¹ Akabhalilo uYesu gho akujhenda, akambhona umundu jho atakutesha ukufuma ukupapilighwa kwake. ² Abhamanyili bhake bhakambhusha bhati, "Ghwe mwalimu, ghwini akabhomba imbibhi, mundu ujhu au bhapapi bhake, popo apapighwe atakatesha?" ³ U Yesu akabhaghalulia, "Ati mundu ujhu ama abhapapi bhako bhabhombite imbibhi, lole inga imbombo sha Chala shibhonekelele kwake. ⁴ Chikulondiwa tubhombaghe imbombo shango jhujho andaghilogho bhukali bhu musi. Ubhushika bhukwisa papo najhumo atakabhombaghe imbombo. ⁵ Kuti indi muchisu, une ndi chikosho cha chisu." ⁶ Gho uYesu ajhugha ishi akafwila amatyi pilongwi, abhomba ichitope na matyi na akampaka umundu jhula ni tope kumaso. ⁷ Akambusha ati, bhukakoghe mkashima ka Siloam (Jyo jhikukang'anamulighwa ulingati 'jhoatumighwe')." Po umundu jhula akabhokogha nagho akughaluka, akanda, pakutesha. ⁸ Abhapupipi nu mundu jhula bho kubhwandilobhakamtesha ulingati msumilishi bhakati, Ghwe! ujhu ta ghwejhe jho akikalagha nu kusuma?" bhamu bhakati, "Ghwejho." ⁹ Na bhanine bhakati, "Taghwejho lole bhaghelile." Lole umwene akati, "Akati nene." ¹⁰ Bhakambhusha bhati, "Po amasoo ghako ghighulighowe bhulele?" ¹¹ Akaghalusha ati, umundu jho bhakti uYesu akabhomba itope amaso ghangu inga ati, 'Bhuka ku Siloam kasukusula.' Po ingabhuka, ingasukula popo nanda ukufesha." ¹² Bhakamubhusha bhati, "Ali kaghu?" Ghwepe akati, "Indamanye." ¹³ Bhakabhuka naghwe umundu jhula jho atakateshanga kubho Farisajyo. ¹⁴ Lyope likabha lishiku lya lwiputo gho uYesu akabhomba itope nu kughifunula amaso ghake. ¹⁵ Abhafarisayo bhakambhusha sona bhati akakusha bhuleleshe ukutesha. Po akati, "Akabhika itope pamaso ghangu, ingasukusula, po ulu imbaghile ukuetesha." ¹⁶ Abhafarisayo bhamu bhakati, "Umundu ujhu atafumite kwa Chala papo atakukola ishiku lya Lwiputo." Bhamu bhakati, "Shabha bhulele umundu ghwa mbibhi ukubhomba ifinangisho isifyo?" Po bhakisa bhapangungana bhene bhene. ¹⁷ Po bhakambhusha sona jho atakatesha sona, "Ughwe kutikoni ukukongana na mundu ujhu jho akakwighula amaso?" Po jho atakutesha akati, "Ujhu msololi." ¹⁸ Mkabhalilo aka Abhayahudi bhatakamwitika ukuti atateshanga na andite ukutesha mpaka bhakabhitisha abhapipi bhake jho atakatesha. ¹⁹ Bhakabhabhusha abhapipi, Ujhu, mwana ghwinyu jho mkuti atateshanga? po andabhule ukutesha?" ²⁰ Popapo abhapipi bhaka bhakati, "Tumenye ukuti ujhu mwana ghwitu na akapapighwa atakutesha. ²¹ Akutesha bhulele, tutamenye, najyo amwighule amaso tutamenye. Mubhushe jhujho. Ghwisongosha. Abhaghile ukwilinganya jhujho." ²² Abhapapi bhake bhakajyugha ishi, ukukongana nukuti bhakabhaghopa Abhayahudi. Papo Abhayahudi bhitikanite ukuti, linga ghweshi jhula itikila ukuti uYesu ghwi Kristi, atatengighwe ni Chipanga. ²³ Ukukongana nijhi, abhapipi hake bhakati, "Ujhu ghwisongoshe, mbhushe jhujho." ²⁴ Popapo ilya kabhili, bhakamwitisha jho akafwa amaso nu kumbhusha, "Mwinusha Uchala. Tumanye ukuti umundu ujhu ali ni mbibhi." ²⁵ Popapo umundu jhula akati, "Abha mubhomba mbibhi, une nchamenye nakamu. Chimuchane choichimenye: cha kati ingafwa amaso na ulu inguteshe." ²⁶ Po bhakisa bhambhula bhati, "Akubhombela koni? Ighwile bhulele amaso ghako?" ²⁷ Akabhabhula ati, "Namala pakubhabhula, numwe mtambulikisha! Koti mkulonda pakupulikisha sona? Numwe mtakulonda ukubha bhamanyili bhake, bhati? ²⁸ Bhakamtuka nu kuti, "Ughwe uli mmanyili ghwake, lolenga utwe tuli bhamanyili bha Musa. ²⁹ Tumenye kuti Uchala akajhugha ni Musa, lole tutamanye ko afumile umundu ujhu." ³⁰ Umundu jhula akaghalusha nu kuti, "Koti imbombo ijhi jhibho jha kuswighisha, ukuti mtamanye ko akufumila, nu kuti akali atighwile amaso ghangu. ³¹ Tumenye ukuti Uchala atakubhapulikisha abhabhomba imbibhi, lolenga umundu ghweshi jho akumwiputa Uchala nu kubhomba ifighana fyake, Uchala akumpulikisha. ³² Kufumila kubhwandilo bhwa Chisu tutapulikite lumo ukuti umundu ighula amaso gha jhujho amaso ghake ghafwile. ³³ Linga umundu ujhu atafumite kwa Chala, imbe atabhoma nachimbo." ³⁴ Wakambhusha bhati, "Ukapapighwa sona mumbibhi nughwe kutumanyisha ufwe?" Popapo bhakamukisha mwatembeli. ³⁵ U Yesu akapulika ukuti bhamukisha mwatembi. Akamwagha nu kumbhusha, "Kumwitika Umwana ghwa Mundu?" ³⁶ Ghwepe akaghalusha ati, "Ghwinighe, Mtwa, inga imwitike?" ³⁷ U Yesu akati, "Umubhweni, ghwepe ujhu kujhugha naghwe ghwejho." ³⁸ Umundu jhula akati, "Mtwa, Ingwitika." Gwepe akamsumilila sana. ³⁹ U Yesu akati, "Kubhulongi nisa mchisu muno inga bhoshi bhabho bhatakutesha bhateshange na bhoshi bhabho bhakutesha bhafwe amaso." ⁴⁰ Abhafarisayo bhamu bho bhakabha papipi naghwe bhakapulika amashu agho nukumubhusha bhakati, "Loshulu nutwe tutakutesha?" ⁴¹ U Yesu akabhabhula ati, "Lindi mtafwile amaso, imbe mta ni mbibhi. Lolenga ulu mkuti, 'Tukutesha,' imbibhi shinyu shikile."