¹ Kitabu kya mbari ya Yesu Kristo mdana o Daudi, mdana o Ibrahimu. ² Ibrahimu nyelemfee Isaka, Isaka kamfee Yakobo, Yakobo kamfee Yuda na vwandwa vwo. ³ Yuda kamfee Peresi na Sera ko Tamari, Peresi kamfee Hezeroni, na Hezeroni kamfee Ramu. ⁴ Ramu kamfee Aminadabu, Aminadabu kamfee Nashoni, Nashoni kamfee Salimoni. ⁵ Salimoni kamfee Boazi ko Rahabu, Boazi kamfee Obedi ko Ruth, Obedi kamfee Yese. ⁶ Yese kamfee mangi Daudi. Daudi kamfee Sulemani ko uja mka o Uria. ⁷ Sulemani kamfee Rehoboamu, Rehoboamu kamfee Abiya, Abiya kamfee Asa. ⁸ Asa kamfee Yehoshafati, Yehoshafati kamfee Yoramu, Yoramu kamfee Uzia. ⁹ Uzia kamfee Yothamu, Yothamu kamfee Ahazi, Ahazi kamfee Hezekia. ¹⁰ Hezekia kamfee Manase, Manase kamfee Amoni, Amoni kamfee Yosia. ¹¹ Yosia kamfee Yekonia na vwandwavwo, kigheri kija kyesamira Babeli. ¹² Na baada ye samira Babeli, Yekonia kamfee Shatieli, Shatieli kamfee Zerubabeli. ¹³ Zerubabeli kamfee Abiudi, Abiudi kamfee Eliakimu, Eliakimu kamfee Azori. ¹⁴ Azori kamfee Zadoki, Zadoki kamfee Akimu, Akimu kamfee Eliudi. ¹⁵ Eliudi kamfee Elieza, Elieza kamfee Matani, Matani kamfee Yakobo. ¹⁶ Yakobo kamfee Yusufu miake Mariamu amfeye Yesu apelaghwa Kristo. ¹⁷ Kweikyo ushao wose fuma Ibrahimu ishikya Daudi nyi ushao ikumi na inya, na fuma ishikya uja o usamiro o Babeli nyi ushao ikumi na inya, ifuma uja usamiro o Babeli ishikya Kristo nyi ushao ikumi na inya. ¹⁸ Ionika ko Yesu Kristo kokeri kudi. Mariamu mae uja alikywa na Yusufu, nama vwala meshikyana ponyeleonwa nyashimbe ivwe ko oru lo moo mwele. ¹⁹ Yusufu nacho, miake, mekoje nyekeri mudu o loi, elevweuri namrase, nyeleona namde ko kirikarika. ²⁰ Akerikwava kudo lee lambwa, malaika o mndumi kamfumya madionyi, kaamba kee, Yusufu, mwanake o Daudi, Ulaogwe inuwirya. Mkaapo Mariamu, mekoje kipungo kyake nyi ko oru lo moo mwele. ²¹ Nacho nyapeona mwana, na igwe upemlagha rina ja Yesu, mekoje, icho mjicho apevwatavama vwandu vwake na sambi savwo. ²² Ishi shose shavwa, ili kishikye kidedo kija kidedwa na mndumi ko mkimbi kaamba ke. ²³ Lambwa, msalari apeshimba ivwe, nacho apefee mwana navwo vwapemlagha rina jakeImanuel, ke makilunga andwamu na ise. ²⁴ Nacho Yusufu etukwa madionyi, kauta chakundu malaika vwa mndumi vwelembia , kamwirya mkaake. ²⁵ Alammanye too andu alemfee mwanake kamlagha rina jake Yesu.