¹ Popo abhasongesha songo bhoshi na bhambibhi bhakisa kwa Yesu kukumupulikisha. ² Abhasimbi bhakijyughania bhakajyugha, ''Bhakati umundu ujyu akubhakalibisha abhasambi sona akulya na bho.'' ³ U Yesu akajyugha akafwani akakukwako, akajyugha ⁴ ''Gwini kukwinyu, linga ali nabhonang'oshi mia moja linga asobha jyumo, ukuti ajye amlonde jyula asobhite mpaka amubhone? ⁵ Ghwepelinga amwagha akumubhika pa fipungo fyake nu kusekela. ⁶ Linga afika pa nyumba jyake, akubhitisha abhamanyani bhake na bhapalamani bhake akubhabhula akuti sekelagha pamupene numwe, papa na mwagha unang'oshi ghwangu jyujyo asobhite.' ⁷ Ingubhabhula bhuno bhuno iti kukabhe nulusekelo kumwanya kunongwa jyakuti ughwa mbibhi jyumujyene jyujyo akwilata, kuliko abhanaloli tisini na tisa bhabho bhatakulonda ukwilata. ⁸ pamu mukolojyuki jyujyo ali ni salabhasha kumi isha ndalama linga jya sobha isalabhasha jyimo, iti akakoshe inyale nu kupyaghila munyumba nu kulonda kumakamupaka ajyaghe? ⁹ Po linga ajyibhona akubhitisha abhamanyani bhake na bhapalamani bhake akubhabhula akuti sekelagha pamupene nune, papo na jyaghe isalabhasha jyangu jyijyo nani isofyishe. ¹⁰ Sona ingubhabhula kulinulusekelo kundeshi kubhandumi bha Chala kunongwa ijya mubhomba imbibhi jyumujyene jyujyo akwilata.'' ¹¹ U Yesu akajyugha akati, ''Umundu jyumo akabha na bhana bhabhile. ¹² Umukeke akamubhula ubhabha ghweke, bhabha imbe ubhujyo ubhwa chuma chicho chikubgwila pa chilongo. Sona akabhajya bhania ichuma chake bhoshi. ¹³ Amashiku ghata mingi umukekejyula akabhungania fishi fifyo bhakampa pa bhuka muchisu icha kubhutali, popo alya indala mashake, akulagha ifindu fifyo ata kafilondagha, nu kubhombela indalama shake kubhibhi. ¹⁴ Ghwepe bhwo atika abhombela fyoshi isala jyikungila kuchisu chila ghwepa abha mundu ghwa kulonda. ¹⁵ Akabhuka kuchibhalula jyujyo kumundu jyumo ughwa muchisu chila, ghwepe akamutwana kumughunda ghwake kukulisha igurubhe. ¹⁶ Akanda kukunyonywa ukwikuta amakambi ghagho ingulubhe shikalyanga paopo atakabhapo umundu na jyumo jyujyo akamupa ifya kulya. ¹⁷ Lole umwana jyula bhoimong'ona mundumbula jyake, akajyugha akati bhabhomba mbombo bhalinga abha bhabhaghwangu bhali ni fyakulya ifyingi ifya kushala une indi pamu, ingufwa isalaa! ¹⁸ Iti inyatuke nu kubhuka kwa bhabha ghwangu, nukumubhula, ''Bhabha isobhitekusha kumwanya nakundashi ijya masoghako. ¹⁹ Indakulondighwa ukwitishighwa mwana ghwakosona; imbike ngati bhabhomba mbombo abhanine.'' ²⁰ Popo akabhuka ajya kwa bhabha ghwake. Bhwo akali ali kubhutali ubhabha ghwake amubhweni amupelile ichisa akakinda pa kumwofwa nu kumufipa. ²¹ Umwana jyula akamubhula, 'Bhabha isobhitekusha kumwanya na kundashi kumasoghako ingakulondigwa ukwitishighwa mwana ghwako.' ²² Ubhabha ghwake akabhabhula abhabhomba mbombo bhake, 'Isagha libhilo nu mwenda ghughwo mwisa, mmufwashe ni pete mukakono ni filato mutulundi. ²³ Sona mweghe ing'ombe jyila jyijyo jyelite mughoghe tulye nu kusekela. ²⁴ Papo umwana ghwangu ali afwile ulu mwumi. Ali asobhite ulu abhoneka bhanda bhakusekela. ²⁵ Popo umwana usango akabha ali kumughunda. bhwo akwisa akupalamila pa nyumba akapulika amashuagha nyimbo nukulebhela. ²⁶ Akamwitisha umubhomba mbombo jyumo akamubhusha imbombo ishi kwa kutikoni? ²⁷ Umubhomba mbombo akamwamula akati ughwa mwinyu isa ubhabha ghwako amughoghela ing'ombe inyele papo aghaluka akisa.' ²⁸ Umwana usongo aka kalala akakanaukwingila mukati ubhabha ghwe akafuma kuse pakumusuma. ²⁹ Lole akamwamula ubhabha ghwake akati, 'Teshanga une nakubhombela ifyinja ifyingi, sona inda kosite ulubhatiko nalumo kukwako, lole utambile nalinga imbushi, kukuti isekele na bhamanyani bhangu. ³⁰ Lole bhwo isa ujyu umwana ghwako jyujyo ajyeghanyishe ichuma chako pamupene nabhomalajya ghwamughoghela ing'ombe inyele. ³¹ Ubhabha akamubhula, 'Mwana ghwanghu, ughwe ghwani pamupene nune amashiku ghashi sona fyoshi fifyo indi nafyo fyako. ³² Lole kalikiba ukubhomba ishelehe nu kusekela, ughwa mwinyu ujyu alinafwile, lole ulu mwumi; ali asobhite ghwepe abhoneka.''