7 ^{1 2} 1.ಈ ಸಂಗತಿಲೈನಾ ಪೈನಾ ಯೇಸು ಗಲಿಲಾಯಂಲಾ ಸಂಚಾರಂಸೇಸ್ತಾವುಂಡೆ;ಯೆಹೂದ್ಯಾಲು ಆತುಡ್ನಿ ಸಂಪೆ ಪ್ರಯತ್ನಂಲಾ ಉಂಡ್ನಪ್ದು ಆತುಡ್ಗಿ ಯೂದಯಂಲಾ ಸಂಚಾರಂಸೆಸ ಮನಸ್ಸುನಡ್ಲೆ. 2.ಪರ್ನೈಸ್ಕೊಲ್ಲ ಪಂಡ್ಗ ಅನಾ ಯೆಹೂದ್ಯಲೋಕ್ಕಟಿ ^{3 4} 3.ಜಾತ್ರಾ ಮು ದೇಗ್ಗರೈನಪ್ಡು ಅತುಡ ತೊಮ್ಮಳು ಅತುಡ್ಗಿ ನುವ್ವ ಸೇಸಾ ಕರ್ಯಾಲ್ನಿ-ನೀ ಶಿಷ್ಯಾಲು ಸಹ ಸೂದಟ್ಲಾ ಇನ್ನಿಂಕ ಎಲ್ಲಿ ಯೂದಾಯನ್ಗಿ; 4.ಪ್ರಸಿದ್ದಿಗಿ ರಾವಾಲಂಕ್ಕುನ್ನ ಯಾವ್ವಡೈನಾ ತಾನು ಸೇಸಾದನ್ನಿ ಮರೆಲಾ ಸೇಸೆಲಾದುಕದ;ನುವ್ವ ಇಟ್ಟ ಕಾರ್ಯಾಲ್ನಿ ಸೇಸವಾಡೈನ್ನದಾನ್ನಿಂಕ ಲೋಕಾನ್ಗಿ ತಿಳಿಯಪಡ್ಬಿಚ್ಕೋ ಅನಿ ಸೋಪ್ನಾರು. ^{5 6 7} 5.ಯಂದ್ಗoಟ್ಟೆ ಆತುಡ ಸಹೋದರಲು ಸಹ ಆತುಡ್ನಿ ನಂಬೆಗುoಡ ಉಂಡಾರು. 6.ಯೇಸು ವಾಳ್ಗಿ-ನಾ ಸಮಯಾಮು ಇಂಕ ರಾಲೇದು;ಮೀ ಸಮಯಮು ಯಪ್ದೋ ಸಿದ್ದoಮೈoದ್ದಿ. 7.ಲೋಕಮು ಮಿಮ್ಮಲ್ನಿ ಹಗೆಸೇಸಲೆದು;ಆಯ್ತೆ ನೀನು ದಾನ್ನ ಕ್ರೀಯೇಲು ಸೆಡ್ಡವಿಅನಿ ಸಾಕ್ಷಿಸೊಪ್ಪೇದಾನ್ನಿಂಕ ನನ್ನಿ ಹಗೆ ಸೇಸ್ತಾದಿ. ^{8 9} 8.ಮೀಳೇ ಜಾತ್ರಾಗಿ ಪೊಂಡ್ಡಿ;ನಾ ಸಮಯಮು ಇಂಕ ಓದ್ಗೆಗುoಡ್ಡ ಉoಡೆದಾನ್ನಿಂಕ ನೀನು ಈ ಜಾತ್ರಾಗಿ ಇಪ್ದು ಪಾಯೇಲೆದು ಅನಿ ಸೋಪ್ನಾಡು. 9.ದೀನ್ನಿ ಸೊಪ್ಪಿ ಗಲಿಲಾಯಂಲಾನೇ ನಿಲ್ಚಾಡು. ^{10 11} 10.ಆಯ್ತೆ ಆತುಡ ಸಹೂದರ್ಲು ಜಾತ್ರಾಗಿ ಪೈನಂಕ ಆತುಡು ಸಹ ಪೈನಾಡು;ಜನಾಲ್ಗಿ ಕನ್ಬಿಚ್ಚಟ್ಲಾ ಪೋಗುಂಡ ಮರೆಆಯಿ ಪೈನಾಡು. 11.ಜಾತ್ರಾಲಾ ಯೆಹೂದ್ಯಾಲು-ವಾಡು ಯಾನ್ನುಂಡಾಡನಿ ಆತುಡ್ನಿ ಹುಡ್ಕತಾವುoಟಾರು. ^{12 13} 12.ಮಲಿ ಜನಾಲ ಗುಂಪುಲ್ಲ ಆತುಡು ವಿಷ್ಯಂಗ ನಿಂಡ ಗುಜುಗುಜು ಮಾಟ್ಲು ನಡ್ಸುತ್ತುoಡ್ಡ.ಕೆಲವ್ಳು-ಆತುಡು ಮಂಚ್ಚಿವಾಡು ಅನ್ನಾರು;ಇಂಕ ಕೆಲವ್ಳು-ಕಾದು,ಜನಾಲ್ನಿ ತಪ್ಪೈನ ಮಾರ್ಗಾನ್ಗಿ ಎಳುಸ್ತಾಡು ಅನ್ನಾರು. 13.ಆಯ್ನೂ ಯೆಹೂದ್ಯಾಲ ಭಯಂನ್ನಿಂಕ ಯವ್ಳು ಆತುಡ ವಿಷಯಂಲಾ ಧಾರಾಳoಗ ಮಾಟಾಡ್ಲೆದು. ^{14 15 16} 14.ಜಾತ್ರ ಮಧ್ಯಾಕಾಲಂಲಾ ಯೇಸು ದೇವಾಲಯ್ಗಿ ಪಾಯಿ ಬೋಧಿಸ್ತುoಟಾಡು. 15.ಯೆಹೂದ್ಯಲು ದಾನ್ಗೆ ಆಶ್ಚರ್ಯಂಪೊಡಿ-ವಿಧ್ಯಾಭ್ಯಾಸoಸೇಸುoಡ ಈತುಡ್ಗಿ ಶಾಸ್ತ್ರಾಲು ತಿಳ್ಸುoಡ ಯಟ್ಟ ಅನಿ ಸೋಪ್ತಾವುoಟಾರು. 16.ದಾನ್ಗೆ ಯೇಸು-ನೀನು ಸೊಪ್ಪೇ ಬೋಧನೆಯು ನಾದಿಕಾದು,ನನ್ನಿ ಅಂಪಿಚ್ಚಿನಾತುಡ್ದಿ. ^{17 18} 17.ಆತುಡ ಚಿತ್ತಂಮಟ್ಲಾ ನಡ್ಸೆದಾನ್ಗಿ ಯವ್ವಲ್ಗಿ ಮನಸ್ಸುoದೋ ವಾಳ್ಗಿ ಈ ಬೋಧಾನಾಮು ದೇವಿಡ್ನಿoಕ ವಚ್ಚಿಂದೋ ನೀನೆ ಕಲ್ಪಿಚ್ಚಿ ಸೊಪ್ಪುoದೋ ಗೊತ್ತೈಎದಿ. 18.ಕಲ್ಪಿಚ್ಚಿ ಸೊಪ್ಪೇವಾಡು ತಾನ್ಗಿ ಮಾನಂ ರಾವಾಲನಿ ಅಪೇಕ್ಷಿಸ್ತಾನು;ತನ್ನನ್ನಿ ಅಂಪಿಚ್ಚಿಚ್ನಾವಾಡ್ಗಿ ಮಾನo ಕಾವಾಲನಿ ಅಪೇಕ್ಷಿಚ್ಚೆವಾಡು ಸತ್ಯವಂತುಡು, ಆ ಧರ್ಮಮು ವಾಡ್ಲಾ ಲೇದು. ^{19 20} 19.ಮೋಶೆಯು ಮೀಕಿ ಧರ್ಮಾಶಾಸ್ತ್ರಂನ್ನಿ ಇಚ್ನಾನು ಮೀಲಾ ಇಕ್ಕಡೈನಾ ಧರ್ಮಶಾಸ್ತ್ರoಮಟ್ಟೇ ನಡ್ಸೆಲೇದುಕದ;ಯಂದ್ಗು ನನ್ನಿ ಸಂಪೆದಾನ್ಗಿ ಸೂಸ್ತಾರು?ಅನಿ ಸೋಪ್ನಾರು. 20.ದಾನ್ಗೆ ಆ ಜನಾಲು-ನೀಕಿ ದೈಮು ಪೊಟ್ಟಿoದ್ದಿ;ಯವ್ಳು ನಿನ್ನಿ ಸಂಪೆದಾನ್ಗಿ ಸೂಸ್ತಾರು?ಅನ್ನಾರು. ^{21 22} 21.ಯೇಸು ವಾಳ್ಗಿ-ಒಕ್ಟೆ ಕ್ರೀಯೇನ್ನಿ ಸೇಸ್ನಾನು;ದಾನ್ಗೆ ಮೀಳoದ್ರೂ ಬೇರಗೈನಾರು. 22.ಮೋಶೆಯು ಮೀಕಿ ಸುನ್ನತಿಅನಾ ಸಂಸ್ಕಾರoನ್ನಿ ನೇಮಿಚ್ನಾಡು.ಆದಿ ಮೋಶೆನ್ನಿಂಕ ವಚ್ಚಿಂದಿಅನಿ ನೀನು ಸೊಪ್ಪೇಲೇದು,ಮೂಲಪುರುಷಲಾ ಕಾಲoನ್ನಿಂಕ ವಚ್ಚಿoದ್ದಿ.ಮಲಿ ಆ ಸುನ್ನತಿನ್ನಿ ಸಬ್ಬತ್ ದಿನಂಲಾನು ಸೇಸ್ತಾರು. ^{23 24} 23.ಮೋಶೆಯ ನೆಮಂನ್ನಿ ಮೀರೆಗುಡ್ದುಅನಿ ಒಕ್ಕಡು ಸಬ್ಬತ್ ದಿನಂಲಾ ಸನ್ನತಿ ಸೇಬಿಚ್ಗಾನೆದೈತೆ ನೀನು ಸಬ್ಬತ್ ದಿನಂಲ ಒಕ್ಕ ಮನುಷ್ಯಾಡು ಸಂಪೂರ್ಣoಗ ಸ್ವಸ್ಥo ಸೇಸೆದಾನ್ಗಿ ನಾ ಪೈನ ಕೋಪಂ ಗಂಟಾರು? 24.ಕಂಡ್ಲಿಗಿ ಸೂಪುಂಟ್ಟೆ ಪೈನಾ ತೀರ್ಪು ಸೇಯ್ಯದoಡ್ಡಿ;ನ್ಯಾಯಂಮೈನಾ ತೀರ್ಪುಸೇಯ್ಯoಡ್ಡಿ ಅನಿ ಸೋಪ್ನಾಡು. ^{25 26 27} 25.ಯೆರುಸಲೆoಲಾ ಕೆಲವ್ಳು-ಊಡ್ನಿಕಾದೋ 26.ವಾಳು ಸಂಪಾಲನ್ಕುನ್ನವಾಳು?ಸೂಡಾoಡ್ಡಿ,ಊಡು ಧಾರಾಳoಗ ಮಟಾಡ್ತಾಡು,ವಾಳು ವಾಡ್ಗಿ ಏಮು ಸೊಪ್ಪೇಲೇದು.ಹಿರೀಸಭೆವಾಳು ಊಡೆ ವಚ್ಚಕಾಪೈನಾ ಕ್ರೀಸ್ತುಡನೀ ನಿಶ್ಚಯಂ ಸೇಸ್ಗಾನ್ನಾಡೆಮೋ?ಆಯ್ನೂ ಊಡು ಯಾನೋಡನೀ ಗೊತ್ಳೆದು; 27.ಕ್ರೇಸ್ತುಡು ವಚ್ಚಪ್ದು ವಾಡು ಯಾನೋಡೋ ಒಕ್ಕಲ್ಗು ತಿಳ್ಚೆಲೇದನಿ ಮಾಟಾಡ್ಗoಟಉಂಟಾರು. ^{28 29} 28.ಯೆಸು ದೀನ್ನಿ ತಿಳ್ಚಿ ದೇವಾಲಯoಲಾ ಉಪದೇಶಂ ಸೆಸಪ್ದು-ನನ್ನಿ ಗೊತ್ತುoಡು,ನೀನು ಯಾನೋಡನೀ ತಿಳ್ಚಾರು ನಿಜಮೆ,ಆಯ್ನೂ ನೀನು ನಾಂತ್ಗಿ ವಚ್ನೋಡುಕಾದು,ನನ್ನಿ ಅಂಪಿಚ್ಚಿಚ್ನಾತುಡು ನಿಜoಮೈನಾವಾಡು;ಮೀಳು ನನ್ನಿ ಅರಿಸ್ನಾವಾಳುಕಾದು. 29.ನೀನು ಆತುಡ್ನಿ ತಿಲುಸ್ನಾನು;ಆತುಡ ಕಡ್ನಿoಕ ವಚ್ಚಿನೋಡೈನಾದಾನ್ನಿoಕಾನು ನನ್ನಿ ಆತುಡೆ ಅಂಪಿಚ್ನದ್ಗು ಆತುಡ್ನಿ ಗೊತ್ತುoಡಾಡನೀ ಕೂಸಿ ಸೋಪ್ನಾಡು. ^{30 31 32} 30.ದೀನ್ಗೈಯ್ಯಿ ಆತುಡ್ನಿ ಪೊಟ್ಟೆದಾನ್ಗಿ ಸೂಸ್ತಾವುoಟಾರು;ಆಯ್ತೆ ಆತುಡ ಕಾಲಂ ಇಂಕ ರಾಗುಂಡ ಉಂಡ್ನಾಕಾರಣಂ ಯಾವ್ಳು ಆತುಡ ಪೈನಾ ಸೈ ಎಯ್ಯಿಲೇದು. 31.ಜನಾಲ್ಲ ಅನೇಕುಲು ಆತುಡ್ನಿ ನಂಬಿ-ಕ್ರೀಸ್ತುಡು ವಚ್ನಾಪ್ದು ಈತುಡು ಸೇಸ್ನಾದಾನ್ಗಿoತ ಹೆಚ್ಚು ಸೂಚಕಕಾರ್ಯಾಲ್ನಿ ಸೇಸ್ತಾಡೋ ಅನಿ ಸೋಪ್ನಾರು. 32.ಜನಾಲು ಆತುಡ ವಿಷಯಂಗ ಗುಜುಗುಜು ಆಡ್ನಾ ಮಾಟಲ್ನಿ ಫರಿಸಾಯಲು ಅಡ್ಗಲು ಮಹಾಯಾಜಕುಲು ಫರಿಸಾಯಲು ಆತುಡ್ನಿ ಪೊಟ್ಟೆದಾನ್ಗಿ ಓಲೇಕಾರಡ್ನೀ ಅಂಪಿಚ್ನಾರು. ^{33 34} 33.ಅಪ್ಡು ಯೇಸು-ಇಂಕ ಕೊಂಚಂಕಾಲಂ ನೀನು ಮೀಲಾ ಉಂಡಿ ಆಮಂಕ ನನ್ನಿ ಅಂಪಿಚ್ಚಿನಾತುಡ ದೇಗ್ಗರ್ಗಿ ಎಲ್ಲಿ ಪಾತಾನು. 34.ಮೀಳು ನನ್ನಿ ಹುಡುಕ್ತಾರು,ಆಯ್ತೆ ನನ್ನಿ ಕನ್ಗಾಗುoಡ ಪಾತಾರು,ನಾನು ಇಂತವರ್ಗು ಮೀಳು ವಚ್ಚೆಲೇದು ಅನ್ನಾಡು. ^{35 36} 35.ದಾನ್ಗಿ ಯೆಹೂದ್ಯಾಲು-ಊಡು ಮಾಕಿ ಸಿಕ್ನಾಟ್ಟ ಯಾನ್ಗಿ ಪೋವಾಲನ್ಕುನ್ನಾರೋ?ಗ್ರೀಕಲೋಗ ಚದರ್ಗಾನುoಡ ಮಾವಳ ದೇಗ್ಗರ್ಗಿ ಪಾಯಿ ಆ ಗ್ರೀಕಲ್ಗಿ ಉಪದೇಶಂ ಸೇಸ್ಗಾವಾಲನ್ಕಾನಾಡೋ? 36.ನನ್ನಿ ಹುಡುಕ್ತಾರು,ಆಯ್ತೆ ನನ್ನಿ ಕನ್ಗಾಗುoಡ ಪಾತಾರು,ನೀನು ಇಂತವರ್ಗು ಮೀಳು ವಚ್ಚೆಲೇದು ಅನಿ ವಾಡು ಸೋಪ್ನಾ ಮಾಟ ಎಮುoಡ್ನೋ?ಅನ್ನೈ ವಾಳ್ವಾಳೋಗಾನೆ ಮಾಟಾಡ್ಗನ್ನಾರು. ^{37 38} 37.ಆ ಜಾತ್ರoನ ಮಹಾದಿವಸಂಮೈನಾ ಕೊನೆ ದಿನಂಲಾ ಯೇಸು ನಿಲ್ಚಗಾನಿ-ಯವ್ವಡಿಗೈನಾನು ನೂಳಡಿಕೆ ಆಯಿoಟೆ ವಾಡು ನಾ ದೇಗ್ಗರ್ಗಿ ವಚ್ಚಿ ತಾಗ್ನೀ. 38.ನನ್ನಿ ನಂಬ್ನಾವಾಡ ಪೊಟ್ಲೊಗ ಶಾಸ್ತ್ರಂಲಾ ಸೋಪ್ನಾ ಪ್ರಕಾರಂ ಜೀವಕರಂಮೈನಾ ನೂಳ್ನಾ ಎಟ್ಲು ಹರುಸ್ನಾವಿ ಅನಿ ಕೂಸಿ ಸೋಪ್ನಾಡು. ³⁹ 39.ದೀನ್ನಿ ಯೇಸು ತನ್ನನ್ನಿ ನಂಬ್ನಾವಾಳು ಹೊಂದ್ದುoಡ ಪವಿತ್ರಾತ್ಮವರಂನ್ನಿ ಕುರ್ಚಿ ಸೋಪ್ನಾಡು;ಆತುಡು ಇಂಕ ತನ್ನ ಮಹಿಮೆಯ ಪದವಿನ್ನಿ ಹೋದೆಗುಂಡ ಉಂಡ್ನಾಕಾರಣಂ ಪವಿತ್ರಾತ್ಮವರಮು ಇಂಕ ರಾಲೇದು. ^{40 41 42} 40.ಜನಾಲ್ಲ ಕೆಲವ್ಳು ಆ ಮಾಟಾಲ್ನಿ ಇನಿ-ನಿಜಂಗ ಈತುಡು ವಚ್ಚಕಾಪೈನಾ ಪ್ರವಾದಿ ಅನ್ನಾರು; 41.ಮಲಿ ಕೆಲವ್ಳು-ಈತುಡು ವಚ್ಚ ಕಾಪೈನಾ ಕ್ರೀಸ್ತುಡು ಅನ್ನಾರು. 42.ಇಂಕ ಕೆಅವ್ಳು-ಕ್ರೀಸ್ತುಡು ಗಲಿಲಾಯಂನ್ನಿಂಕ ವಚ್ಚೇದಿ ಯಟ್ಟ?ದಾವಿದುಡ ಸಂತಾನಂನ್ನಿಂಕಾನು ದಾವೀದುಡು ಉಂಡ್ನಾ ಬೇತ್ಲಹೆಂಅನಾ ಗ್ರಾಮಂನ್ನಿಂಕಾನು ಕ್ರೀಸ್ತುಡು ವಸ್ತಾಡು ಅನ್ನೈ ಶಾಸ್ತ್ರಂಲಾ ಉಂದಿಕಾದೇ ಅನಿ ಸೋಪ್ನಾರು. ^{43 44} 43.ಇಟ್ಟೆ ಜನಾಲ್ಲ ಈತುಡ್ನೀ ಕುರ್ಚಿ ಭೆದಂ =ಉಂಟಾಯ. 44.ವಾಲ್ಳ ಕೆಲವ್ಳು ಆತುಡ್ನಿ ಪೊಟ್ಟಲನ್ಕುನ್ನಾನು ಒಕ್ಕಳು ಆತುಡ ಪೈನಾ ಸೈ ಎಯ್ಯಿಲೇದು. ^{45 46} 45.ಬಳಿಕo ಓಲೆಕಾರ್ಲು ಮಹಾಯಾಜಕುಲ ಮಲಿ ಫರಿಸಾಯರ್ಲಾ ಬಳಿಕಂ ವಚ್ನಾಪ್ದು ಊಳು-ಮೀಳು ಯಂದ್ಗು ಆತುಡ್ನಿ ಪೊಟ್ತಿಸ್ಗಾರಾಲೇ?ಅನಿ ವಾಲ್ನಿ ಅಡ್ಗಿoದಾನ್ಗು ಆ ಓಲೆಕಾರಲು- 46.ಈ ಮನುಷ್ಯಾಡು ಮಾಟಾಡೆ ರೀತಿಲ್ಲ ಯವ್ಳು ಇನಿ ಮಾಟಾಡ್ಲೆ ಅನಿ ಉತ್ತರಂಇಚ್ನಾರು. ^{47 48 49} 47.ದಾನ್ಗೆ ಫರಿಸಾಯಲು-ಮೀಳು ಮರುಲೈಯ್ಯೇರು? 48.ಹೀರಿ ಸಭೆವಾಳಕಾನಿ ಫರಿಸಾಯರ್ಲಾಕಾನಿ ಯವ್ವಲೈನಾ ವಾಡ್ನಿ ನಂಬ್ನಾರೋ? 49.ಧರ್ಮಶಾಸ್ತ್ರನ್ನಿ ಅರುಸ್ನಾವಾಳ್ನಿಂಕ ಈ ಹಿಂಡುಶಾಪಂಗ್ರಸ್ತಮೈಯ್ಯೇದೇ ಅನ್ನಾರು. ^{50 51 52} 50.ಮುಂದ್ರ ಯೇಸುವಿನ ದೇಗ್ಗರ್ಗಿ ವಚ್ಚುoಡ ನಿಕೋದೇಮುಡು ವಾಲ್ಳ ಒಕ್ಕಡೈನಾಡು; 51.ವಾಡು ವಾಳ್ಗಿ-ಮಾ ಧರ್ಮಶಾಸ್ತ್ರಮು ಮೊದ್ಲು ಒಕ್ಕಡ್ನಿ ವಿಚಾರಿಚ್ಚಿ ವಾಡು ಸೆಸದೇಮoಟ್ಟೆ ತಿಳ್ಚಾಗಾಗುoಟ್ಟೆ ವಾಡ ವಿಷಯಂಗ ತೀರ್ಪು ಸೇಸಾದುoಟೋ? 52.ಅನಿ ಸೊಪ್ಪಿoದಾನ್ಗು ವಾಳು-ನುವ್ವ ಗಲಿಲಾಯಂಮಾಡೋ?ಗಲಿಲಾಯಂಲಾ ಪ್ರವಾದಿ ಪುಟ್ಟೇಲೇದೆ ಲೇದು.ವಿಚಾರಿಚ್ಚಿ ಸೂಡಿ ಅನ್ನಾರು. ⁵³ 53.ಅಂದ್ರೂ ವಾಳ್ವಾಳಿoಟ್ಗಿ ಪೈನಾರು.