¹ Nyiho umangi o ruveu upefana nishwa na vaji ikumi veleiria taa savo na ikure na idambuka imwadija mudumi o ndima. ² Vatanu ngholosi kwavo vevekeri vatamadiye na vatanu vengi vevekeri varango. ³ Vaji vatomwode vereiria taa savo, vereiria mafuda vovovsepo. ⁴ Kake vaji varanguhie weleiri shindo shiode mafuda kimu na taa savo. ⁵ Lwaha kingeri mdumi o ndima amekelejwa ishika. vose velekwa madiyo na vakalaa. ⁶ Kake kigeri kia kiyo kia magelegele kuveode okunga ilmbuwa, mdumi ondima! Fumenyi nja mdemwadija! ⁷ Nyiho ivo vaji veletukwa vose na lasa taa savo. Vaja vatomodie valevavia vaja varaguhie! ⁸ Mdiningie gata ya mafuta vanu ko kitevi taa edu sikenaruma. ⁹ Kake vaja varanguhie velevatalwa na vakavavia, kee koja valavapeshika ize na inyepo gata yake endenyi ka vandu vake na kumba mure kiniwa ko kitevi kiyanu. ¹⁰ Kingeri vamende ipo iura mdumi o ndima kashika, na vose vevekeri sasava vakadambuka nacho ndimenyi ya arusi na kichi kikashingwa. ¹¹ Iho vaja vaji vengi navo vakashika na iamba, "mdumi, mdumi , diruguje. ¹² Kake katalwa na imba, "Loi ngake na vavia . Inyi gavaichipo. ¹³ Ko ikiyo lambwenyi, mekoja miichi mfuru nama saa. ¹⁴ Ko ikio nyi loi sasava na mdu elefuma kiaro idambuka orikenyi lungi. Nyelevandika ra vadumwa vake na ivanigia umangi wake. ¹⁵ Umu wavo nyelemuningia talata sitanu ungi kamuningia ivi, na uja igi kamuningia talanta imu. Kila umu nyeleadija kiasi ihana na idima jake, na uja mdu kadambuka kwakwe. ¹⁶ Movingi uja aleadija talanta sitanu nyele dambuka isidera na iengerija talanta singi sitanu ¹⁷ Kudo kudo uja elewadija talata ivi, nyeleengerija singi ivi, ¹⁸ Kake mdumwa elewadija talata imu nyeledambuka kwake, kakulia irungunyi gwanda, na irika hela ya mdumi wake. ¹⁹ Na ade ya masaa verehie, mdumi o vadumwa ivo nyele uya na iitobira maisabu navo. ²⁰ Uja mdu elewadija talata sitanu nyelecha na ende talanta zingi sitanu, kaamba, mdumi uleginigia talata sitanu. Lambwa, gelepata faida ya talata sigi sitanu. ²¹ Mdumi wake kambia, "Vekwande, mdumwa mcha na muloi! umeva oloi ko shinda shinina. Nepata uduwe o uye ya shido shifoje. Ingia ko sia ya mdumi wapo. ²² Mdumwa elewadija talata ivi nyelecha ne amba! mdumi, nyulenginigia talata ivi, lambwa , ngelepa faida ya talata singi sivi. ²³ Mdumi wake kambia, "kuwande, mdumwa mcha na oloi! umeva oloi ko shindo shinina. Ngape kuningia uduwe uye ya shindo shifoje. Ingia ko sia ya mdumi wapo! ²⁴ Ade mdumwa aleadija talata imu kacha ne amba, "Mdumi ngaichi kee ingwe nyi mdu mbichwa. Ukenahaa adu ulelevaja, na ukena sambwa andu ukenangiria. ²⁵ Inyi geleongwa ngadambuka na irika talata yapo maifunyi. Lambwa, uode ina kija kikeri kiapo. ²⁶ Kake mdumi wake nyeletalwa kaamba, igwe mdumwa mvicha na atomodie, nyuichi kee ngake nahaa andu ngalamevaja na isambwa andu gelelevaja. ²⁷ Koikio nyuveuniwa ivaningia hela sakwa vandu va beki. na saa o uya kokwa ngeiadija kija kikwa kimu na faida. ²⁸ Koikiyo msokenyi iyo talata na munigie uja mdumwa uja aode talata ikumi. ²⁹ Kila mdu ade, apeegerijwa shifoje ato ko isindiwa munu. Kake ko wowose alaode kindo hata kija aode ape sokwa, ³⁰ Mkumbenyi nja momenyi icho mdumwa alapeva, kundu kupewada ifunga na isuwa maingo. ³¹ Wakati mwana o Adamu apechako umangi wake, na malaika vose kimu nacho, nyiho andu apendamia uye ya kitiri kiake kia umangi. ³² Isanga jose jipekusangiria oshangunyi lwake, nacho nyapevavangwa vandu, chakundu mombia echivangwa mamondo na mburu. ³³ Apevendera mamondo koko kwake ko kujo andi mboru asidera koo kwake ko kumoso. ³⁴ Kavi mangi apevavia vaja vakeri koko kwake ko kujo, "Nyonyi, muningiwa mbora na mndumi okwa, mrisi umangi uderijwa ko kitevi kianu kuoka uvikiwa msingi orika. ³⁵ Ko ikio geveodwa na njaa mulengininga kieja; Ngekeri mugenu na mlengisha; ³⁶ Ngevekeri duhu, na mulengirarika nguvopo; Ngevekeri ngaluwe mulengilambwapo; ngevekeri jela na mlegijalipo. ³⁷ Nyiho vaode kingeria vapengivia na ingivia, "mdumi nyidii dilekuona uodwa njaa, di kakuninga kieja? Ana uode nyoda dikakuniga muringa? ³⁸ Na nyidii dilekuona uluwe ana jela, na dikaona? ³⁹ Na nyindii dilekuona uluwe, ana jela dikakulia? ⁴⁰ Na mangi apevatalwa na ivavia, "Loi gakenavavia, mulekuta iha ko umu o vaduanu vakwa vanina. mlengiiutia inyi. ⁴¹ Nyiho apevavia ivo vakeri koke kwake ko kumoso, kurenyi kokwa mdejwa mbiago endenyi modonyi o ndasi uderijwa ko kitevi kia shetani na vamwele vakwe. ⁴² Ko kitevi gereondwa nja kake mleginiga kandopo; Ngeveodwa nyoka kake mleginiga murigapo; ⁴³ Ngeri mugenu kake mulengikaribishapo geri duhu kake. Mulengininga nguvopo; geluwe na geri jela, kake mlengionapo; ⁴⁴ Nyiho ivo kavi varijwa na iamba 'Mdumi, nyidii dilekuona uichwe ana ukeri jela, na dilelekurudia? ⁴⁵ Kavi katalwa kaamba, "Loi gakenavaviya, kija mlelemutia ko umu o ivo vanina ulegirudia inyipo. ⁴⁶ Iva vapedambuka ko ucha o ndasi adi vaode loi ko piya ya darasi;