1 Sona akabhabhula ichifwani bhubhwo bhajyange ukusuma bhwila, sona manye mughalukilaghe kunyuma. 2 Akajyugha akati kukabha nu mulongi muchisu chimo jyojyo atakamwoghopagha Uchala sona ata kabashanga abhandu. 3 Kukabha u mufwile muchisu icccho, ghwepe akamubhukilagha akabhalilo akatali, akajyugha akati, 4 'Nyafwepo ukubhwagha ubhwa naloli kumulughu ghwangu.' Kukabhalilo akatali atakabhalilo akakumutula, lole bhwo akabhalilo kakinda akajyugha mundumbula jyake, 'Pamupene nukuti une indakumwoghopa Uchala sona nu kwijyisha kubhandu, 5 Lole apa umufwile ujyu akinda mya iti imutule ukubhwagha ubhwa naloli bhwake, ukuti amnyese anditishe ukunyisila kila kabhalilo.'' 6 Popo umutwa akajyugha, 'Pulikagha bhubhwo akajya ukujyugha umulongi umukatili. 7 Umwe Uchala ghwepe ata akise nu bhwanaloli kubhasaligha bhake bhabho bhakumulilila pamusi na pabhushiku? Mwe, umwene ata akabhe ghwa kwumilila kukwabho? 8 Ingubhabhula inguti iti akise nu bhwa naloli kukwabho lubhilo. Lole bhwo umwana ghwa Adamu bhwo akwisa, po iti akalwaghe ulwitiko pa chisu? ' 9 Popo akabhabhula ichifwani ichi ukuti bhalipo abhandu bhabho bhakwibhona bhanaloli nu kubhafujya abhandu abhanine, 10 'Abhandu bhabhili bhaka kwela kuchaliki kukwiputa: Jyumo Mfalisayo nu munine msongeshe songo. 11 Umfalisayo akima nu kusuma imbombo ishake jyujyo, akati, 'Chala, ingukupalisha papo une inda isa abhandu bhoshi bhabho bhakupoka, abhandu bhabho bhata bhisa, abhomalajya, pamu isha umsongesha songo. 12 Une igwikana ukulya kabhili kumulungu. Ingutisha ikemo kufyoshi fifyo ingufyagha ingutisha. ' 13 Lole umusongesha songo, akima pa bhutali, lole atakaghele nu kwinula amasoghake kumwanya, akakoma ichufubha chake akati, 'Chala, ihobhokele uneni mutula nongwa.' 14 Ingubhabhula umundu ujyu akaghaluka kukajyabhwo ahobhokelighwa nu bhwanaloli kuliko umunine papo ghweshi jyujyo akwesha iti ike, lole umundu jyujyo akwijyisha iti akweshighwe. ' 15 Abhandu bhakamweghela abhana bhabho abhakeke ukuti abhegheleshe, lole abhasukulu bhake bhwo bhashibhona shishisho, bhakabha shughila. 16 Popo u Yesu abhitisha kukwake nu kujyugha ukuti, '' Bhaleke abhana abhakeke bhisaghe kukwangu, sona manye mubhashighilaghe. Papo ubhunyafyale bhwa kumwanya bhabhandu isa bhabhabho. 17 Naloli, ingubhabhula, umundu ghweshi jyujyo atabhupokela ubhunya fyale ubhwa Chala isa umwana kubhwa naloli ata akingile. ' 18 Umukulumba jyumo akamubhusha, akajyugha, 'Mumanyishi umwisa, imbombe bhulele ukuti ingingile kuchitangalala icha bhwila?' 19 U Yesu akamubhula akati, 'Koni kunyitisha kuti mwisa? Atalipo umundu najyumo jyujyo mwisa, lole Uchala mwene. 20 Ushimenye indaghilo, manye uloghwange,manye ghwebhaghe, manye ughoghaghe, manye ujyuughaghe, ubhumnyashi ubhapulikaghe abho bhabha ghwako nu mama ghwako. 21 Umukulumba jyula akajyugha akati, 'Imbombo ishi shoshi ishikolite ukufuma bhwo indi mulumyana.' 22 U Yesu bhwo apulika shishisho akamubhula, '''Upungukighwe ni mbombo jyimujyene. Lole ghulishe fyoshi fifyo alinafyo ubha jyabhile abhapina, nughwe iti ubhe nu bhutuli ku mwanya - sona ghise, ghungonge. ' 23 Popo umutajyili bhwo apulika shishisho, akasulumania ngani, papo akabha mutajyili ingani. 24 Popo u Yesu, amubhweni bhwo asulumania ngani amubhula ati, 'Pakabhe pakafu kubhotajyili ukwingila kubhu nyafyale ubhwa kumwanya kwa Chala! 25 Itijyikabhe pakipo ungania ukughenda pa bhwashi ubhwa sindano, kuliko abhajyili ukwingila kubhu nyafyale ubhwa kumwanya kwa Chala. ' 26 Bhabho bhakapulika agho, bhakajyugha bhakati, 'Ghwini ghwe, jyujyu abhaghile ukupokighwe?' 27 U Yesu akamula akati, 'Imbombo shisho shoshi abhandu bhata bhaghile ukushibhomba, Uchala abhaghile.'' 28 U Peteli akajyugha, 'Akati, mwo mumwo utwe tufilekite kila kandu tukukongite ughwe. ' 29 Popo u Yesu akamubhula, akati, itike ingubhabhula inguti atalipo umundu jyujyo ajyilekite inyumba, pamu umukashi, pamu ughwamwabho pamu abhapapi pamu abhana kunongwa ijya bhunyafyale ubhwa Chala, 30 Jyujyo ata akapokele amingi ngani pachisu ichi, sona na kuchisu chichichi kwisa, ubhwumi bhwa bhwila. ' 31 Bhwo abhabhungania bhala kumi na bhabhili, akabhabhula, akati, ''Tesha tukukwela tukujya ku Yerusalemu, imbombo shoshishisho shisimbighwe na bhasololi kunongwa ijya mwana ughwa Adamu ghakamilikite. 32 Papo iti akabhikighwe mutukono twabhandu abhapanja iti bhakamufujyaghe nu kumutamya, nu kumufwilila amati. 33 Bhwo bha mukoma ni ngomo watamwuua sona ishiku ilya bhutatu iti akashuke. ' 34 Bhatakashaghanianga imbombo isho, amashu agha ghakabha ghafifighwe kukwabho, sona bhata kashaghanianga shisho shikajyughighwanga. 35 Popo bhwo u Yesu apalamila ku Yeriko, umundu jyumo uchipofu akabha ikile kulubhafu kukumusebho, 36 akusuma ubhutuli, Bhwo apulika ichilundilo icha bhandu bhwo bhakughenda akabhusha akati koni kakubhoneka. 37 Bhakamubhula bhakati u Yesu ughwa ku Nazareti akughenda. 38 Popo umufwa maso jyula akalila ingani, akajyugha, akati, 'Yesu, mwana ghwa Daudi, uhobhokele.' 39 Bhoshi bhabho bhakaghendagha bhakamukemelagha umufwa maso ujyo, bhakamubhulagha bhakitingi asumbe. Lole umwene akongelagha ukulila ingani akatingi, 'Mwana wa Daudi, ghuhobhokele. 40 U Yesu akima abhabhula ukuti umundu jyula bhise na ghwe kukwake. Popo umufwamaso jyula bhwo apalamila kwa, Yesu akamubhusha, 41 'Kulonda ingubhombele koniko?' Akajyugha akati, ''Mutwa, ingulonda ukutesha.' 42 U Yesu akamubhula akati, 'Ghwandeu teshange. Ulwitiko lwako lwa kuposha. ' 43 Papo she andite ukutesha, akamukonga u Yesu nu kumwimika Uchala. Bhwobhashi bhona ishi, abhandu bhoshi bhakamupala Uchala.