¹ Ndalolile ndikhavo umwana ng'oolo ayimile mbele yangu pashanya pa khidunda ikhi Sayuni. Pamonga nu mwene vavele 144, 000 avanya litawa lya mwene ni litawa lya Baba va mwene liyandikhilwe pa fipumila fya sula chavo. ² Ndikhapulikha isavuti ukhuhuma khushanya yipulikhikha kama khubuluma khwa makasi malofi ni savuti ngomi ya maamba. Savuti yendapulikhe yaveele kama yevitova finubi fyavo. ³ Viyimba ulwimbo lupya mbele ya khideko sha enzi na mbele cha vanya wumi vatayi na vasehe. Hakuna hata umunya vuweso va khwifunja ulwimbo ulwe isipokuwa khwa 144, 000 ambavo vakhombolilwe ukhuhuma khu inyi. ⁴ Ava vala ambavo sivichafwe vavene khwa vadala, maana vitunjiche vavene sidi ya matendo ka sinaa. Ava ndio yevamufyataka umwana Ng'oolo pepoha peihelela. Ava vakhombolilwe ukhuhuma khwa vanu vakhava matunda ka khwanja khwa Nguluvi na khwa mwana Ng'oolo. ⁵ Hakuna vudesi wewapatikhine mu milomo ya vene; Sivilaumiwa. ⁶ Ndikhavona malayikha yungi ipulundukha katikati ya khushanya, ambave munya mola ya khushanya ya habali nofi khwa khuvutangasihicha avanya khuishi pa inyi khwa khila tayifa, kabila, luga, na vanu. ⁷ Avakhemelye khwa savuti kuu, "Mumuyokopake uNguluvi na mumupelake uvuvalache. Khwa khuva umasikha kwa hukhumu kukalibie. Mumwabudwake umwene yeavumbile khushanya, ni inyi, ni nyanja, ni chemchemu cha makasi.'' ⁸ Umalayikha uyungi - malayikha va khavili afwatile akhachova, "Ubinile, ubinile Babeli mkuu, ambae wavanywesiche amatayifa idifayi vu kahaba, difayi yeyaletile ilikoka juu ya mwene.'' ⁹ Umalayikha yungi - malayikha khadatu - avafwatile, akhachova khwa savuti kuu, "Yeyoha yeya akhamwabudu uyo ukhikha ni sanamu ya mwene, nu khuyanukha ialama pa khipumila sha sula au mulivokho. ¹⁰ Umwene nave inywa idifayi ya likoka lya Nguluvi difayi ambayo yiandahilwe nu khududwa bila khuhanji kania mukhikhombe sha likoka lya mwene. Umunu yeya inywa iteswa khwa mwoto nu mwoto kwa khibiliti mbele cha malayikha va mwene avavalache na mbele ya Mwana Ng'oolo. ¹¹ Ni lyosi lya maumifu kavo likhahelela milele na milele na sivaveli nu khupola umunyi ni khilo avo yevi abudu ikhikhano ikhikhano ni sanamu ya mwene na khila munu yeayanwikhe ialama ya litawa lya mwene. ¹² Uvu wito wa subila nuvufumilifu khwa vafuwa vala ambavo vitii iamuli cha Nguluvi nu lufuvo katika Yesu." ¹³ Ndapulikhe isavuti ukhuhuma khushanya, ''yichova uyandikhe aka: Heli avafwa yevifwa katika mutwa." "'Ndio,'' keichova umubepo, ili awese ukhupola ukhuhuma mkhasi chavo maana amatendo kavo kakhavafwata.'' ¹⁴ Ndalolile ndikhavona khwavele niliwingu livalafu na yeatamie muliwingu avele yumonga yeavele, mufano kwa mwana va Munu. Avele ni taji ya sahabu pa mutwe kwa mwene ni nyengo yinyavuki mulivokho lya mwene. ¹⁵ Umalayikha yungi ayichile ukhuhuma khuhekalu nu khukhemela khwa savuti kuu ukhuhelela khwayuyla yeatamie mu liwingu: "Utole inyengo yakho uvange ukhufuna. Khwa khuva umusikha kwa mafuno kufikhe, pakhuva amafuno kekavele pa inyi kafundile." ¹⁶ Khangi yula yeavele khuliwingu alutisiche iyengo ya mwene pa inyi, yikhafuna. ¹⁷ Nu malayikha uyungi akhayicha ukhuhuma khuhuhekalu lya khushanya; nu mwene avele ni nyengo yinyavuki. ¹⁸ Na bado malayikha yungi akhayicha ukhuhuma khuma sabahu, nu malayikha yeavele na mamulaka juu ya mwoto. Amukhemelye khwa savuti kuu khwa malayikha yeavele ninyengo iyinyavuki, "Utoli inyengo iyinyavuki ukhusanye amapakwa ka sabibu ukhuhuma khumu sabibu kwa pa inyi, khwa khuva lino isabibu chifundile.'' ¹⁹ Umalayikha asindikha inyengo ya mwene pa inyi na akhusinye amafuno ka sabibu ya inyi nu khukomosa mu lipipa likhomi lya difai ya likoka lya Nguluvi. ²⁰ Ichujio ya difai pelya pondilwe pondilwe pivala pa mji ni danda ya dudikhe ukhuhuma mu khimo sha hatamu ya falasi, khwa sitadia 1, 600.