6 ^{1 2 3} 1.ತರುವಾತಂ ಯೇಸು ಗಲಿಲಾಯಂನ ಸಮುದ್ರಂನ ಆತರ್ಗಿ ಪೈನಾಡು;ಅಂದ್ಗೆ ತಿಬೇರಿಯಂನ ಸಮುದ್ರಂ ಅನಿನು ಸೋಪ್ತಾರು. 2.ನಿoಡ ಜನಾಲ ಗುಂಪುರೋಗಿಲ ಆತುಡು ನಡ್ಪನ ಸೂಚಕ ಕಾರ್ಯಾಲ್ನಿ ಸೂಸಿಂದಾನ್ನಿಂಕ ಆತುಡ ಯನ್ಕ ಪಾತುಂಡ್ಯಾ. 3.ಆಯ್ತೆ ಯೇಸು ಕೊಂಡಎಕ್ಕಿ ಆನ ತನ್ನ ಶಿಷ್ಯಾಲ ಸಂಗಡಂ ಕೋಚ್ಗನ್ನಾಡು. ^{4 5 6} 4.ಆ ಕಾಲಂಲಾ ಯೆಹೂದ್ಯ್ಲ ಪಸ್ಕ ಪಂಡ್ಗದೇಗ್ಗರಾಯ. 5.ಇಟ್ಟುoಡಗ ಯೇಸು ಕಂಡ್ಲೆತ್ತಿ ಸೂಸ್ನಪ್ದು ನಿಂಡ ಜನಲ ಗುಂಪು ತನ್ನ ದೇಗ್ಗಾರ್ಗಿ ವಚ್ಚೆದಾನ್ನಿ ಸೂಸಿ-ಊಳ ಊಟನ್ಗಿ ಮಾಮು ಯಾನ್ನಿಂಕ ರೊಟ್ಟ ತಿಸ್ಗವತ್ತಾಮು?ಅನಿ ಫಿಲಿಪ್ಪಡ್ನೀ ಅಡ್ಗನ್ನಾಡು. 6.ತಾನು ಸೇಯ್ಯಿಕಾಪಾಯ್ಯೇದಾನ್ನಿ ತಾನ್ಗಿ ತಿಸ್ಲು ವಾಡ್ನಿ ಪರೀಕ್ಷಿಚ್ಚೆದಂಗಿ ಈ ಮಾಟ್ನೀ ಸೋಪ್ನಡು. ^{7 8 9} 7.ಅಂದ್ಗೆ ಫಿಲಿಪ್ಪಡು-ಇಂಕೋಕ್ಕಳ್ಗಿ ಕೊಂಚಂಕೊಂಚಂ ಸಿಕ್ಬೇಕೈತೆ ಇನ್ನೂರು ದುಡ್ಲಾ ರೊಟ್ಟೈನುವೆ ಸಾಲು ಅನ್ನಡು. 8.ಅಪ್ಡು ಶಿಷ್ಯಲಾ ಒಕ್ಕಡೈನಾ ಸೀಮೊನ್ ಪೇತ್ರುಡ ತೊಮ್ಮುಡೈನಾ ಅಂದ್ರೆಯಡು ಆತುಡ್ಗಿ- 9.ಈನುಂಡಒಕ್ಕ ಪಿಲ್ಗಡ ದೇಗ್ಗರ್ಲಾ ಐದು ಜವೆಗೋದುಮುಲ ರೊಟ್ಲಾ ರೊಂಡು ಸ್ಯಾಪ್ಲು ಉಂಡವಿ;ಆಯ್ತೆ ಇಂತ ಜನಲ್ಗಿ ಅವಿ ಯೆಮಟ್ಟಿಗೈಯ್ಯೇ? ^{10 11 12} 10.ಅನಿ ಸೋಪ್ಪಲೈ ಯೇಸು-ಆ ಜನಾಲ್ನಿ ಊಟನ್ಗಿ ಕೂಚ್ಪೆಟ್ನಾರು ಅನ್ನಾಡು.ಆ ಸ್ಥಳಂಲಾ ನಿಂಡ ಕಸುಪೆರ್ಗುoಡೈ;ಜನಾಲು ಕುಚ್ಗಾನ್ನಾರು.ಮೊಗೋಳು ಸಂಖ್ಯಾ ಹೆಚ್ಚುಕಡ್ಮಿ ಐದು ಸಾವಿರಲುಉಂಡ್ಯಾ. 11.ತರುವಾತಂ ಯೇಸು ಆ ರೊಟ್ಟಲ್ನಿ ತಿಸ್ಗಾನಿ ದೇವುಡ ಸ್ತೋತ್ರoಸೇಸಿ ಕುಚ್ಗಉಂಡವಾಳ್ಗಿ ಪಂಚಿ ಇಚ್ನಾಡು;ದಾನಂತೆ ಸ್ಯಾಪುಲ್ಲ ವಾಳ್ಗಿ ಬೆಕೈನoತ ಪಂಚಿಇಚ್ನಾಡು. 12.ವಾಳ್ಗಿ ತೃಪ್ತಿಆಯ್ನ ಯೇಸು ತನ್ನ ಶಿಷ್ಯಲ್ಗಿ-ಮಿಕ್ನತುಂಡುಲ್ನಿ ಕೂದ್ಪಂಡ್ಡಿ;ದೀಂಟ್ಲಾ ಯಾವ್ದು ವ್ಯರ್ಥಂಕಾಗುನ್ನ ಅನಿ ಸೋಪ್ನಾಡು. ^{13 14 15} 13.ವಾಳು ಕೂಡ್ಪುoಡಗ ಆ ಐದು ಜವೆಗೊದುಂಲಾ ರೊಟ್ಲಾ ಜನಲು ತಿನೀ ಮಿಕ್ನತುಂಡಲೀನಿ ಪನ್ನೆಂಡು ಪುಟ್ಟಿ ನಿಂಡಿನಾವಿ. 14.ಆತುಡು ಸೇಸ್ನಾ ಈ ಸೂಚಕಕಾರ್ಯಂನ್ನಿ ಆ ಜನಲು ಸೂಸಿ-ಲೋಕಾಂನ್ಗಿ ವಚ್ಚಕಾಪೈನ ಪ್ರವಾದಿ ಈತುಡೆ ನಿಜo ಅನಿ ಸೋಪ್ಗನ್ನಾಡು. 15.ಅಪ್ಡು ಯೇಸು-ವಾಳು ವಚ್ಚಿ ತನ್ನನು ಪೊಟ್ಗಾನಿಪಾಯಿ ಅರುಸುಡೈ ಸೇಯ್ಯಲನಿ ಯೋಚನೆಲಾ ಉಂಡಾಲನಿ ತಿಳ್ಸಗಾನಿ ತಿರ್ಗಿ ತಾನೋಕ್ಕಡೆ ಒಂಟಿಗಡೈಯ್ಯಿ ಕೊಂಡ್ಗಿ ಪಾಯುಡ್ಸಾತಾಡು. ^{16 17 18} 16.ಮಾವ್ಸಾರಿ ಆಯ್ನಪ್ದು ಶಿಷ್ಯಾಲು ಸಮುದ್ರನ್ಗಿ ದಿಗಿ ದೋಕಪೆರ್ನೌಮ ಕಡ್ಗಿ ಎಲ್ನಾಳು. 17.ಅಪ್ದೆ ಸೀಗುಟೈoಡೆಮಲಿ ಯೇಸು ವಾಳ ದೇಗ್ಗರ್ಗಿ ಇಂಕ ರಸುಂಡ್ಲೆ. 18.ಇದಿಕಾಗುನ್ನನೆ ಬಿರುಗಾಲಿ ಇಸ್ರೇದಾನ್ನಿಂಕ ಸಮುದ್ರಂಮು ಅಲ್ಲಕೊಲ್ಲೋಲoಆಯ್ದೇ. ^{19 20 21} 19.ಇಟ್ಟುoಡಗ ವಾಳು ಪುಟ್ಟುಎಸ್ತಾ ಹೆಚ್ಚುಕಡ್ಮಿ ಒಕ್ಕ ಹರದಾವ ದೂರಂಪೈನ ದೇಗ್ಗರ್ಲಾ ಯೇಸು ಸಮುದ್ರಂನ ಪೈನ ನಡುಸ್ತಾ ದೋಣಿಯು ಸಮೀಪನ್ಗಿ ವಚ್ಚೆದಾನ್ನಿ ಸೂಸಿ ದಡುಸ್ನಾರು. 20.ಆಯ್ತೆ ಆತುಡು-ಅಂಜದಂಡ್ಡಿ,ನೀನೆ,ಅನ್ನಾಡು. ^{22 23} 21.ಅಪ್ಡು ಆತುಡ್ನಿ ದೋಣಿಲೋಗ ಕರಗೊಳ್ಳೆದಾನ್ಗಿ ಮನಸ್ಸುಸೇಸ್ನಾರು;ಮಲಿ ಆ ಕ್ಷಣಮೆ ಆ ದೋಣಿಯು ವಾಳು ಪೋವಾಲಂಕುನ್ನ ಭೂಮಿಗಿ ಮುಟ್ಟೆ. 22.ಮರುದಿವಸಂ ಸಮುದ್ರಂ ಆತ್ಲಾಕಡಲಾ ನಿಲ್ಚಗಉಂಡ ಜನಲು ಯೇಸುನ್ನಿ ಹುಡುಕ್ತಾವುಂಡ್ರಿ;ಈನಾ ಒಕ್ಕೆ ಹಾಡ್ಗು ಉಂಡ ಹೊರ್ತು ಬೇರೆ ದೋಣಿಯು ಉಂಡ್ಲೇದನಿ ಶಿಷ್ಯಾಲು ಮಾತ್ರ ಎಲ್ಲಿ ಪಾಯ್ನದಿಕಾಗುನ್ನಾನೆ ಯೇಸು ತನ್ನ ಶಿಷ್ಯಾಲ ಸಂಗಡಂ ಆ ಹಡಗುನ್ನಿ ಎಕ್ಲೇದನಿ ವಾಳ್ಗಿ ತಿಳ್ಸುoಡೆ. 23.ಆಯ್ತೆ ಇಂತಿಟ್ಲೋಗ ಬೇರೆ ದೋಣಿಲು ತಿಬೇರಿಯನ್ನಿಂಕ ಎಲ್ಲಿ ಸ್ವಾಮಿಯು ಸ್ತೋತ್ರoಸೇಸಿ ಜನಾಲ್ಗಿ ರೊಟ್ಟ ಊಟoಸೇಬಿಚ್ನಾ ಸ್ಥಳoನ ಸಮೀಪನ್ಗಿ ವಚ್ನಾಮು. ^{24 25} 24.ಇಟ್ಟುಂಡಗ ಯೇಸು ಈನ ಲೇದು,ಆತುಡ ಶಿಷ್ಯಾಲು ಲೇದು ಅನಿ ಆ ಜನಲು ಸೂಸಿ ತಾವೇ ಆ ಸಿನ್ನ ದೋಣಿಲ್ನಿ ಎಕ್ಕಿ ಯೇಸುನ್ನಿ ಹುಡ್ಕತಾ ಕಪೆರ್ನೌಮಿಗಿ ವಚ್ನಾರು. 25.ಮಲಿ ಸಮುದ್ರoನ ಆಟ್ಲಕಡಲಾ ಆತುಡ್ನಿ ಕನ್ಗಾನ್ನಿ-ಗುರುವೇ,ಯಪ್ದು ಈನ್ಗಿ ಬರೋಣoಆಯಾ?ಅನಿ ಅಡ್ಗಿoದಾನ್ಗು,ಯೇಸು ^{26 27} 26.ಯೇಸು ವಾಳ್ಗಿ-ಮೀಕಿ ನಿಜನಿಜಂಗ ಸೋಪ್ತಾನು,ಮೀಳು ನನ್ನಿ ಹುಡ್ಕೆದಿ ಸೂಚಕಕಾರ್ಯಾಲ್ನಿ ಸೂಸಿನ್ದಾನ್ನಿಂಕಕಾದು,ಆ ರೊಟ್ಟತಿನಿ ಪೊಟ್ಟ ನಿಮ್ಪಿಚ್ಗನ್ನದಾನ್ನಿನ್ಕಾನೆ. 27.ದುಡoಡ್ಡಿ;ಸೇಡಿಪಾಯ ಆಹಾರನ್ಗಿಆಯಿ ದುಡದoಡ್ಡಿ,ನಿತ್ಯಜೀಮನ್ಗಿ ಉಳ್ಸೆ ಆಹಾರನ್ಗಿ ಆಯಿ ದುಡoಡ್ಡಿ;ಇಟ್ಟ ಆಹಾರಂನ್ನಿ ಮನುಷ್ಯಕುಮಾರುಡು ಮೀಕಿ ಇಸ್ತಾಡು;ದೀನ್ಗೈಯ್ಯಿ ತಂಡ್ರಿಆಯ್ನಾ ದೇವುಡು ಆತುಡ್ನಿ ನೆಮಿಚ್ಚಿ ಮುದ್ರೆಎಸ್ನಾಡು ಅನ್ನಾಡು. ^{28 29} 28.ವಾಳು-ದೇವುಡ್ಗಿ ಮೆಚ್ಚಿಕೆ ಆಯ್ನಾ ಕೆಲಸಾಲ್ನಿ ಮಾಮು ನಡ್ಪಬೆಕೈತೆ ಎಮು ಸೇಯ್ಯಲನಿ ಆತುಡ್ನಿ ಅಡ್ಗಿoದಾನ್ಗಿ 29.ಯೇಸು-ದೇವುಡು ಮೆಚ್ಚೆ ಕೆಲ್ಸಂ ಯವುದಂಟ್ಟೆ ಆತುಡು ಅಂಪಿಚ್ಚಿಚ್ಚಾತುಡ್ನಿ ಮೀಳು ನಂಬೆಗುಂಡ ಅನ್ನಾಡು. ^{30 31} 30.ವಾಳು ಆತುಡ್ನಿ-ಅಟೈತೆ ಮಾಮು ಸೂಸಿ ನೀ ಮಾಟ್ನಿ ನoಬೆಟ್ಲಾ ಎಮು ಸೂಚಕಕಾರ್ಯಂಸೇಸ್ತಾವು? 31.ಮಾ ಹಿರಿಲು ಅಡವಿಲಾ ಮನ್ನಾ ತಿನ್ನರು;ಪರಲೋಕಂನ್ನಿಂಕ ರೊಟ್ಟನ್ನಿ ವಾಳ್ಗಿ ತಿನ್ನೇದಾನ್ಗಿ ಇಚ್ನಾಡು ಅನಿ ಶಾಸ್ತ್ರಂಲ ರಾಸಿಂದಿಕದ,ನುವ್ವ ಎಮು ಕೆಲ್ಸಂ ನಡುಪ್ತಾವು? ^{32 33 34} 32.ಅನಿ ಅಡ್ಗಿನ್ನಪ್ದು ಯೇಸು ವಾಳ್ಗಿ-ಮೀಕಿ ನಿಜನಿಜಂಗ ಸೋಪ್ತಾನು,ಮೊಶೆಯು ಮೀಕಿ ಪರಲೋಕoನ್ನಿಂಕ ರೊಟ್ಟ ಇಚ್ನಾಡುಕದ;ನಾ ತಂಡ್ರಿಯು ಪರಲೋಕಂನ್ನಿಂಕ ವಚ್ಚೆ ನಿಜoಮೈನ ರೊಟ್ಟನ್ನಿ ಮೀಕಿ ಇಸ್ತಾಡು. 33.ದೇವುಡು ಎಚ್ಚೆ ಆ ರೊಟ್ಟ ಯಾವುದoಟ್ಟೆ ಪರಲೋಕಂನ್ನಿಂಕ ದಿಗಿ ವಚ್ಚಿ ಲೋಕಾನ್ಗಿಜೀಮಿನ್ನಿ ಉಂಟುಸೆಸಟ್ಟದೇ ಅನಿ ಸೋಪ್ನಾಡು. 34.ಅಪ್ಡು ವಾರು-ಸ್ವಾಮೀ,ಆ ರೊಟ್ತನ್ನಿ ಮೀಕಿ ಯಪ್ದೂ ಎಯ್ಯಿ ಅನಲು ಯೇಸು ವಾಳ್ಗಿ-ಜೀಮು ಇಚ್ಛೆ ರೊಟ್ಟ ನಾನೇ; ^{35 36 37} 35.ನಾ ದೇಗ್ಗರ್ಗಿ ವಚ್ಚೆವಾಡ್ಗಿ ಯಪ್ಪಡ್ಗು ಆಕಲಾಯೇಲೇದು,ನನ್ನಿ ನಂಬೆವಾಡ್ಗಿ ಯಪ್ದು ನೂಳಡಿಕೆ ಆಯೇಲೆದು. 36.ಆಯ್ತೆ ಮೀಳು ನನ್ನಿ ಸೂಸ್ನಾನು ನoಬೆಗುಂಡ ಉಂಡಾರು ಅನಿ ಮೀಕಿ ಸೋಪ್ನಾನುಕದ. 37.ತಂಡ್ರಿಯು ನಾಕಿ ಇಚ್ಚೆವಾಳಟ್ಟೋಳoದೃ ನಾ ದೇಗ್ಗರ್ಗಿ ವಸ್ತಾರು;ಮಲಿ ನಾ ದೇಗ್ಗರ್ಗಿ ವಚ್ಚೆವಾಡ್ನಿ ನೀನು ತಳ್ಳಿ ಉಡ್ಸೆದೇ ಲೇದು. ^{38 39 40} 38.ನಾ ಚಿತ್ತಂಮಟ್ಟೆ ನಡ್ಸೆಕಾಯೇಲೇದು ನೀನು ರಾಲೇದು,ನನ್ನಿ ಅಂಪಿಚ್ಚಿಚ್ನಾತುಡ ಚಿತ್ತಂನೆ ನೆರವೆರ್ಬಿಚ್ಚೆದಂಗಿ ಪರಲೋಕಂನ್ನಿಂಕ ವಚಾನು.ನನ್ನಿ ಅಂಪಿಚ್ಚಿನಾತುಡ ಚಿತ್ತಮು ಎಮಂಟ್ಟೆ 39.ಆತುಡು ನಾಕಿ ಇಚ್ಚಿನೋಲ್ಲ ಒಕ್ಕಡ್ನಿ ನಾನು ಕಡೆಗೊಡ್ಬಿಚ್ಗುoಡ ವಾಡ್ನಿ ಕಡೆದಿನoಲಾ ಲೆಪಿಚ್ಚಾಲನದೇ.ಕೊಡ್ಕುನ್ನಿ ಸೂಸಿ ಆತುಡ್ನಿ ನಂಬೆ ಪ್ರತಿಯೋಕ್ಕಡ್ಗು ನಿತ್ಯ ಜೀಮು ಸಿಕ್ಕಲನದೆ 40.ನಾ ತಂಡ್ರಿಯು ಚಿತ್ತಂಆನದಿ;ಮಲಿ ನೀನು ಕಡೆದಿನಂಲಾ ವಾಡ್ನಿ ಲೆಪಿಚ್ನಾನು ಅನಿ ಸೋಪ್ನಾಡು. ^{41 42} 41.ಆತುಡು-ಪರಲೋಕಂನ್ನಿಂಕ ದಿಗಿ ವಾಚ್ನ ರೊಟ್ಟ ನಾನೇ ಅನಿ ಸೋಪ್ಪಿನಂದ್ಗು ಯೆಹೂದ್ಯಲು ಆತುಡ ವಿಷ್ಯಂಗ ಗುಣಗುಟ್ಟಿ-ಊಳು ಯೋಸೆಫುಡ ಕೊಡ್ಕುಆಯ್ನಾ ಯೇಸು ಕಾದೆ. 42.ಊಡ ತಂಡ್ರಿತಲ್ಲಿಲ್ನಿಮಾಮು ತಿಳ್ಚುನಾಮು.ಇಪ್ದು ಊಡು ಪರಲೋಕಂನ್ನಿಂಕ ದಿಗಿವಚ್ಚಿoದೇಮಂಟ್ಟೆ ಸೋಪ್ಪೇದಿ ಯಟ್ಟ?ಅನ್ನಾರು. ^{43 44 45} 43.ಅಂದ್ಗೆ ಯೇಸೂ ವಾಳ್ಗಿ-ಮೀ ಮಿಲೋಗಾನೆ ಗುಣುಗುಟ್ಟದಂಡ್ಡಿ. 44.ನನ್ನಿ ಅಂಪಿಚ್ಚಿಚ್ಚಟ್ಲಾ ತಂಡ್ರಿಯು ಎಲ್ಸನಾ ಹೊರ್ತು ಯವ್ವಡು ನಾ ದೇಗ್ಗರ್ಗಿ ವಚ್ಚೆಲೇದು;ಮಲಿ ನೀನು ವಾಡ್ನಿ ಕಡೆದಿನಂಲಾ ಲೆಪಿಸ್ತಾನು. 45.ವಾಳoದ್ರೂ ದೇವುಡ್ನಿಂಕ ಶಿಕ್ಷಿತಲೈಟಾರೂ ಅನಿ ಪ್ರವಾದಿಲ ಗ್ರಂಥಂಲಾ ರಾಸುಂದಿ;ತಂಡ್ರಿನ್ನಿಂಕ ಇನಿ ನೆರ್ಸ್ನಾವಾಳoದ್ರೂ ನಾ ದೇಗ್ಗರ್ಗಿ ವಸ್ತಾರು. ^{46 47} 46.ಯಾವ್ವಡೈನಾನು ತಂಡ್ರಿನ್ನಿ ಸೂಸ್ನಾಡನೀ ತಿಳದಂಡ್ಡಿ;ದೇವುಡ ದೇಗ್ಗರ್ನಿಂಕ ವಚ್ಚ್ನೋಡೋಕ್ಕಡೆ ತಂಡ್ರಿನ್ನಿ ಸೂಸ್ನಾಡು. 47.ನಂಬುoಡವಾಡು ನಿತ್ಯಜೀನ್ನಿ ಹೋದ್ನಾಡನಿ ಮೀಕಿ ನಿಜನಿಜಂಗ ಸೋಪ್ತಾನು. ^{48 49} 48.ಜೀಮಿಚ್ಚೆ ರೊಟ್ಟ ನಾನೇ. 49.ಮಾ ಹಿರಿಲು ಅಡವಿಲಾ ಮನ್ನಾಂ ತಿನ್ನಳು ಸಚ್ಚಿ ಪೈನಾರು; ^{50 51} 50.ಪರಲೋಕಂನ್ನಿಂಕ ದಿಗಿವಚ್ಚೆ ರೊಟ್ಟ ಎಟ್ಟದಂಟ್ಟೆ ದಾನ್ನಿ ತಿನ್ನವಾಡು ಸಚ್ಚೆಲೇದು. 51.ಪರಲೋಕಂನ್ನಿಂಕ ದಿಗಿವಚ್ಚೆ ಜೀಮುಳ್ಳ ರೊಟ್ಟನಾನೇ;ಈ ರೊಟ್ಟನ್ನಿ ಯಾವ್ವಡೈನಾನು ತಿಂಟೆ ವಾಡು ಸದಕಾಲo ಬದುಕ್ತಾಡು.ಮಲಿ ನೀನು ಇಚ್ಚೆ ರೊಟ್ಟ ನಾ ಮಾಂಸಮೆ;ದಾನ್ನಿ ಲೋಕಂನ ಜೀಮ್ಗೋಸ್ಕರಂಇಸ್ತಾನು ಅನಿ ಸೋಪ್ನಾಡು. ^{52 53} 52.ಅಪ್ಡು ಯೆಹೂದ್ಯಲು-ಊಡು ತನ್ನ ಮಾಮ್ಸಂನಿ ಮಾಕಿ ಯಟ್ಟ ತಿನೆದಾನ್ಗಿ ಇಚ್ಚಾಡು ಅನಿ ವಾಳ್ವಾಳೋಗಾನೆ ವಾಗ್ವಾದಂ ಸೇಸ್ತುoಡಗ 53.ಯೇಸು ವಾಳ್ಗಿ -ಮೀಕಿ ನಿಜನಿಜಂಗ ಸೋಪ್ತಾನು,ಮೀಳು ಮನುಷ್ಯಕುಮಾರುಡ ತುಂನ್ಕನ್ನಿ ವಾಡ ರಕ್ತಂನ್ನಿ ತಾಗೆಗುಂಡ ಪಾತೆ ಮಿಲೋಗ ಜೀಮುಲೇದು; ^{54 55 56} 54.ನಾ ತುನ್ಕನ್ನಿ ತಿನಿ ನಾ ರಕ್ತಂನ್ನಿ ತಾಗೇವಾಡು ನಿತ್ಯಜೀಮುನಿ ಹೊಂದ್ನಾಡು;ಮಲಿ ನೀನು ವಾಡ್ನಿ ಕೊನೆದಿನಂಲಾ ಲೆಪಿಸ್ತಾನು. 55.ಯಂದ್ಗoಟ್ಟೆ ನಾ ತುನ್ಕೆ ನಿಜಮೈನ ಆಹಾರಂ, 56.ನಾ ರಕ್ತಂಮೇ ನಿಜಮೈನ ಪಾನಂ;ನಾ ತುನ್ಕುನ್ನಿ ತಿನಿ ನಾ ರಕ್ತಂನ್ನಿ ತಾಗೆವಾಡು ನಾಲಾ ಉಂಟಾಡು;ನೀನು ವಾಡ್ಲಾ ಉಂಟಾನು. ^{57 58 59} 57.ಜೀಮು ಸ್ವಾರೂಪುಡೈನಾ ತಂಡ್ರಿಯು ನನ್ನಿ ಅಂಪಿಚ್ಚಿಚ್ಚಲಾಗ ನೀನು ತಂಡ್ರಿನ್ನಿಂಕ ಜೀವಿಸ್ತಾನು;ದಾನಟ್ಟೆ ನನ್ನನ್ನು ತಿನೆವಾಡುನನ್ನಿಂಕ ಜೀವಿಸ್ತಾಡು. 58.ಪರಲೋಕಂನ್ನಿಂಕ ದಿಗಿವಚ್ಚ್ನಾ ರೊಟ್ಟ ಇದೆ.ಮೀ ಹಿರಿಲು ಮನ್ನಾ ತಿನಿನಾನು ಸಚ್ಚರು;ಇದಿ ಅಟ್ಟಕಾದು;ಈ ರೊಟ್ಟನ್ನಿ ತಿನೆವಾಡು ಸದಾಕಾಲo ಜೀವಿಸ್ತಾಡು ಅನಿ ಸೋಪ್ನಾಡು. 59.ಕಪೆರ್ನೌಮಿನ ಸಭಾಮಂದಿರಂಲಾ ಉಪದೇಶಂ ಸೇಸಪ್ದು ದೀನ್ನಿ ಸೋಪ್ನಾಡು. ^{60 61} 60.ಆತುಡ ಶಿಷ್ಯಾಲಾ ಅನೆಕುಲು ದೀನ್ನಿ ಇನಿ-ಇದಿ ಕಠಿಣoಆಯ್ನಾ ಮಾಟ,ದೀನ್ನಿ ಯವ್ಳು ಇನ್ಟಾರು? ಅನ್ಗಾನ್ನಾರು. 61.ಯೇಸು ತನ್ನ ಶಿಷ್ಯಲು ದೀನ್ಗೆ ಗುಣುಗುಟ್ತಾಳನಿ ತನ್ಲಾ ತಿಳ್ಚಗನಿ ವಾಳ್ಗಿ-ಈ ಮಾಟ್ನಿಂಕ ಮೀಕಿ ಬೇಜಾರ್ಯ್ನೋ? ^{62 63} 62.ಅಟೈತೆ ಮನುಷ್ಯಕುಮಾರುಡು ತಾನು ಮೊದ್ಲು ಉನ್ನದೇಗ್ಗರ್ಗೆ ಏರಿಪಾಯೇದಾನ್ನಿ ಮೀಳು ಸೂಸ್ತೆ ಎಮಂಟಾರು? 63.ಬದುಕ್ಕಿಚ್ಚ ಅಟ್ಟದಿ ಆತ್ಮಮೇ;ತುನ್ಕ ಯಾವ್ದಾನ್ಗು ವಚ್ಚೆಲೇದು.ನಾನು ಮೀಕಿ ಸೋಪ್ಪುಂಡ ಮಾಟ್ಲೇ ಆತ್ಮಮಾಯಿಯು ಜೀಮೈಯ್ಯಿಯು ಉಂಡಾವಿ. ^{64 65} 64ಆಯ್ತೆ ಮೀಲಾ ಕೆಲವ್ಳು ನಂಬೆವಾಳೈನಾಳು ಅನ್ನಾಡು.ನಂಬೆವಾಳು ಇಟ್ಟವಾಳು,ತನ್ನನ್ನಿ ಪೊಟ್ಟಿಚ್ಚೆವಾಡು ಇಟ್ಟವಾಡೆ ಅನೇದಿ ಯೇಸುಗಿ ಮೊದಲ್ನಿಂಕಾನೆ ಗೊತ್ತುoಡೆ. 65.ಮಲಿ ಆತುಡು-ತಂಡ್ರಿಯ ಅನುಗ್ರಹಂಲೆಗುನ್ನಾನೆ ಯವ್ಳು ನಾ ದೇಗ್ಗರ್ಗಿ ವಚ್ಚೆಲಾರಲು ಅನೆದಾನ್ನಿ ನಾನು ಮೀಕಿ ದಾನ್ನ ದೆಸೆನಿಂಕಾನೆ ಅನ್ನಾಡು. ^{66 67 68 69} 66.ಅನ್ನಿಂಕ ಆತುಡ ಶಿಷ್ಯಲಾ ಅನೆಕಲು ಯನ್ಕೀಜರುಸ್ರೀ ಆತುಡ ಕೂಡ ಸಂಚಾರಂ ಸೇಸೆದಾನ್ನಿ ಉಡ್ಸನಾರು. 67.ಯೇಸು ದೀನ್ನಿ ಸೂಸಿ ತನ್ನ ಪನ್ನೆಂಡು ಮಂದಿನ್ನಿ-ಮೀಳು ಸಹ ಪೋವ್ವಾಲಂಕುನ್ನಾರು?ಅನಿ ಅಡ್ಗಿoದಾನ್ಗು ಸೀಮೊನ್ ಪೇತ್ರುಡು -ಸ್ವಾಮಿ , 68.ನಿನ್ನಿ ಉಡ್ಸಿ ಮಾಮು ಇನ್ಕವ್ಲ ದೇಗ್ಗರ್ಗಿ ಪೋದ್ಮು?ಅನಿ ನೀಲಾ ನಿತ್ಯಾಜೀಮ್ನಿ ಉಂಟುಸೆಸ ವಾಕ್ಯಲುಂಟು; 69.ನುವ್ವ ದೇವುಡು ಪ್ರತಿಷ್ಟಿಚ್ನಾವಾಡೆ ಅನಿ ಮಾಮು ನಂಬ್ನಾನು ಮಲಿ ತಿಳುಸ್ನಾಮುಅನ್ನಾಡು. ^{70 71} 70.ದಾನ್ಗೆ ಯೇಸು-ಪನ್ನೆಂಡು ಮಂದಿಆಯ್ನಾ ಮಿಮ್ಮಲ್ನಿ ನೀನು ಆರ್ಪಿ ತಿಸ್ಗನ್ನಾನುಕದೇ?ಮಿಲಾನುವೆ ಒಕ್ಕಡು ಸೈತಾನುಡ ಕೊಡ್ಕುಆಯ್ನಾಡು ಆನ್ನಾಡು. 71.ಈ ಮಾಟ್ನಿಂಕ ಆತುಡು ಸೀಮೋನುಡ ಕೊಡ್ಕುಆಯ್ನಾ ಇಸ್ಕರಿಯೋತ ಯೂದಡ್ನಿ ಸೂಚಿಚ್ನಾಡು.ಊಡು ಆ ಪನ್ನೇoಡ್ಡು ಮಂದಿಲಾ ಒಕ್ಕಡೈoಡ ಮುಂದ್ರ ಆತುಡ್ನಿ ಪೊಟ್ಟಿಚ್ಚವಾಡೈನಾಡು.