. Yea hovile akhemelwaka ilitawa lya mwene mufwa, nu khukusimu khwa mufwataka. Vapelilwe amamulaka khwajili ya numbula cha inyi, ukhuvulaka khwa lipanga, khwa njala nu khwa vutamu, na khwa fikhano fya mukhisala fya painyi. ⁹ Umasikha umwana ng'oolo ifungula umuhuli ukwa khahano, ndawene panyi pa masabahu inumbula cha vala yevavele vavulakilwe khwajili ya licho lya Nguluvi nukhuhumana nu vushuhuda wevakhamwe khwa vusabiti. ¹⁰ Vakhavemba khwa savuti kuu, "mbakha pandali, Mtawala fhoha, muvalache na mukweli, wihukhumu yevitama pashanya pa inyi, nu mukweli, wihukhumu yevitama pashanya pa inyi, nu khulipisya ikhifipa sha danda yetu? ¹¹ Nakhe khila yumonga akhapewa ikhanjo mbalafu nukhuchovelwa ukhutikila vitakhiwa ukhulolela kidogo pakha ya yifikhila ihesabu kamili ya vatumishi vayavona valongo vavo ava khidala na va khikosi peya yitimila ambavo vivalakwa, kama avene shevavulike. ¹² Umasikha umwana ng'oolo peafungwe umuhuli ukwa sita, ndalolile na pavele ni khilindima khikuu. Ilichuva likhalitita kama likunila lya lusinga, nu mwechi mufilima kukhava kama danda. ¹³ Inondwi cha khushanya chikhabina pa inyi, kama libihi sheli pulimia amatunda kakhe umusikha kwa ng'aala pekwihukuswa lipalangulo. ¹⁴ Amafunde kahekile kama gombo yeyifilingilwe. Khila khidunda ni khisiwa fya hamile amahali pakhe. ¹⁵ Nekhe Avatwa va inyi na vanu amaalufu na vajemadali, avatajili, avanya ludali, na khila yumonga yavele mutumwa na yavele hulu, vifihile mu manga nu mumakanga ka mufidunda. ¹⁶ Vafichovie ifidunda na makanga, "Mtubinile! Mtufihe sidi ya sula ya mwene yeitama pa khideko sha enzi nu khuhuma ilikoko lya mwana ng'oolo. ¹⁷ Khwa khuva ikhikono sha likoka shavo khifishe yuyani yeiwesa ukhuyima.