¹ Baada ya mambo aka ndapulikhe isavuti kama ya mliyo mkomi kwa likundi likhomi lya vanu khushanya lichova, "Haleluya. Vukhombochi, vuvalache, nuludali lwote lwa Nguluvi vetu. ² Ihukhumu cha mwene cha salwesi na cha haki, kwakhuva amhukhumwe ukahaba mkuu yeayi yanangile iinyi khwa vusinzi wamwene. Afanyile ikhisasi khwa danda ya mutumishi vamwene, ambayo adudile umwene yumwene.'' ³ Khwa mala ya khavili vachovile, "Haleluya! Ilyosi lihuma milele na milele." ⁴ Vala avasehe ishilini na vatayi ni fivumbe fwimu fitayi fisujudu nu khuabudu u Nguluvi yeitama pakhideko sha enzi. Vachova ka, "'Amina. Haleluya!" ⁵ Nekhe isavuti yihume pakhideko sha enzi, yichova, "Mumulumbake u Nguluvi vetu, unye vatumishi vamwene, vote unyenye mukhamwimikha umwene nyevoha yemusiveli vumuhim na vaya ludali. ⁶ Nekhe pendapulikhe isavuti ya likundi likomi lya vanu, kama savuti yikhuya kama makasi malofii, na kama khubuluma khwa ladi, yichova, "Haleluya! Umtwa Nguluvi vetu, mtawala juu ya voha, itawala. ⁷ Natushangilile nu khukhela nu khumpela uvuvalache khwa sababu ihalusi ni shelehe ya Mwana Ng'oolo yiyichile, nu bibi halusi avele tayali. ⁸ Aluhusiwe ukhufwalichwa kitani safi na yenye ng'ala (kitani safi kevele matendo ka haki ka vafuwa). ⁹ Umalayikha achovile nani, "Ukhuyandikhe aka: Vakinikhilwe yevaalikhilwe khu shelehe ya halusi ya Mwana Ng'oolo.'' Tena anjovie, "Aka machoka salwesi ka Nguluvi.''' ¹⁰ Ndamusujudie mbele ya makulu kamwene ndamwabudile, lakhini anjovie, "Utaneukhukhita ewe! Unene ndivele mtumishi myino na va valongovo munya khuvukhamula uvushuhuda wa Yesu. Umwabudu u Nguluvi, khwa khuva uvushuhuda wa Yesu yivale numbula ya vuvilisi.'' ¹¹ Kisha ndawene imbingu chifungwikhe, ndilanga khwavele ni falasi mbalafu! Na yula yeavele ahovile akhemelwaka mwaminifu na va selwesi. Ihukhumu khwa haki nu khufanya ifita. ¹² Amiho kamwene kama lulambo lwa mwoto, pashanya pa mutwe ana taji njolofi. Alitawa lyaliyandikhilwe pashanya pamwene lya asili manyili munu yeyoha isipokhuva umwene. ¹³ Afwalile ilifasi lyelidombilwe mudanda, ni litawa lya mwene ikhemelwa lwa licho lya Nguluvi. ¹⁴ Avasilikhani va khushanya vavele vifwata khu pashanya pa falasi imbalafu, vafwaliche ikitani nofi, mbalafu na safi. ¹⁵ Mumulomo kwa mwene lihuma ilipanga linyavuki ambalyo liyangamisa vamatayifa, nuwene akhatawela khwa khibokho sha likoko likhali lya Nguluvi, itawala juu ya voho. ¹⁶ Nave ayandikhilwe pashanya palifasi lya mwene na pali paja lya mwene litawa, MTWA VA VATWA NA BWANA WA MABWANA. ¹⁷ Ndawene umalayikha ayimile palichuva avakhemelye khwa savuti kuu fideke fhoha fyefipulundu mwichake mukhusanyi khake pamonga pashakhulya khikuu sha Nguluvi. ¹⁸ Mwiche mulye inyama ya vatwa, nyama ya vajemadali, nyama ya vanu vakomi, nyama ya falasi na vahova falasi ninyama ya vanu voha yevavele hulu na vatumwa, yevasive nuvumuhimi na vanyaludali.'' ¹⁹ Ndakhiwene ikhikhano na vatwa va painyi pamonga na majeshi kavo. Vavele vipangile khwajili ya khufanya ifita nayumonga yeahovile ifalasi nilijeshi lya mwene. ²⁰ Ikikhano sha khamulilwe nu muvilisi va mwene. Khwa ishala ichi avachangile vala yevayamwikhe ichapa ya khikhano na yeva sujudwe isanamu yamwene. Voha vavilivatakilwe vapye vumi munyanja ya mwoto kwekwiya ni khibeliti. ²¹ Vala yevasike vavulakilwe khwa lipanga lyelyahumile mumulomo kwa yumonga yeadomile pashanya pa falasi. Ifidege fyoha fya lyele imisoga yavo.