1 Po ulusekelo ulwa mikate jhijho jhitasapite jhikabha jhipalamila jhijho bhakujhitisha ukushuka. 2 Abhokuhani abhakulu na bhasimbi bhaka jhughisaninya kunongwa ijha kumughogha u Yesu, papo bhakabhoghopa abhandu. 3 Usetano akingila mkati mwa Yuda Iskariote, jhumo ghwa bhwala abhafundighwa kalongo na tubhili. 4 U Yuda akabhuka kujhughisania na bhosongo bhubho takajhe ukumubhika u Yesu kukwabho. 5 Bhakasekela, nu kwitikana ukumupa ihela. 6 Umweneakighana, na akalonda akabhalilo akakubhalangisha u Yesu kukwabho kubhutali ni chilundilo icha bhandu. 7 Ishiku ihya mikati jhijho jhitasapite jhikafika, papo unang'oshi ughwa pasaka mpaka bhatishe. 8 U Yesu akabhatuma u Petro nu Yohani, akajhugha, ''Bhukagha mtubhikile ifyakulya mpasaka inga twise tulye.'' Bhakamubhusha, 9 ''Kwoki kulonga tubhombe isha kwitajhalisha?'' 10 Akabhamula, ''Pulikisha, linga mwingila kumujhini, umulisha jhujjho apimbite ingumbe ijha mishi tia kakomane numwe. Mkongaghe kunyumba jhijho akwingila. 11 Sona mubhulaghe usongo ughwa nyumba, ''Umumanyishi akukubhula, ''Chilikughu ichibhalika icha bhahesha,palubhafu papotiingalye ipasaka na bhafundighwa bhangu?'' 12 Akubhalangishe ichibhalika icha kwighulu chicho chili chafika. Bhombagha ukujhalisha umwo.'' 13 Ulwo bhakabhuka, akaghagha ghoshi ghala akabhabhula. Sona akabhika uchakulya cha pasaka. 14 Akabhalilo ghwo kafika akikala nabhala abhaputi. 15 Sona akabhabhula, ''Indi nu mwoyo umkulu ukulya ulusekelo ulu ulwa pasaka numwe ghwo ghakali ukutesighwa kwangu. 16 Papo ingubhabhula, taingalye sona ukufika linganlyafikita pakati pabhutwa ubha Chala.'' 17 Sona u Yesu akegha ichikompe, ghwo isa iputila akajhugha, ''Egha ichi, muyahabhane umwe mwi bhwene. 18 Papo ingubhabhula, indainganghwe sona ubhupapi ughwa Mzabibu, ukufika ubhutwa ubha Chala linga bhwisa.'' 19 Sona akegha umkati, naakisa apalisha, akaghubhegha, nukubhapa, akajhugha, ''Ughu mubhili ghwangu ghughwo bhatishishe kukwinyu. Bhombe gha isho inga ukungumbaka une.'' 20 Akagha ichikombe bhubhubho pakatashi jha findu ifya pabhushiku akajhugha, ''Ichikombe ichilukumbusho ulupya pakati pilopa lyangu, lilyo lyakupukite kunongwa jhinyu. 21 Lole mteshange. Jhula akusaliti alipampene nune pamesa. 22 Papo umwana ghwa Adamu ughwa naloli akubhuka ishake isashisho bhamulaghile. Lole ahela ku mundu jhula jhujho akughendela umwene umwana ghwa Adamu asalitighwa!'' 23 Bhakanda ukubhusaninja abhene bhene, ghwini mkati mumwabho jhujho abhaghile ikibhomba ishii. 24 Sona lukabhoneka ulukani pakati jha bhwo ukuti ghwinighwe bhakumwitikisha ukubha ghwisongo ukukinda bhwoshi. 25 Akabhabhula, ''Abha Falme bhwa bhandu bha mchisu bhali nubhwosongo kumwanya kukwabho, na bhala bhali ni ndaghilo kumwanya yhabho bhakubhita bhimikighwa abhatabhala. 26 lole shitakulondighwa ingani ukuti ishi kukwinyu umwe. Palubhafu lwake, leka jhula jhujho mkulu mkati jhinyu abhe ingati mwana umukeke. Na jhula jhujho ghwa kwimikighwa ingani abhe ngati ghwa kubhwomba. 27 Papo aliku mkulu, jhula akwikala pamesa pamu jhula akubhomba? Bhule tajhula akwikala pamesa? Nune ingali indi pakati jyinyu ingati jyula akubhomba. 28 Lole umwe mwemwe mwabhukite ukubha nune pakati pangelo shangu. 29 Ingubhapa umwe ubhutwa, ingati ghwi bhabha bhubhwo ambile une ubhutwa, 30 Ukuti mubhaghile ukung'wa nukulya pamesa jhangu pala pabhutwa bhwangu. Sona mkulonda pafitengu ifya pachitangalala manye mulongaghe ifyisu kolongo na tubhili isha Muizilaeli. 31 Simoni, Simoni, manyagha ukuti, usetano asumite abhaghe inga abhapete utingano. 32 Lole ingukwiputila, ukuti ulwitiko lwako manye apotwe. Pakatashi jha kuti aghalunka sona, bhikashe abhoghwa mwinyu bhako.'' 33 U Petro akamubhula, ''Umtwa, indi mndashi ukubhuka nughwe mjyela na mkati mubhufye.'' 34 U Yesu akamubhula, u Petro, ubhisa gho atabhikite umusughu gho ukali ukungana amalabha matatu ukuti ghumenye.'' 35 Sona u Yesu akabhabhula, ''Lulyo inabhabhika umwe na chimo ichinyambi, akapombo akafindu, pamu ifilato, bhule mkapotwa kamu?'' Bhakamu ''Bhanakamu.'' 36 Sona akamwamula, ''Lole ghweshi, jyula alini chinyambi, na aghupimba pampene na kapombo kafindi. Jyula jyujyo ata nu mpanga shamubhaghie, aghulishe ijoho lyake ghule jyumujywene. 37 Papo ingubhabhula, shoshi shisho shandikighwe kunongwa jyangu mpaka ghafikile, 'Sona bhaka mwegha ingati mundu jyujyo akufujya umpaka; kunonghwa jha chila chicho bhalotile kunongwa yangu shikufikia.'' 38 Sona bhakajyugha, ''Mutwa, tesha! Ishi panu umpanga shibhili.'' Sona akabhabhula akati '' Shajya.'' 39 Akabhalila aka fyakulya ifya pabhushiku, u Yesu akatila, uti fifyo akabhwa akubhomba papipi na papipi, akabhuka mkaghamba aka mshunguti, na bhafunighwa bhakamkonga. 40 Ghwo bhafika, akabhabhula, ''Iputagha ukuti manyise mwingile mukughelighwa.'' 41 Akabhuka kubhutali na bhwene uti kuponina lijyondo, akafughamila ifipefu akiputa, 42 Akati, ''Bhabha, linga ghwighanite, ichikombe ichi. Uchitishe lole ta ukuti nighanite une, lole ubhighane bhako bhubhombighwe.'' 43 Sona umbepo ukufuma kumwanya akamjhila, nukumpa amaka. 44 Akabhwa pakati pakupya, akiputa kubha naloli ingani, na mafuku ghake ghakabha ingati matonyasha amakulu agha lilopa yakaghwanga pasee. 45 Akabhalilo ghwo anyatuka ukufuma pakati pakwiputa kwake, akisa kubhafundighu, akabhagha bhaghonite kunongwa ijya bhusulumanne bhabhwo, 46 Na akabhabhusha, ''Koni mughonite? Nyatuka mwipute, ukuti manye mwingile mkughelighwa.'' 47 Akabhalilo ghwo akwangala, tesha, ichilundilo ichikulu icha bhandu chikabhoneka, nu Yuda, jyumo ghwa mitume kalongo na bhabhili akabha songhola. Akisa papipi nu Yesu inga amwegheleshe, 48 Lole u Yesu akamubhula, ''U Yuda, bhule kumughogha umwana ughwa Adamu kumweghelesha?'' 49 Akabhalilo bhala bhakabha papipi nu Yesu ghwobhashibhona ishi shikubhwoneka, akajyugha, ''Bhabha, tubhakome nu mpanga?'' 50 Sona jyumo ghwabhwa akamkoma umubhwombi ughwa mputi usongo, akamkenda ichifywo chake icha kwamwisa. 51 U Yesu akajyugha, ''Ijyi shijhile. Na akakola ichufywo chake, akamposha. 52 U Yesu akajyugha kumputi usongo, nakubhosongo bha pachighemu na kubhaghome bhabhwo bhakisa pashima naghwe, ''Bhule mkwisa ingati mkwisa pakukomana na bhakukoma ni ndughu na mapanga? 53 Lulyo ingabha pampene numwe amashiku ghoshi mchaliki mtakabhika utukono twinyu pamwanya papangu. Lole ulu kabhalilo kako, ni ndaghilo isha mchisi.'' 54 Bhakamkola, bhakamtangisha, bhakambhika panyuma ujya umputi isongo. Lole u Petro akamukongagha kubhutali. 55 Papo bhakabha bhapembite umulilo pakati pa uwanda bhwa mkakati na ghwobhamala ukwikala pase pampene, u Petro akikala pakati jyabho. 56 Umubhombi jyumo kula akamubhwona u Petro lulyo akabha ikile pakati pabwelu ghukufuma pa mlilo, akamtesha, akamubhula, ''Ujyu umundu akabha pampene aghwe.'' 57 Lole u Petro akakana, akati, ''Ghwimkolo, ughwe, une indamumenye.'' 58 Papo akabhalilo kanandi, umundu umunine akamubhwona akati ''Nughwe sona uli jyumo.'' Lole u Petro akati, ''Mulisha, une indashimenye shisho kujyugha.'' 59 Pakabhalilo ka sala jhimo ulu umulisha jhumo akashimikisha akati, ''Nalola mwomumwo ujyu umundu ujyu akabha pampene na ghwe, papo mghalilaya.'' 60 Lole u Petro akati, ''Mulisha, indamenye shisho kujyugha.'' Lulwo, akabhalila akujyugha, ubhisa abhikite. 61 Akasanuka, Umtwa akamtesha u Petro. Nu Petro akakumbusha amashu agha Mutwa, pala papo akamubhula, ''Ghwo akali ukubhika ubhisa umusughu, kungana une amalabha matatu.'' 62 Akafuma pase, u Petro akalila kubhubhafu ubhwingi. 63 Sona bhala abhalisha bhakabha bhakumunda u Yesu, bhakamtuma nuku mkoma. 64 Sona bhakamwifunika kumaso, bhakamubhusha, bhakati, ''Lotela! Ghwinighwe akukoma?'' 65 Bhakajhugha inine inyingi pashima nu Yesu nukumufujya umwene. 66 Mala ghwojyili pangelo, abhaghome bha bhandu bhakabhunga pampene, na bhosomgo abhaputi na bhasimbi. Bhakamubhika mumagheleza, 67 Bhakati, ''Linga ughwe uli ghwe Kristi, tubhule.''Lole umwene akabhabhula, ''Linga nabhabhula, mtamwitike, 68 Nalinga nabhabhusha mta amanyamle.'' 69 Lole ukufuma ulu nukubhuka, umwana ghwa Adamu tiakabhwe ikile akakono aka mwisa kumaka gha Chala.'' 70 Bhwoshi bhakati, ''Po ughwe ulimwana ghwa Chala?'' Nu Yesu akabhamula, ''Umwe mwajyugha une nene.'' 71 Bhakajhugha, ''Koni mkali tukulonda sona ubhuketi? Papo utwe twibhwene tupulikite ukufuma mkati mmulomo ghwake mweneshe.''