¹ Ishitaabu ishimaandi nandishile, Theofilo, nantili gondi u Yesu ayandile kubhomba na kumanyizya, ² mupaka isiku lye bhaposheleye wuyo weene kumwaanya. Ini yafumiye weafumwa ndijizyo kushilila umupepu mufinjile kubhasondelezyi bhabhachaguuye. ³ Wayimba gakwe gashila, aloleshile kukwabho she mupuuma winza ivyanayoli vwinji vihalolaga, insiku arobaini asimishizizye kukwabho na alonjile kunti umwene wa Muluungu. ⁴ Wahahomanaga peekanabho, abhamuye bhatasogolaje mu Yelusalemu, ilelo bhagulile kulusubhilo lwa taata, uweene alonjile, "Mwivuye kufuma kukwaani, ⁵ kunti u Yohana ayozelilye yooli kuminzi, ilelo muntiyozilwe kuminzi insiku zyali zyezikufwata." ⁶ Webhahomaana peeka bhahamubhu aziilizya, "Mwene, ishi iha hehabhalilo huhayibhaduzizya abha Israeli umweene?" ⁷ Uwene ahabhabhuzya, "tehinza kukwiinyu kumanya ahabhalilo awe saala ya taata kwiniliye kuwamulo wakwe wuyo.'' ⁸ Ilelo muhayiposhela amaha, ahabhalilo humupepu umufinjile wakwinza kwajili yinyu, namwe muyibha mwabhakeenti bhani kwondi ku Yerusalemu kuwayahudi yoondi na mu Samaria mupaaka mwisho winsi.'' ⁹ Umwene u Yesu walonga igo, bhaha bha kwenya mumwanya, uwene ahapimbwa kumwanya ibhingo lihamundindo bhata mulolaje na miso gaabho. ¹⁰ Webha kwenya kumwanya kwakusimishizya ahabhala, nalubhilo, abhanda bhabhili bhimiliye pahanti yabho bhakwantile ameenda azelu. Bhahalonga, ¹¹ "Imwe mubhandu mubhaku Galilaya, honi le mwiliiye iipa mukwenya kumwanya?" U Yesu nu azubhile kumwanya ahafiduga anza shishila she mu hamwenyaga wakuzubha kumwaanya. ¹² Pe bhahaduga ku Yerusalemu kufuma mwigamba ilya mizeituni, weweuli papiipi na mu Yerusalemu, munjendo izyisiku ilyi Sabato. ¹³ We bhafiha bhahabhala kumwanya kunyumba kwebhahabhaanga, bhope ali Petro, u Yohana, u Yakobo, uanduleya, u Filipo, Thomaso, Batholomayo, Mathayo, Yakobo umwana wa Alfayo, Simoni Zelote nu Yuda umwana wa Yakobo. ¹⁴ Bhondi bhahivyana unganti munduweeka, kumaha bhandelelaga ni puuto, peeka na bhanabho bhalipo na bhandaanda, u Mariamu unyina wa Yesu, nabhayilumbu bhakwe. ¹⁵ Munsiku zizila u Petro ayimiliye mubhaholo, ungati bhandu 120, ahaloonga, ¹⁶ Bhaholo, yali yalaazima kunti usimbe wukwile, we hali umupeepu umufinjile aalonjile kusabhunti ya Daudi kufwaatana nu Yuda, wabhalongoye bhala bhebha umulemeli u Yesu. ¹⁷ Kwekunti awene twalipeeka nawo ahaposhela uwukabho wakwe uwapamwanya muhanti mu mbombo inii." ¹⁸ (Ishi umundu unu akalile ieneebho kuhala haposheleeye kuwubhimbi waakwe alongolezizye itwe, umubhili wuhabazuha niapalwandi pondi pohabha pazi pahintiha. ¹⁹ Bhondi bhebhahabhanga mu Yerusalemu bhivuyo ili, ishi ienebho ilyo bhalwita kundongo yabho, "Akeldama" isho shizi sha mabhaanda.") ²⁰ "Mushitaabu isha Zaburi yisimbilwe, 'Asunti ienebho lyakwe libhe litoongo antitishilwaje numo kwahala pala;' na, 'Yamula umudi uwunji ayeeje imbombo yaakwe iwuloongozi.' ²¹ Iyo nyinza, iyo weka kubhasahala bhebhali peeka nitwe we umwene u Yeesu ufuma kwinjila muhanti yetu, ²² kwandila muwozwi wa Yohana mupaka isiku lila lya bhalile kumwanya, laazia abhe mukeenti wa kuzwiha peeka nitwe. ²³ ''Bhaha bhiha pilongolela asahalala bhabhili, u Yusufu webhahantiji wa Barnaba, wewinza bhantinji Yusto nu Mathia. ²⁴ Abhene bhalabhile bhahatishi iwe, "Mwene, umanyile amoyo gabhandi bhoondi, bhiha apazele ibha bhabhili wumuchaguuye, ²⁵ kwega inafasi muhanti musondelezya, mwu Yuda abhombi ahabhibhi na ahabhala amali apaakwe." ²⁶ Bhahahoma kula bhibho bhene, ikila yihamugwila Mathia wemubhazizye peeka nabhasontelezya bhala ishumi naweeka.