¹ Khangi ndawene iishala yingi ngomi na khukanisa, vele na vamalayikha saba avanya mapigo saba, ambako kavele mapigo kamwisho (Katika ako ilikoka lya Nguluvi lyavele litimie). ² Ndawene khila sheshahumie khuva inyanja ya bilauli yeyihanjichwe nu mwoto, na akhayima pamweya pa nyanja ambapo vala yevasindile sidi ya khikhano ni sanamu ya mwene, ni namba yeyiwaki lisa ilitawa lya mwene. Vavele vakhamulye ifinubi fye vapelilwe nu Nguluvi. ³ Vavee viyimba ulwimbo lwa Musa, umutumishi va Nguluvi, nu lwimbo lwa mwana ng'oolo: "Ikhasi chakho ngomi na chinyavukanisa, umtwa Nguluvi, mtawala va fyoha. Mwaminifu ni njila chakho cha salwesi, Mtwa va matayifa. ⁴ Yuya ilemwa ukhukhuhofu uveve mtwa nukhulivalacha ilitawa lyakho? Khwa khuva uveve vemwene ulimuvalache. Matayifa koha yakiyicha nu khukhuabudu mbele chakho khwa sababu ulimwema na matendo kakho kajulikhine.'' ⁵ Baada ya mambo ako ndalolile, ni sehemu mbalache sana, ambapo pavele ni hema ya vushuhuda, wevufungushe khushanya. ⁶ Ukhuhuma pavalache sana vayichile avamalayikha saba avanya mapigo saba, vafwalile amafasi safi kitani yeyi ng'ala ni mikhandala ya sahabu ukhusungu ififuva fyavo. ⁷ Yumonga va vala avanya wumi vatayi akhatola khwa malayikha saba mabakhuli saba ka sahabu kekamemile ilikoka lya Nguluvi umunya khuishi milele na milele. ⁸ Mahalipavalache sana pamemile ilyosi ukhuhuma khu vuvalache wa Nguluvi nu khuhuma khuva weso wa mwene. Hakuna hata yumonga yeawesiche ukhuyingila mbakha saba kamalayikha saba pekatimie.