1 Kakafika akabhalilo kako u Yesu akabha akusuma kulubhafu, lumo jyumo ughwa sukulughwake akamubhula, ''Akati Chala, tumanyishe utwe ukusuma isa u Yohani papo akabha manyisha abhasukulu bhake.' 2 U Yesu akabhabhula, akati , inga, mkwiputamutingi, 'Bhaha ingamu jyako jyimikighwange. Ubhunyafwale bhwako bhwise. 3 Utupe umukate ghwitu ughwa bhwila bhwila. 4 Utuhobhokele imbibhi shitu, sapapo nutwe tukubha hobhokela bhabho bhakutu kosela. Manye utu longoshange mungelo.'' 5 U Yesu akabhabhula, ''Ghwini kukwinyu itiakabhe nu mumanyani, jyujyo iti akamubhukile pabhushiku, nu kumubhula, ukuti mumanyani nyashime imikati tatu. 6 Papo umumanyani ghwangu anyisilalulu ukufuma musafali, une inda ni chakumutendekeshekesha.' 7 Popo jyujyo akabha mkati akamwamula, akati manye ghundamyange, ichighi imbiugite, nabhana bhangu, pamupene nune nune tughonite pachitala indabhaghile ukunyatuka nukukupa ughwe imikate. 8 Ingubhabhula nalinga pope atakunyatuka pakukupa imikate umumanyani ghwako, papo kwendelela ukwighusha bila isoni, iti akalamushe nukukupa ifibhani ifyingi ifa mikate ukukonana nimbombo shako. 9 Nune bhubhu ingubhabhula, sumagha, numwe iti mpelighwange, londagha, numwe iti mufyaghe, komagha ihodi numwe iti bhabhighulilaghe. 10 Papo umundu ghweshi jyujyo akusuma iti bhamwighulilaghe mwene. 11 Ghwe bhabha jyuki kukwinyu, umwana ghwake linga amusuma iswi angamupa injoka.? 12 Pamu linga amusuma ighe angamupa ukalisha?. 13 Lole, umwe mwemwe muli bhabhombambibhi mumenye ukubhapa abhana bhinyu izadi inyisa jyita pakipo ubhabha ghwinyu ughwa kumwanya ukuti iti akabhape umbepo umwelu bhabho bhakumusuma?'' 14 Nakatashi, po u Yesu akanda akemelagha amapepo, sona umundu ughwa lipepo akabhaghwi chinunu. bhwo ipepo lya mutila, umundu ujyo akanda ukujyugha. Ichilundilo chikaswigha ingani. 15 Lole abhandu bhamu bhakajyugha, ukuti ujyu akutisha amapepo kunongwa jya Beelzwbul, usongo ghwa mapepo. 16 Bhamu bhaka mughelagha nu kuti atulangishe akafwani ukufuma kumwanya. 17 Lole u Yesu akamanya unyinong'ono shabho nu kubhabhula, ''Bhwoshi utunyafale bhubhwo bhwajya bhana iti bhukabhebhukiwa, ni nyumba jyijyo bhajyabana iti jyi kaghwe. 18 Linga usetano ajyabhamika, ubhunyafyale bhwake iti bhukime bhulete? Papo mkuti ingutisha amapepo kwa Belzebuli. 19 Linga une ingutisha amapepo kwa Belzebuli, po abhanyitu bhakutisha amapepo kusila jyiki? Kumongwa ijyi abhene iti bhakabhalongaghe umwe. 20 Lole linga ingutisha ingutisha amapepo kukakono ka Chala, po ubhunyafyale ubhwa Chala bhwa bhisila. 21 Umundu ughwa maka jyujyo ali ni ndusu linga akulindilila inyumba jyake, ifindu fyake iti fyikale akisa. 22 Lole linga akolighwa nu mundu ughwa maka ingani, umundu jyula ughwa maka iti apoke indusujyake, nukwegha ifyuma fyake fyoshi. 23 Jyujyo ata pamupene nune alipashi manune, sona jyujyo ata kubhungania pammpene nune akunyambania. 24 Umbepo umunyani linga akumutila umundu, akubhuka akulonda papo pata namishi ukuti atushe. Linga apotwa, akuti iti ingaluke kukwo ingafuma. 25 Linga aghaluka asange inyumba byaghile sona jyili akisa. 26 Sona likujya pakulonda amapepo amanine saba ghagho mabhibhi kuliko ilyene, nukubhitisha bhise bhikale pala pala. Sona ihani jya mundu ujya jyikubha mbibhi kuliko ijya kwanda.'' 27 Jyukabhoneka ukuti bhwo akujyugha amashu agho, umukolo jyumo akapwata ingani kuliko abhandu bhoshi palukomano ulwa bhandu '' Akajyugha akati lusajyighwe ulufukwe lulwe lukakupapa na mongoghagho ukonga'' 28 Lole umwene akajyugha, akati bhasajyighwe bhabho bhakupulikisha amashu agha Chala nu kugha sengula. 29 Bhwo ichilundilo cha bhandu bhakubhungana, nukwongela, u Yesu andite ukujyugha '' Imbapo ijyi mbapo ijya mbibhi. Bhakulonda, ichinangisho nachimo ichinangisho chicho iti bhakapeligwe ichinine isa chinangisho icha Yona. 30 Lole isapapo u Yona akabha chinangisho kubhandu abha Ninawi, popo nu mwana ghwa Adamu iti akabhe chinangisho kumbapo ijyi. 31 Umalkia ughwa kusini iti akime pishiku ilya bhulongi nabhandu abhambapo ijyi nukubhalonga abhene, papo umwene akafuma kumwisho ughwa chisu ukuti ise apulikishe ulwishisho ulwa Solomoni, papapo alipo jyujyo amulongite kuliko u Solomoni. 32 Abhandu abha Ninawi iti bhakime kubhulongi pamupene na bhandu abhambapo ijyi pishiku ilya bhulongi, papobhene bhakasuma ulu hobhokelo bhwo abhalumbilila Yona, sona pamu, alipo jyujyo ghwisongo kuliko u Yona. 33 Najyumo umundu jyujyo akukosha inyale akubhika pase pachisu pamu akubhika pase pachikapu, lole kukosha nukubhika pamwanya pa chombo ukuti ghweshi umundu jyujyo akwingila aghubhona umpalanga. 34 Ilyiso lyako nyale jya mubhili. Ilyiso lyako linga lyabha lyisa popo umubhili ghwako ghwoshi iti ghughu bhonu mupalanga. 35 Lole linga ilyiso lyako lyabha libhibhi popo umubhili ghwako ghwoshi iti ghukabhe kuchisi. Sona mwoghopaghe ukuti umupalanga ghughwo ghuni mukati jyinyu manye ichisi chingilaghe. 36 Sona inguti, linga umubhili ghwako ghwoshi ghuli numupalanga, sona patalipo na pamu papo palini chisi, po umubhili ghwako iti ghubhe isa inyale jyijyo jyikwaka nukutisha umupalanga kukwinyu.'' 37 Bhwo amala ukujyugha, umufalisayo akamupalila ukuti ajye alye ichakulya kunyumba jyake, ghwepe u Yesu akingila mukati abha pamupene nabho. 38 Popo amafalisayo bhakanda ukiswigha papo umwene atakasukusula tashi bhofikali ifyakulya ifya namasubha. 39 Lole u Yesu akabhabhula, ''Umwe mwimafalisayo mukusuka kuse ifikombe ni bhakuli, lole mukati jyijyu mwiswile ifinyonywa ni mbibhi. 40 Mwe bhandu mwemwe mta na mahala, jyujyo akapela kuse ata kapela na mukati mwope? 41 Mubhapange abhalondo fifyo fili mukati ni mbombo shoshi kuti shibhe nyisa kukwinyu. 42 Lole ulwinyu mwimafalisayo, koni mukutisha ikemo ilya muchichani bhogha ilya mubusitani. Lole mushile kiteshi shosha naloli nu kumughana Uchala. Kokamumu ukubhomba shisho shanaloli nukumughana Uchala, kwoma ukuleka ukubhomba na manine ghoshi. 43 Ulwinyu Mwimafalisayo, papa mukwighana ukwikala kufitengu ifya kundashi mumakanisa nu kubhalamuka akisa muminalo. 44 Ulwinyu mughelile na mapumba ghaghighalamisa ghagho abhandu bhaku ghenda pamwanya jyake bila kumanya.'' 45 Umumanyishi jyumo ughwa lubhatiko ulwa Kiyahudi akamwamula nukumubhula, ''Mumanyishi, shisho kujyugha shikutukalalisha nutwe bhubhu.'' 46 U Yesu akajyugha akati, ''Ulwinyu, mwibhamanyishi bhambatiko! Papo mukubhapa abhandu imishigho imishito jyijyo bhatabhaghile ukupimba, lole umwe mtakweghelesha imishigho ijyo nutukono twinyu. 47 Ulwinyu, mwemwe musengite nukubhika ulu kubusho kumapumba aghabhasololi, bhabho bhaka ghoghighwa na bhose kulu bhinyu. 48 Popo umwe mukwilingania nu kwitika na nimbombo shisho bhakabho mbagha abhosekulu bhinyu, papo bhakabhagho gha abhasololi bhabho mukusenga ulukumbusho pamapumba ghabho. 49 Kunongwa ijyi sona, ihekima ijya Chala jyikujyugha,''Iti ingabhatumile abhasololi na bho mitume bhope iti bhakabhatese nu kubhaghogha bhamu. 50 Imbapo ijyi iti jyi kamule kunongwajya bhasololi bhabho bhakaghoghighwa ukufuma kubhwandilo ubhwa chisu, 51 Ukufuma kwibhanda ilya Abeli mupaka ilya Zakaria, jyujyo akaghoghighwa pakati pa chighemu sona pa bhwelu. Popo ingubhabhula umwe, imbapo ijyi iti bhakalongighwe. 52 Ulwinyi mwibho mwalimu bha mbatiko isha chiyahudi, papo mweghite ifungulo isha mahala; umwe mtakwingila, sona bhabho bhakulonda ukwingila mubhashighile.'' 53 bhwo u Yesu atila pala, abhandishina Mafalisayo bhakakanika nukukanikana naghwe kumbombo inyingi. 54 Bhaka mughela nukumukana kumashu ghake.