¹ U Yesu alingile nukughenda pakati pa Yeriko. ² Pakabha numundu jyumo akabhagwe Zakayo. Jyujyo ali mkulu gwa bhasongesha shongo sona mundu mkabhi. ³ Ali aghelagha ukumubhona u Yesu gwe mundu gwa bwulele, lole akapatwa ukumubhuna panongwa jya chilundilo cha bhandu, papo alimpimba gwa kwima. ⁴ Akatangila lubhilo nukukinda kundashi kubhandu, akakwela pamwanya pa mukuyu pakuti amteshe papo u Yesu apalamile ukwenda ishila ijyo. ⁵ Bha u Yesu ifika pala pala, ateshishe kumwanya amubhulile, 'Zakayo, ika lubhilo papo, umushughu shikunda ukwikala kunyumba jyako.' ⁶ Abhobhile lubhilo lwakwika, nukumkalibisha nulusekelo. ⁷ Abhandu bhoshi bhabhashibwe isho, bhalibhushishe nukujyughu ikughenda nukubhuka kumundu ugwa imbighi.' ⁸ Zakayo alimile numubwula Utwa, tesha Mtwa isemu jya chuma changu kubhapa amalondo, inga na mpokile umundu gweshi kamo mpemala nne. ' ⁹ U Yesu akamubwula, 'Umshughu ubhwupoki ufikite panyumba jyako, papo gwepe nujyu mwana gwa Ibrahamu. ¹⁰ Papo umwana gw amundu isile kulanda nukupoka abhandu bhabho bhasobhile. ' ¹¹ Bwobhapulike isho ungile ukujyugha sona afumisye ichinangisyo papo alipapipi ni Yerusalemu, nabhabhajyugha ukuti mnyafyale gwa Chala bho bhali papipi ikwinangisha mara moja. ¹² Kangi abhulile ummanyili jumo abhukile ichisu cha pase ukuti apukele ubhunyafyale sona agharuke. ¹³ Abhabhitisha abhabhubheli bhake kumi, abhapile ififungu kumi, abhabhulile, 'Bhomba ibiashara papo linga na ngaluka .' ¹⁴ Lole abhachisu bhake bhakakala nukutuma abhajyumbe bhabhuke bhamukonge nukujyugha, ¹⁵ 'Twakana umundu ujyu atutawale .' Bhaghaluka kunyumba tashi bhabhampela akabha mnyafyale, akabhabhula bhala abhabhobheli bhabho abhalekile kukwake, ashimanye ifaida shisho bhashaghite ukubhamba ibiashara. ¹⁶ Ugwakabhandilo akisha, nukujyugha, 'Mtwa, ifungu lyako libhobhile amafungu kumi amanine. ' ¹⁷ Umanyili amwamwile, ubhobhile akisa, mubhobhe umwisa. Papa gali gwa nalole pa bhombo inandi kutiubhe gwa lulaghilo pa mwanya pamiji kumi. ' ¹⁸ Ugwa bhubhili akisa, akajyugha, 'Mtwa, fungu lako ibhambile amafungu mahanu.' ¹⁹ Ummanyili amubhulile, 'Egha ululaghilo pa mwanya pa miji mihanu.' ²⁰ Nujyungi akisa, akajyugha, 'Mtwa na jyaghile indalama jyako, jyijyo nasengwe pawisa pakati kachitalu, ²¹ Papo nalyongwepe kunongwa ugwe uli mundu mkali. Kutisha kala utabhikite kangi kufujyu papo utabhwele. ' ²² Jyula ummanyi amwamwile, 'Kumashu amakali, ghake ugwe ndikupywite gwa mubhobheli mumbibhi. Ghwamenyo uti une indi mundu mkali, nukwegha kako nabhikile nukufujya papo inda bhwele. ²³ Po, tesha utabhikite indalama jyangu kubha benki, linga ngubhaluka neghe pampene ni faida? ²⁴ Ummanyili abhabhulile abhandu bhabho bhimile papo, 'Mpoke ujyu ifungu mmpe jyula ugwa mafungu kumi.' Bhamubhulile, ²⁵ 'Mtwa, umwene ali na mafungu kumi. ' ²⁶ Abhabhulile, gweshi umundu gwe alinacho akupeghi wa ngani, lole bhabha, talinacho na chia bhalinacho kuti bhakapokiwe. ²⁷ Lole aba bhalighu bhangu, bhabho bhatalandagha ukuti une ibhemnyafyale gwabho, bhatwale pamu nukubhaghogha mundashi jyangu. '' ²⁸ Papipi bhojyughile isho, aghendi pandashi nukukwela nukughenda ku Yerusalemu. ²⁹ Bho apalamile Bethfage na Bethania, papi ni chighamba cha Mizeyuni, bhabhatumite abhashukulu bhake bhabhili, ³⁰ Akajyugha: 'Twabhapalamani . Indimkingile, mukumwaghe umwana - gwapunda jyujyo bhatamkwelite bhakali. Mwabhule, ukatwale kukwangu. ³¹ Linga umundu akabhabhusha, 'Tesha mkumwabhula? ' Mjyughaghe, ''Umtwa akumlanda. '' ³² Bhalabhatuma bhabhuki bhamuwe umwana - punda samumu u Yesu abhabhulile. ³³ Bhobhakumwabhulu umwa gwa punda umwenecho akabhabhula, 'Koni ko mkumwabhula umwana gwa punda ujyu?' ³⁴ Bhabhulite uti, 'Umtwa amlanda. ' ³⁵ Popo, bhamwele kwa Yesu, bhakalisha imienda gwiabho pamwanya pa mwana gwa punda bhakamkwisha u Yesu pamanya jyake. ³⁶ Bho akugenda abhandu bhakalisha imienda gwiabho mmusebho. ³⁷ Bho akwilamuka mchighamba cha Mizeyuni, uchubhughania chishi cha bhasukulu bhakanda ukuhobhoka nukumwinula Uchala ni jywegho umkulu, kunongwa sha ibhombo ingulu shisho bhasibhene, Bhakjyugha bhakati, ³⁸ 'Gwe jyujyo usaji gwa mnyafyale akwisa mkangamu jya Mtwa! Nalole kumwanya, ubwinufu ubwa pamwanya!' ³⁹ Bhamo abha Mafarisayo mkati mfibhaghati bhamubhula, umumanyishi, bhasubhishe abhasukulu bhako. ' ⁴⁰ U Yesu abhabhusha, kajyugha, 'Kubhabhula, linga abhabhasubha ajyondo indi ghaka jweghe. ' ⁴¹ U Yesu bha apalamile mji akalila, ⁴² Akajyugha, ati ole inga gwashimenye pakati ugwe, pakuti pishiku ilyo ipabhombo ishi kubhabhula lutengano! Lole lino twifisiwe bhamaso gwako. ⁴³ Popapo amashiku gwa kwisa ghagho abharughu bhako iti bhakasenge umunalo papipi nugwe indi bhakushungule nukukulashimisha ukufuma kila lubhafu. ⁴⁴ Iti bhakakughishe pase ugwe na bhana bhako. Pakati pakakuleku mpaka ijyondo limo pamwanya palinine papo mtashimenye isha tubhalilo twa Chala pali aghela ukubhapoka.' ⁴⁵ U Yesu ingile Mchiponga, andile ukubhabhinga bhala bhabho bhulishanga, ⁴⁶ Akabhabhula ukuti, ''Jyisibhiwe, ''Inyumba jyangu itijyibhe nyumba jya lwiputo, 'Lole umwe mjyupelile ukubha wina bwa bhakupoka.'' ⁴⁷ Popo, u Yesu ali amanyishangu amashiku goshi mchiponga. Abhaputi abhakulu na bhamanyishi bha ndaghilo na bhalongoshi bhabhandu bhabho bhalonda ukunghogha, ⁴⁸ Lole patajyaghite isila ukubhamba ulo kunongwa abhandu bhoshi abhali bha mpulikishanga nalole.