¹ Umupunti unusongo ahalonga, "Inongwa izi zyanayooli"? ² U Stefano ahalonga, "Muhalo nimwe mumayise gaani, natejelevyeiine: uMulungu uwa winza amulolesheye uyise wituu Abrahamu ahabhalilo hamali kumesopotamia, shashili kudiila ku Harani,' ³ ahamubhuzya,' Yeepa munsi yaho namubhamwinyu ubhale kunsi yintikulanje'. ⁴ Ilelo ahasogola munsi uya Ukaladayo ahabha Harani, kufumaipo, wee uyise wakwe afwa, u Mulungu aha muleta munbi ini, yibha kubha ishi. ⁵ Atamuye agaheka he kunti apwanile weene kubha hakwe, patalipo naapamu poope pe ugabhiha ishinama. Ilelo u Abrahamu bhamusubhizizye shashili kuupa umwana kunti yeyibhe yakwe mu puapo yakwe. ⁶ U Mulungu alonjile nawo kunti, kweekunti abhapaapwe bhaakwe hani bhandiiliye kunsi iya wujeni, na abhahaya abhakukwo bhantibhabhishe kubha bhamayimba abhene nakubhabhomba ahabhibhi kuhabhalilo aha maha imwaazini. ⁷ Nu Mulungu ahalonga, ihalililonga itaifa lyelihayibhabhiha mwabhamayimba, iwinza paanapo bhahayifuma nakupuuda kumbali iini.' ⁸ Ahamupa u Abrahamu ulwivwano ulwa kwata, ipo uAbrahamu ahabhawiyise wa Isaka aha mwaata isiku ilya nane; u Isaka ahabha wiyise wa Yakobo, nu Yakobo ahabha wa yise waabhamaama bhintu ishumi na bhabhili. ⁹ Abhamaana bhintu bhaha muloola umwoone u Yusufu bhahamukazya kunsi iya ku Misri, nu Mulungu alipeeka nawo, ¹⁰ pe aha mwefwa mumayimba gaakwe, ahamupa uwuwezyo ninjele pilongolela pa mwene uwa Kumisili. Farao ahamubhiha kubha wamwena mumili ninyumba yakwe yoondi. ¹¹ Pe kuhabha inzala impinti na mayimba aminji munsi iya mumuli na mu Kanani, nabhayise bhintu bhataha nishakulya. ¹² Ilelo Yakobo wayivwa kunti kuliivwa kulya ku Misri, ahabhasonteleezya ayise bhitu ihakwaanda. ¹³ Kwisiku ilya wubhili u Yusufu ahayilolesya kubhaholo bhakwe, abhomwabho Yusufu bhahamanyiha kwa Farao. ¹⁴ U Yusufu ahabhasonteleza abhaholo bhakwe kubhala kumubhuzya u Yakobo uyinsi wabho abhale Kumisili, peeka nabhanyani bhakwe, peeka bhondi bhahabha amashumi saba na zisanu. ¹⁵ Ipo u Yakobo ahiha Kumisili; ahahondela awene peeka na bhayise bhitu. ¹⁶ Bhahabhega naku Shekemu bhahabhasyila mumbiipa lye u Abrahamu akalile kwa vipande vya fedha kutoka kwa wana wa Hamori huko Shekemu. ¹⁷ Ahabhalilo ahalusubhilo ulwimbantiho ye u Mulungu amubhantishiye u Abrahamu wapalamila, abhandu we bhonjela Kumisili, ¹⁸ ahabhalilo iho alimiliye umwene uwunji pamwanya mu Misri, umweene wa manyile inongwa zya Yusufu. ¹⁹ Uyo umweene ahabhahopela abhandu bhitu nakubhabhomba imbibhi abhayise bhitu, na kutaaga abhana bhaabho abhela inge bhatahabhe. ²⁰ Insiku zila uMusa ahapaapwa; ali mwinza pilongolela pa Mulungu bhaha musuungwa amezi gaatatu munyumba yayise wakwe. ²¹ Webhamutaaga, umulindu wa Farao amwejile ahamusuunga anganti waakwe. ²² U Musa bhamumanyizizye imanyizyo zyondi izya Kumisili; ali namaha mumazwi na mu mboombo. ²³ Ilelo wafisya amaaha amashemi gani, ahamwinzila mumwoyo wakwe kumujendela uholo wakwe abhana abha Israeli. ²⁴ Wealola Mwisraeli akubhombelwa ahambimbi, u Musa ahamwimila nakubhuzya kwawula waha muhomaga umu Misili: ²⁵ Aha kwina kunti abhaholo bhakwe bhantimumanye kunti uMulungu akubhefwa kunyobhe yakwe, ilelo bhatamanyile. ²⁶ Isiku lyelikufwaata ahabhala kubha israeli bhamu bhebhahalwanga; ahalinjizya kubhakundanya; ahalonga,' Mbo mukupatana munemwe munemwe,? ²⁷ Ilelo atulile kua mupalamani wakwe ahamubushilila ukutali, na kulonga, 'Wenu wakubhishile kubha wa mwene wamulonji wintu? ²⁸ Iwe ukwanza kungoga, anzashe wamugojile Umumisili manzubha?" ²⁹ U Musa ahashimbila wayivwa izyo; ahabha mujeni munsi iya mu Midiani, ahabha wayise wa bhana bhabhili. ³⁰ Wamaha amashumi gani gashila, uhabhizya ahamuloleshela mwigamba ilya ku Sinayi, muluozyo ulwa mwooto pahanti pilaala. ³¹ Wa Musa awulola umwooto, ahasukumila na kuswinga, kuhela hahalolile wakulinjizya kusejelela anga yeenye, uzwi lya taata liha mwinzila lihalonga, ³² 'Ine na Mulungu wabhaise bhaho, uMulungu uwa Abrahamu, nu wa Isaka, nu wa Yakobo'. U Musa ahayinga nakulinjizya kweenya. ³³ Utaata ahamubhuzya, 'Zula ivilyatu vyaho, ipo puyimiliya bhakunti apa finjile. ³⁴ Nalola amayimba agabhandu bani bhebhali Kumisili; Nivwa kubhina kwabho, nine niha angimbefwe; ishi nzaaga, indikusondelezye iwe Kumisili.' ³⁵ U Musa nu webhanuhanile, ahabhalilo hebhanjole, 'Wunanu wabhombile kubha wumweene na uve mwamulo witu?'- ali we wu Mulungu amusontelezizye kunyombe yahabhizya wamulolesheye uMusa pilala. ³⁶ U Musa abhalongoye kufuma Kumisili we abhomba amayele ni vilolesyo Mumisili namusumbi iya ku Shamu, na mumwanya mumgamba ahabhalilo ahamaha amashumi gaani. ³⁷ Wu Musa wabhabhuzizya abhandu abhaku Israeli kunti, 'U Mulungu antibhishe abhakuwi kufumilana na muholo bhinyu, umukumi anzine'. ³⁸ Unu we mundu wamali nulubhungaano mumagaamba nuhabhizya we alonjile wope mwiga ilya Kusinai. Unu we mundu wamali nabha yise bhitu unu we mundu waposheleye izwi ipuuma nakutupa itwe. ³⁹ Unu we mundu wayise bhintu bhanile kumushindika; bhamu bushiliye ukutali, mumoyo gabho wenyizye Kumisili. ⁴⁰ Ahabhalilo iho bhaha mubhuzya u Haruni. 'Tugombele, abhalungu bhebhanti twimilile uMusa unu. Wama twimiliiye kufuma Kumisili, tutamanyile heha mwajile.' ⁴¹ Ipo bhahagoomba ingwaata kunsiku izyo bhahafumwa ifinjile kuyiniyo ishiholanyo pee bhahasha kunongwa yinyobhe zyabho. ⁴² Ilelo u Mulungu ahabhagalulanya nakwanda kupuuta izuta izya kumwaanya, izasha zyasimbilwe muwusimbe uwa mukuwi, 'Ileele? Mufumizizye ine ifinjile ivihano vye mwagojile mumagaamba kuhabhalilo ahamaha amashumi gaani, munyumba ya Israeli? ⁴⁴ Abhayise bhitu bhali ni nyumba iyakuhomanila ifimpeembu mwilala, anza shu Mulungu ayamuye wakulonga nu Musa, kunti hanagombile kushiholanyo shila shahashilolaga. ⁴⁵ Ili liyumba lya bhayise bhitu, kuhabhalilo habho, bhabhalenti munsi iya Joshua. Ini yafumiye abhalilo aha kupwaanila insi ye uMulungu abhabhinjile sebhitu bhashili. Ini yali shinisho paaka insiku izya Daudi, ⁴⁶ webha mwitishizye pamiso ga Mulungu, ahalabha kwanza uwihalo kwa Mulungu wa Yakobo. ⁴⁷ Ilelo u Selemani amuzenjeye inyumba ya Mulungu. ⁴⁸ Poope nishi wali pamwanya atakudila munyumba zyebhazenjeye inyobhe; ini yili aza shu mukuwi alongile, ⁴⁹ Imwanya litengo lyani ilya wila, insi papahiwazi pingubhiha ivinama vyani inyumba yilibhulibhuli ye muhayi nzenjela? Akulonga Taata: awe paposhi ine pihayituzya? ⁵⁰ Te nyobhe yaani yeyabhombilo zyondi zinizyo?' ⁵¹ Imwe mubhandu mubhisingo igomu mwemuta kwoozya amooyo namakutwe, pondi bhulo mukumudinda umupeepu umufinjile,' mukubhomba anza shabhayise bhinyu shebhabhombile. ⁵² Mukuwi bhuli muhanti mubhakuwi we abhayise bhintu bhatamutesile?. Bhagojile abhakuwi bhondi bhebhafumiye washili kwinza weka uwa na lyoli, pope shi mwabha mwemukuhaana nabhagoji bhakwe winza, ⁵³ imwe mubhandu mwaposheleye indajizyo yila ye bhalajizizye nabhahabhizya ilelo mutalemile.'' ⁵⁴ Wabhalonji abhinongwa we bhivwa gango, bhalaswa mumoyo gabho, bhaha musyela mino u Stefano. ⁵⁵ Ilelo wene, ayizuye umupepu umufinjile, ahenya kwa simishizya ahawulola uwinza wa Mulungu,' amulola u Yesu ayimiliye kunyobhe indilo iya Mulungu. ⁵⁶ U Stefano ahalonga, "Yeenyi naloola kumwanya kwigushile, numwa wa Adamu ayimiliye kunyobhe indilo iya Mulungu." ⁵⁷ Ilelo abhalonji abhi abhakulonganya bhahahoma shoongo kumazi agapamwaanya, bhahadinda amakufwe gabho, bhaha mushimbilila peeka, ⁵⁸ bhaha musumba kunzi nihaya bhaha muhoma na mawe: abhakeenti bhahazula ameenda gaabho aga munzi bhahabhiha pansi paapiipi nu mutunda waebhantinji wa Sauli. ⁵⁹ Webhaha muhomaga amawe u Stefano, alisha kumulishila Utaata nakulonga, "Taata Yesu, poshela umwoyo waani,". ⁶⁰ Asugamila na kubhilishila kwizi mpinti, "Taata, utahabhabhazizye imbibhi ni." Walonga isho, ahadumula umwoyo.