¹ U Sauli ali mulwintihano ulwa kufwa kwaakwe. Isiku ilyo pahanda kubhayivwa ishinguunga isha shibhanza sheshali ku Yerusalemu; na bhebhintishile bhondi bhasatana munsi iya Yudea niya Samaria yoli abhasundikwa. ² Abhandu bhebhahamupuuta uMulungu bhaha musyila u Stefano nakuzinda apaapinti haani kunongwa yakwe. ³ Ilelo u Sauli alibhombile ahabhibhi hani nishibhanza, abhalile inyumba ni nyumba kubha fumwa kwizi abhandanda nabhasahala, nakubhataaga mwijeela. ⁴ Bhala bhebhifishile webhasataana bhendeleye kulumbilila izwi. ⁵ U Filipo ahiha muhanti Musamaliya ahamulalasya u Klisiti ukwo. ⁶ We abhalubhungano bhivwa nakulola ivilolesyo zyabhombile u Filipo; bhahabhiha ahinza kuzilu zyalonjile. ⁷ Kufuma ipo kubhandu bhebhi vuye impepu imbibhi zihabhafuma abhandu uku bhakulila kumazi amapinti, nabhinji bhebhetaye adendeluha bhahaponwa. ⁸ Na kwali nuluseshelo ulumpinti muhanti mumiji. ⁹ Ileela pali numundu umo weka mukasi munsi yila itawa lyakwe u Simoni, we ahabhombaga uwulonzi; we awubhoye kubhazyaanya abhandu abhamunsi iya Samalia, ahabhalilo hahalonga kunti wene mundu wakwanzilwa. ¹⁰ Asamaliya bhondi kufuma umunsi paaka umusoongo, bhahamutejelevwa; "Umundu unu gagala amaha ga Mulungu ge mampinti.'' ¹¹ Bhahamutejelevwa, kunongwa yabhaswijizya ahabhalilo ahetali nuwulozi waakwe. ¹² Ileelo ahabhalilo he bhintishiye kufwa u Filipo alumbiliye kubha uwumi wa Mulungu ni tawa lya Yesu uKlisiti, bhahozilwa, abhasahala na bhandanda. ¹³ Nu Simoni bhuyo ayintishile: Pee wayozelwa, ahendelela kubha nu Filipo; walola ivilolesyo na mayele gegahabhombeha ga aswiga. ¹⁴ Weabhasontelezya abhaku Yerusalemu webhivya ku Samaria yiposholeye amazwi ga Mulungu, bhahamusontelezya u Petro nu Yohana. ¹⁵ Ahabhalilo webhakwiha bhahabhalabhila; kunti bhamuposhele umupeepu umufinjile. ¹⁶ We ahabhalilo iho, umupepu mufinjile ashili kubhishila poope naweka bhulo bhamile bhulo bhozelilwe mwitawa lya mweene u Yesu. ¹⁷ Pu Petro nu Yohana bhahabhabhishila inyobhe, bhope bhahaposhela umupepu umufinjile. ¹⁸ Wu Simoni alola kunti umupepu umufinji afumila kushilila kubhishilwa inyobhe nabhasundikwa; ahazaga kubhapa ihela, ¹⁹ Ahalonga, "Nambe amaha iga, inga we namubhishila iyobhe aposhelaje umupe umufinjile." ²⁰ Ileelo u Petro ahamubhuzya; ihela yaho peeka niwe utejele ukutali, kunongwa yakukwina kunti kunti ishikunjilwa sha Mulungu shikufumila kuhela. ²¹ Utalinapamu kuliilyo, kunongwa yumwoyp waho te mugolosu pilongolela ya Mulungu. ²² Ipo leelo zileshe imbibhi zyabho kumulabha u Mulungu bhanga aga twuyila ikwino zya mwoyo waho. ²³ Kwee kunti ingukulola uli musumu yeyikubhobha namuwupinye uwi mbibhi.'' ²⁴ U Simoni ahagalusya ahalonga, "Mulabhaje umwene kunongwa yani, kwekunti goondigo gemwalonjile gahabhe gandoleshela. ²⁵ Ahabhalilo uPetro nu Yohana webhali kupanjila na kulumbilila izwi lya Mweene, bhaduuga ku Yerusalemu idala lilila; bhalumbiliye amazwi muvijiji vwinji ivwa Musamaria. ²⁶ Pe uhabhizya wa Mulungu ahalonga nu Filipo ahanti, "'Hozya ubhale kusini idala lwe likubhala pansi mu Yerusalemu kupalamila ku Gaza." (Ida ili lili mwilala). ²⁷ Ahahozya ahabhala. Yeenya, kwali nu mundu uwa Ethiopia, towashi we ali huwamulo umupinti pansi ya kandese; uhabhizya uwa Ethiopia, we bhanubhishile pawusengulo wakwe wondi wope abhalile ku Yerusalemu kupuuta. ²⁸ Ahadugaga ayiheheye mwigoli lyakwe akusoma ishitaabu isha mukuwi u Isaya. ²⁹ Roho akasema na Filipo, "Sogea karibu na gari hili ukashikamane nalo. ³⁰ ''Ipo u Filipo ahashiimbila, ahivwaakusoma ishitabu isha mukumi u Isaya ahalonga, ilelo uhamanyile huku bhaazya. ³¹ Muefhiopia ahaloonga, "Indihole ungu umundu atangundongola?" Ahamuwuzya u Filipo oyinjile mwigaali bhihale peeka nawo. ³² ahagada hahasomaaga u Muethiopia hahiha; Bhamulongolezizye anzingo ole yeyikubhala kushibholelo kubholwa; Unganti goole yibumumi zwi, atapanyile ilomu lyakwe: ³³ Kwa kusungama kwakwe uwulonji wakwe bhahefwa; wunaanu uva ntilonje impaapo yakwe? uwihalo wakwe wepile munsi." ³⁴ Ipo utowashi ahamubhuzilizya u Filipo, ahalonga, "'Ikukulabha, mukuwi bhuli we bhakupanga ahapango hakwe, kunti wene owe mundu wunji"? ³⁵ U Filipo ahanda kulonga, ayandile kuwusimbe unu wa Isaya kulumbilila impembu zya Yesu. ³⁶ Webhali mwidala, bhahafiha paminzi,' utowashi ahalonga, "Yeenya, pala minzi pa honi hakudinda indozelwe?, ³⁷ Amazwi igo, "Ipo mu Ethiopia ahagalusya "ingwintiha kunti u Yesu Klisiti mwana wa Mulungu," nagamu muwusimbe wakwe). Pu Muethiaopia ahamula igali lyimilile. ³⁸ Bhahabhala muhanti muminzi, peeka u Filipo nutowashi, u Filipo aha mwozya. ³⁹ Webhafuma muminzi, Umupepu wa Mwene ahamutwala u Filipo ataali; utowashi ahamulola, ahabhala idala ilyakwe akuseshela. ⁴⁰ Ilelo u Filipo ahafumila ku Azoto. Ashilile mu mkowa wula nakulumbilila amazwi muhati muhaya zyondi paka ahafiha Kaisaria.