¹ Mafarisayo ne masadukayo Yesu nguna iar taaye slaqasai dori ngiwa lagan. ² Yesu ngina mu/ewats ngina bay gidaba abar tsindo yamu kiamohhoo asma dori kida/at. ³ Matlatlero yamu kiamohhoeka asma dori kida/at ne tlafo dori slemaro ngatuntukiyee. Axuaa wagwerara ala ixuaaka wagweraro layduu afeqoma. ⁴ Xway ahhiturut ne arfugi gar ilelehhit a laydu ala layar ta dir - ini harisi i kuhh ago todaa ar Yona. Yesu ngina gexay ire tlay. ⁵ Eharuse tana hardah e bartatsar ala mikate nga sagaqwaresiyee tatahhoaro. ⁶ Yesu ngina bay tideendee ne maga hhito toowatlehhak ne mamahhat Mafarisayo ne Masadukayo. ⁷ Eharuse tina kiloin yahamisiye tanaoo gar mikate ngisa tatahhanika amila? ⁸ Yesu gasi nginatsahh ire oo. Kungasi haratlintao ninau. Asmia mila masgurhandaa ne maskinilohung axwesaa akataa asma mikate ngiwa tatahhanika? ⁹ Xay tam hindi aga tsahhiika tam asleraake mikate daa koan muw kumme koan kikapu magaa kuw buruburidaa? ¹⁰ Laga mikate fangw dir muw kumme tsiyahh kikapu maga katatahee? ¹¹ Idor karatsahhiika aidola gidaba aning gar ni dirhungikah tawa dandoo mikate roka? Ti harmagahhee ne tideendee ne itsahhar Mafarisayo ne Masadukayo. ¹² Aluwo nginatsahhii garikahi agidaheka tiharmagahhee ne makater a mamahhut. Ala tiharmagahhiyee ne itsahhasar mafarisayo ne Masadukayo. ¹³ Qomar Yesu iwahardah yamu Kaisaria ar Filipi eharuse ngina yahas inaoo muu kawakahina/ay hee amaa?. ¹⁴ Tanaoo bahhaala takahi a Yohana kodaa batimamis bahha ala Eliya, ne bahaale Yeremia laqa a hee wah bara eharusero. ¹⁵ Ngina bay kungaa makataa aning a maa? ¹⁶ Bara mu/e watslo Simioni Petro ina oo kuung a Kristo na/ay Mungu kodaa slaf. ¹⁷ Yesu ina mu/aewats nguna bay ta tsuq kuu Simioni bar Yona asma tsere ne funay gari ngagehhoesiika ala a babooee o gawa dori, ¹⁸ Ani slema un babaw kuung a Petro nee gawa tla/aarihe kanisar-ee tam afkudoo gaii ngi balo harba/iiyaaka. ¹⁹ Kuung u ufunguor wa witiimar dori i haris. Me gartago tseg dando yamuwo katseg dariwo, ne gartaogwed gartagogwed dando yamuwo kangwergawa doriwo. ²⁰ Aluwo Yesu ngina nanaq eharuhe gidaba mingiwa oiyee dir hewo inos tawa Kristo. ²¹ Imir siwasiyee Yesu e heruse ngina bay iharini waq Yerusalemu kay kuwa slehheemisi ner moro yawii bara dabaa barise ne uruser Makuhani ne gouse kuwa gasi ne balo tam iwaslee/ee. ²² Alo Petro Yesu nguna arsuruk bihhii ne nguna bay. Gari tiharasawe see ne kung' Aako mindiwa baloo tiit dioge. ²³ Alaa Yesu inawargay ne nguna bay Petro qu/ti aluene ne slangw i kuung a baqamoo dir- ene asma uhhaslitka moroo Mungu ota hhaslit a muw. ²⁴ Aluwo Yesu eharuse ngina bay bar hee galangislaa ani i waehari i harin tiwa kilos sii msalabalos ngitatahhi ne iehari. ²⁵ Asma he hotawas ngislaa tu/uto nginqwares ne umohee hotawas nganqwares asma aning ngitu/uu. ²⁶ Xay slaslaw a gala ar hee i slay bar dandoo yamu slemero ng'wa slay ala hotawas ng'a qwares? Xay aga gala ar hee iduxi ar iwarqes ner hotawas? ²⁷ Asma Na/ay Adamu ni xay ner xirfoo Babawos ne malaika. Ne inos umoo hewa ngubuu ner tlehhmii wos. ²⁸ Loemawo nunbabaw bara kungaa kokaa diri wasihhimitaa ideyaa o tuima ngitsaqaaka ay dirna/ay Adamu ni xay nere wawitiimaros.