¹ Halafu ndawene umalayikha iyikha ukhuhuma khushanya, avele ni fungulo cha mulindi kwekusiveli nu mwisho nu mnyololo mkomi mlivokho lya mwene. ² Alikhamwe lila iliyokha, liyokha lya khatali, ambalyo li ibilisi au setani, nukhumfunga miakha elfu. ³ Alitakile mumalindi kwekusiveli nu mwisho, alikhungile nu khuli konga umuhuli pashanya palyene. Iyi yavele ewe ilikwamba atane ukhuvachanga vamatayifa khangi mbakha miaka elfu yayisila. Baada ya apo, ihumuswa hulu khwa muda mudebe. ⁴ Halafu ndawene ifideko fya enzi. yevavele vafitamie vala ambavo vavee vapelilwe amamulaka kakhuhukhumu. Khangi ndawene inafsi cha vola ambavo vave vadumulilwe imitwe khwajili ya vushuhuda ukhuhusu u Yesu na khwa licho lya Nguluvi. Vaveesi vikhakhimuabudu ikhikhano au sanamu ya mwene, navabelile ukhuyanukha ialama juu ya fipumila fya sula chavo au mlivokho. Vayichile khuwumi na vakhatawala pamonga nu Kristo khwa miaka elfu. ⁵ Avafwasi vayichili khuwumi mbakha miakha elfu yayitimila. Uwe ndio vufufukho wa khwanja. ⁶ Mukinikhwa nu mvalache munu yeyoha yeitola inafasi ya vufufukho uwa khwanja ukhufwa khwa khavili hakhuna ludali juu ya vanu kama ava. Piva na vakuhani va Nguluvi na va Kristo na ya vitawala nave khwa miakha elfu. ⁷ Wakati miakha elfu yayifikha mwisho, Usetani ifunguliwa ukhuma khugelesa mwa mwene. ⁸ Ihelela khwivala khuva changa matayifa katika kona chitayi cha inyi - Gogu na magogu - khuvaleta pamonga khwajili ya fita. Yaviva volofi kama mhanga kwa khunyanja. ⁹ Vahele khushanya khutambalale ya inyi navene vasungwikhe ikambi ya vafuwa, muji kwekukanilwe lakhini umwoto kwayichile ukhuhuma khushanya kwa vaangamise. ¹⁰ Usetani, yeavochangile, atakilwe mukati munyanja yeyiyakha ikhibeliti, ambamwe ikhikhano nu mvilisi vavudesi vave nevatakilwe viteswa ikhilo nu munyi milele na milele. ¹¹ Kisha ndawene ikhideko sha enzi khikomi khivalafu na yulayeatamie pashanya pakhe. Iduniya ni mbingu chanyilile ukhuhuma muwepo wakhe, lakhini sipaveli inafasi vene ukhuhelela. ¹² Ndavawene yevafwele - hodali na yesivaveli muhimu vayimile pa khideko sha enzi, ni fitabu fyafungulilwe. Nekhe ikhitabu ikhingi ikhitabu sha wumi. Avafwa yeva hukhumiwe khwa khila sheshayandikhilwe mukati mufitabu, mahumilo ka khila shevafanyaka. ¹³ Inyanja ya vahumiche avafwa yevavele mkati mwakhe. Ikhifonu kusimu fwavahumiche avafwe ambavo vavele mkati mwakhe, vafwe vahukhumiwe ukhulingana shevakhifanyaka. ¹⁴ Ikifo nu kusimu chatokilwe mukati munyanja ya mwoto. Ikhi khifo shakhavili nyanja ya mwoto. ¹⁵ Kama ilitawa lya yeyoha silivonikhi liyandikhilwe mkati mu khitabu sha wumi, atakilwe mkati munyanja ya mwoto.*