¹ U Yesu akabhabhula sona abhafundighwa bhake, ''Pakabha nu mundu jhumo umukabhi akabha nu menejha, na bhakabhabhula ukuti umenejha ujhu akukomana ihela shake. ² Po umukabhi akamwitisha, akamubhula, ''Isho nishi shisho ingushipulika kukwako? Tisha ubhwelenge ijha bhumenejha bhwako, papo utabhaghile ukubhwa ghwe menejha sona.' ³ Yula umenejha akajhugha kummoyo ghwake, imbombe shakoni, papo ubhabha ghwangu akundisha imbombo jhangu ijha umenejha? Indaa na maka agha kulima, ingukusuma ingutesha ingusuka. ⁴ Imenye liluti imbombe inga linga bhakundisha pakati pambombo jyangu bhuketi abhandu bhanyingishe munyumba shabho. ⁵ Isho umketi abhitishishe abhakumeleli ghwa nu bhabha ghwake jhumo akamubhula ughwa kubhandilo, 'Kumelelighwa shilinga nubhabha ghwangu?' ⁶ Akajhugha ifyakupima imiaa jhimo ifya mafuta akamubhula, egha ukalata ghwako ikala lubhilo usimbe amalongo mahamu.' ⁷ Sona akamubhula umunine nughwe kumelelighwa shilingi?' Akajhugha ifyakupima imia jhimo ifya bhufu ubhwa ngano.' Akamubhula' isaa nukalata ghwako usimbe amalongo themanini.' ⁸ Yula ubhabha akampalisha umenejha dhalimu bhubhwo abhombite pabhukulu. Papo abhana bha mchisu ichi bhakulu ingani bha kubhomba kubhu chefu na bhandu bha lubha abhana abha mubhwelu. ⁹ Nune ingubhabhula mwilondele abhamanyani kubhukashi ubha bhudhalimu ghini jhujho tiabhapulikishe bhabhabhike pakati pamakao agha bhwila na bhwila. ¹⁰ Jhujho akwitika pakati palilyo linandi ingani akubha ghwa kwitika pakati palilyo likulu na jhujho. Mudhalimu pakati palinandi akubha pakati palilyo likulu. ¹¹ Linga umwe mtakabha bhakwitika pakati pa bhukabhi ubhwa bhudhalimu ghwini ghwe tiakabhapulikishe pakati pabhukashi ubha naloli? ¹² Na linga mtalibha naloli pakati pakubhombela ubhukabhi ubha mundu umunine ghwini tiakabhape shisho shinyu mwibhene? ¹³ Najhumo umubhombi abhaghile ukubhabhombela abhanyafyale bhabhili, papo akumukalalila jhomo nukumughana umunine, pamu akwikatana nujhu nukumufujha ujhi. Mtabhaghile ukumubhombela Uchala nu bhunabhi.'' ¹⁴ Po abhafalisayo, bhabho bhakabha bhashighanite indalama bhakaghapulika agha ghoshi bhaka mkalalila. ¹⁵ Sona akabhabhula, ''Umwe ghwo mkujha ukwukumela ubhwa naloli mndashi mubhandu, lole Uchala ajhimenye imyojho jhinyu. Papo lilyo lyabhoneka kubhandu likubha libhibhi mundashi mwa Chala. ¹⁶ Ukupanga na bhasololo fikabhakwo ukufika u Yohani ghwo akwisa. Ukufuma akabhalilo ako, inongwa inyisa isha chitangalala icha Chala bhakujhugha bhoshi ambhandu bhakughela ukwijhingisha kumaka. ¹⁷ Lole chipepe kumwanya na pase fitile kuliko na pala isimbo limulyenine iya ndaghilo manye jhibhoneke. ¹⁸ Jhujho amuleka umukashi nukumweghe umukolo umunine mshipani, ghwepe jhujho akumwegha jhujho akumuleka nu mulume mshipani. ¹⁹ Pakabha nu mundu jhumo umukabhi akakwata imienda ilangi ijha zambarau ni kitani ichelu akabha akusekela ghoshi amashiku ubhukabhi bhake bhukulu. ²⁰ Numpina jhumo ingamu jhake ghwi Lazalo bhakamubhika pamulyango ghwake, sona alinifilonda. ²¹ Ghwepe akabha akunyonywa ukwikuta kubhwika bhughwile pakati pa mes ijha jhula umukabhi na bhokabhwa bhakajha bhakamumianda ifilonda fyake. ²² Shikabha jhula numpina akafwa akabhuka nu malaika ukufika pachifubhwa icha Ibraimu. Ghwepe umukashi akafwa bhakamshila. ²³ Kula kubhushuka ghwo alipakati pakutaghwa akinula amasa ghake akamubhona Ibrahimu kubhutali nu Lazalo pachifubha chake. ²⁴ Akalila akajhugha, 'Bhabha Ibrahimu, ihobhokele umutume u Lazalo atwibhike akakono kake pamishi, atondeshe palulimi lywangu; papo ingutamighwa pakati pamulilo ughu. ²⁵ Lole Ibrahimu akati, 'Mwana ghwangu kumbusha ukuti pakati pa bhumi bhwoko ukambilila imbombo shako inyisa, nu Lazalo bhubhubho akashagha imbibhi. ²⁶ Lole ulu alipo panu akusekela nughwe kufulala. Na mingi agho, bhabhikite ubhwina ubhukulu nu bhutali pakati jhiyu, inga bhala bhabha bhakulonda ukufuma kuno ukujha kukwinyu.' ²⁷ Yula umukabhi akajhugha, 'Ingukusuma bhabha Ibrahimu, ukuti umutume kunyumba lyabhabha ghwangu. ²⁸ Papo indi nabho ghwamwitu bhwahanu inga ubhasoke, kubhwogha ukuti abhwene bhwope bhakwisa pakajha aka ka kutamighwa.' ²⁹ Lole Ibrahimu akajhugha, 'Abhana bha Musa na bhasololi. Bhaleke bhabhapulikishe bhabho. ³⁰ Yula umkabhi akajhugha, ''Nashiku, Bhabha Ibrahimu, lole linga akabhaghendela umundu akufuma kubhushuka bhakwitika.' ³¹ Lole Ibrahimu akamubhula, 'Lingabhatabhapulikisha abho Musa na bhasololi bhatakubha songo nalinga umundu ashuka pakati pabhushuka.