¹ Yesu nyelefuma hekalunyi ne dambuka sako. Valoshwa vake velemvandya na mlora numba sa hekalu. ² Kake nyelevatalwa na ivavia mneonapo shindo shi shose? "Loi nganevavia, kaode igho jipesi ghaka uye ya jingi bila yefunywa" ³ Andu edanya ifumbunyi ja mizeituni, Valoshwa vake velemvadya ko kirika na neamba jivie, shindo ishi shilefuma indii? Kindo kiki kipeva dalili yecha kwapo na mwisho o rika? ⁴ "Yesu kawatalwa ne vavia" Veenyi na urango kitevi alache mundu kavalemba. ⁵ Mekoje vafoje vapecha ko rina jakwa. Vapeamba nyinyi icho Kristo; na vapevalemba vafoje. ⁶ Mpeichwa shida na ologho lo shida. La mbwenyi mlacheaghwa na mraghoragho, mekoje shindo shi shiode ifumapo; kake mwisho uja upeva bado. ⁷ Mekoje orika lupeimkya ko orika lungi, na umangi ko umangi. kupeva na njaa na gwanda idedema kwacha kwacha. ⁸ Kake shindo shi shose nyi mwanzo o fee okupungwa. ⁹ Nyiho vapevafuna ko kitevi kye lisalisa na iyaghwa. Mpelushwa na orika lose ko kitevi kya rina jakwa. ¹⁰ Nyiho vafije vapekava mtulya na kumbana ne ilushana venyi ko venyi. ¹¹ Vairoto vafoje va vongo vapefunya ne valemba vafoje. ¹² Ko kitevi kya unyamari upeongerijika, ukundo o vafoje upeoloja. ¹³ Kake uja aperimija mpaka mwisho, apelesamwa. ¹⁴ Injili hiji ya umangi nyipehubiriwa orikenyi kose chakundu ushuhuda ko njorika sose. nyiho mwisho uja upeshika. ¹⁵ Kweikyo mkameona ilushiroja unyamari, jidedywa na mwiroto Danieli ngameinuka andu mwele (esoma na manye. ¹⁶ Nyiho vakeri Yuda vakambije mafumbunyi. ¹⁷ Na uja akeri uye ya numba aladime soka gwanda iirya kindo kyokyose ifuma numbenyi yake. ¹⁸ Nacho akeri mdemenyi aladime uya urya nguvo yake. ¹⁹ Kake ole vaja vasa vaade kibetebete na vaja vasa vakeonyirya ko mfuri so. ²⁰ Terevenyi kitevi ikambia janu kulava kigheri kya mbeho, nama mfuri o udaso. ²¹ Mekoje kupeva na ukiva mdue, usa ulemefumya tangu orika lorudwa na lwaha na ipechafunya sepo. ²² Chakundu mfuri so silefujirwa koode usa ekulesapo. Kake ko kitevi kya vasamburwa, mfuri so sipefujirwa. ²³ Kweiko koja mndu oose apevavia lambwa, Kristo nyakeri kuja, mlaidikye shidedo shoo. ²⁴ Makoje Makristo va vongo na vairoto va vongo vapecha na ilora dhoruba nduena sherijwa ko kitevi kye lemba, chakundu kyedimwa na wasamburwa. ²⁵ Lambwenyi ngavakimbiya shindo shi shilamefumya. ²⁶ Kweikyo, koja kapevavia, Kiristo nyakeri batenyi ana Lambwenyi, mumbenyi; mlandikye shidedo sho. ²⁷ Chakundu ikurururma jiche langara ifuma mashariki na ilangara magharibi, kudo kipeva ichako mwana o Adamu. ²⁸ Kokose ukeri mning'a ipo nyipo mitoyi ichekusangirya. ²⁹ Kake baada ya ukiva mdue o mfuri uja, Ruva jipevikywa momaa, mori upefuna kilangaro kyakepo , ng'eng'eri sipegwa ifuma ruveu, na oru lo ruveu lupesijuka. ³⁰ Nyiho kamkunya o mwana o Adamu ipeonwa ruveu na mbari sose sa orika ifurighya vapemwana mwana o Adamuecha ko marindi va ruveu ko orulo mwele mdue. ³¹ Apevaduma malaika vake ko ulodo mdue o tarumbeta, navo vapekusanginya anduvani vasamburwa vake ifuma . Inyosa orika, ifuma mwisho umu o ruveu hadi kungi. ³² Kuloshengi ko kidinyi mfano irambacha jake jikabara na ifuma mara kigheri kyesambwa kike shikya. ³³ Nyiho kavi mpeona shindo shi shose, mshenaye mmanye ke mneshikya kufui na moongo. ³⁴ Loi ngane vavienyi, Kishao ki kipeidapo, hadi shindo shose shive shimefunya. ³⁵ Ruveu na orika sipeida, kake shidedo shakwa shipeidapo ndarasi. ³⁶ Kake mfuri uja na saa ya koode mndu aishipo, hata malaika wa ruveu nama mwana, nyi papa amonyi. ³⁷ Chakundu kyekeri mfuri o nuhu, kudo kipeva icha ko mwana o Adamu. ³⁸ Mekoje ko mfuru iso kabla ya gharika vandu vakeri vekineja nenywa, vakeduwa na duwajwa hadi furuja isa Nuhu aleigya safinenyi. ³⁹ Na valemanya kundo kyokyose hadi gharika ikacha ikavairya vose. Kudo kipeva icha jake mwana o Adamu. ⁴⁰ Nyiho vandu vavi vapeva mdemenyi, umu apeirywa na umu apediwa. ⁴¹ Vaka vavi vapendesaga anduamu, umu apeirywa na umu apediwa. ⁴² Kweikyo, veenyi meso ko kitevi ke mwichi nyi mfuri njiki isa apeecha mndumi wanu. ⁴³ Kake mmanye ke, koja mndumi mwonyi o mmba emanya nyi saa inga mwivi apecha, elaapo na eidikija numbaake ingijwapo. ⁴⁴ Kweiko, kavi mwinarye mke tayari, mekoje mwana wa Adamu apecha, mekoje ko saa mlaiichi. ⁴⁵ Kudo nyungacho akeri mcha, mdumwa aode orango, Usa mndumi wake amninga. Uwitorya uye owaja vakeri mmbenya yake matika navaninge kando ko kigheri kija? ⁴⁶ Nyo mbora matumika cho, usa mndumi wake apemkya euta kuto kigheri apecha. ⁴⁷ Loi ngane mbienyi ke mndumi apendera uye kisa kikeri kyake. ⁴⁸ Kake koja mdumwa mnyamari apededa ngoonyi yake, mndumi akwa akelejwa. ⁴⁹ Kaivoka ivokava vatumika vake na kaja ne nangwa gwari. ⁵⁰ Mndumi o mdimwa icho apecha ko furi mlaichi nako saa mlaichi. ⁵¹ Mndumi wwake nyapemdumbwa shicherema shivi na imdera andwamu na java varenge, ipo kupeva na ifugha na isua maigho.