¹ Delu lahhoo iwawarahh Yesu ngina artlay Petro, ne Yakobo, ne Yohana hhiawos ne ngina artlay e gawatlomar tler inoin. ² Kuna warqesgerain wa ale. Gitsaa wos ina ohiyee adortse/ama, ne tlabaawos inaohiyee ador gwa/atema. ³ Aluwo disiye kinaitiit ne Musa ne Eliya ina axwesiye ne inos. ⁴ Petro Yesu ngunabay. Aako iqor aten tawa diri wa iwiwitan. Bar aslas /asler tam - ar wak a tog, ne wale asma Musa, ne arwak asma Eliya. ⁵ Qomar iwe axwesi tlafita/assh ngina tutuk ner mahhtumo ne alawo afoo nina bara tlafidadaa wetiil ikat kwi a na/ay eeoanislas o anislaatimis inos iainqasak. ⁶ Eharuse gasi kawa axastana gur-eer huuutana loowa daayut. ⁷ Aluwo Yesu inahardah ngina kwatit ngina bay. Tluwee madaayu mitaraa. ⁸ Inoin gitselee ngina tlesiyee gaw ala hee hatlaa ta arbikahh aqo Yesu kilos. ⁹ Qomar tawa awediti gawa tlomar Yesu ngina haraeyin inaoo titaandee maduxa raa ay dir. Na lay Adamu iwasle/e bara gwaararo. ¹⁰ Eharuse nguna yahos tanaoo amila gouse mastakahi Eliya ni alaki/ii? ¹¹ Yesu ngina mu/ewats inaoo aloo Eliya niki/ii umogaro ngina ki/is. ¹² Ala kunga tundun babaw Eliya naqoro ki/ii inoin ng'watsahhika. Ala moroo ng'wa itloehhitiyee akondaa inoin islaiya. Ne aqoidosir kilaa. Na/ay Adamu kur slehhemisi wa bara dabain. ¹³ An dir Eharuse kawatsax ar gidaba gariaxwesi adandoo Yohana Mbatizaji. ¹⁴ Tawa hardah dir bo/ay muw heeko wak nguna i hardah inagurungureti gerawos ne ngure bay. ¹⁵ Aako no/ayee gurtlawe asma i/araran ne i loowa slahhahhaa. Ki/imayarire ihuhuain bara asla ne bara maay. ¹⁶ Nguna huudir Eharuse rog ala nguna ale slay ika hhoesaro. ¹⁷ Yesu inamu/e wats inaoo kungaa xway lar haratli komaka ne araahhiturut? niiwawiti dinkwa ne kungaa e daqala? Tligitlantliman ne kungaa e daqata? huwang diri dir-ee. ¹⁸ Yesu nguna igahhat netlang'w iretiit. Garma kuna hhoes qomadar kilaa. ¹⁹ Aluwo Eharuse Yesu kuna haradaqay ner nago kuwa yahasi. Asma mila Musa harslaqatari gusaro? ²⁰ Yesu gina bay asma haratlintaor ninaw. Loema nun babaw bar haratlintao tam ar kondaa tlomar a alesleraa kawa beraa lohwa diri amorqaa kawe ne aqoin lot ne gar slitat i kahh dir kungae. ²¹ Ala netlamer idorti ititaka aqo nertiro ni tsegiging'w ²² Qomar tawa Galilaya rikahhi Yesu Eharuse nos ngina bay. Na/ay Adamu kuqas bara dabaa muw. ²³ Ne ngungasiya balo tame ni wesle/ee. Eharuse tana loowa gurhamut. ²⁴ Inoin tawa hardah Kapenaumu mukdaa kodir nusu Shekelir burumburim tana hardah e dir Petro kuna bay xay in tsahha tusumo hung kodir nusu ngibuunang? ²⁵ Inaoo e ala Petro iwadah bara doo. Yesu ina axwes ne Petro alaale maoo Gar taaldakut amila Simion? Wawitoo dandoo yamu kodi laqa ushuru dir nguna ilaohinaa a dir maa? Dir muk inee laqa dir dahaye. ²⁶ Ne Petro iwaoo dir dahaye; Yesu nguna bay idosiye muk daas wawtin kwa harges bara buuhihe. ²⁷ Ala aten mukdaa ushuru ohim muwa dahasana bara iringe tlaw bara tlaw indoano kwahhe ne kutatahh sakimodaa ne gera xay. Alu afa burakis shekilir wak a bara si eri Tatahee ne kaharis dir muk Ushuru ohim asma ani ne kung.