4 ¹ ಯೇಸು ಯೋಹಾನುಡ್ಗಿoತ್ತ ಶಿಷ್ಯಾಲ್ನಿ ಸೇಸ್ಗಾನ್ನಿ ವಾಳ್ಗಿ ದೀಕ್ಷಾಸ್ನಾನಮ್ನ್ನಿ ಸೇಬಿಸ್ತಾಡನೀ ಸುದ್ದಿನಿ ಫರಿಸಾಯಲು ಇನ್ನಾಳನಿ ^{2 3} ಕರ್ತುಡ್ಗಿ ತಿಳ್ಚನಪ್ಡು ಆತುಡು ಯೂದಾಯಂನ್ನಿ ಉಡ್ಸಿ ಗಲಿಲಾಯನ್ಗಿ ತಿರ್ಗಿ ಪೈನಾಡು.(ಅಯ್ನೂ ಸ್ನಾನಂ ಸೇಬಿಸ್ತುಂಟಾಡು ಯೇಸುಕಾದು;ಅತುಡ ಶಿಷ್ಯಲೇ ಸೇಬಿಸ್ತಉಂಟಾರು. ⁴ ಆತುಡು ಸಮಾರ್ಯಸೀಮೆನ್ನಿ ಹಾರ್ಪಿ ಪಾಕವ್ವಾಲ .ಪಾಯೇನಪ್ಡು ಸಮಾರ್ಯಸೀಮೆಗಿ ಸೇರ್ನಾ ಸುಖಲನ ಊರ್ಗಿ ವಚ್ನಾಡು. ⁵ ಆದಿ ಯಾಕೋಬುಡ ತನ್ನ ಕೊಡ್ಕೈನ ಯೋಸೆಫಾಡ್ಗಿ ಇಚ್ನಾ ಭೂಮಿಯ ದೇಗ್ಗರುoಡೆ;ಆನ ಯಾಕೋಬುಡು ತಿಬಿಚ್ನಾ ಬಾವಿಉಂಡೆ. ⁶ ಯೇಸು ದಾವ್ ನಡ್ಸನ್ನ ದಣಿಯು ಆ ಬಾವಿಯ ದೇಗ್ಗರ ಅಟ್ಟೆ ಕೋಚ್ಗನ್ನಾಡು;ಹೆಚ್ಚು ಕಡ್ಮಿ ಮಧ್ಯಾಹ್ನoಆಯ್ದೇ. ^{7 8} ಆತುಡ ಶಿಷ್ಯಲು ಊಟನ್ಗಿ ಕುಚ್ಚನೆದಾನ್ಗಿ ಊರ್ಲೋಗ ಪೈಯ್ಯುoಡಗ ಸಮಾರ್ಯದೈನ ಒಕ್ಕ ಆಡದಿ ಸೇರೆದಂಗಿ ವಚ್ಚಿಂದಿ.ಯೇಸು ದಾನ್ನಿ ತಾಗೆದಾನ್ಗಿ ಇಯ್ಯಿ ಅನಿ ಅಡ್ಗಿoದ್ದಿ. ⁹ ಯೆಹೂದ್ಯಲ್ಗಿ ಸಮಾರ್ಯಂಮೊಲ್ಗಿ ಬಳಕೆಲೆಗುಂಡಗ ಆ ಸಮಾರ್ಯಂದ್ದಿ ಆತುಡ್ಗಿ-ಯೆಹೂದ್ಯಡೈನಾ ನುವ್ವ ಸಮಾರ್ಯಮದೈನ ನನ್ನಿ ನೂಳು ಬೇಡೆದಿ ಯಟ್ಟ ಅನಿ ಸೋಪ್ಪಿoದ್ದಿ. ¹⁰ ದಾನ್ಗೆ ಯೇಸು-ದೇವುಡು ಇಚ್ಛೆದೇಮನೆದಾನ್ನಿ ತಾಗೆದಾನ್ಗಿ ನೂಳು ಇಯ್ಯಿ ಅನಿ ನೀಕಿ ಸೋಪ್ನಾವಾಡು ಯಾವ್ದುಅನಿ ನೀಕಿ ತಿಳ್ಸೆ ನುವ್ವ ವಾಡ್ನಿ ಬೇಡ್ಗಂತಾರು.ವಾಡು ನೀಕಿ ಜೀವಕರಂಮೈನ್ನ ನೂಳ್ನ್ನಿ ಇಸ್ತಾವುoಟಾಡು ಅನ್ನಾಡು. ¹¹ ಆ ಆಡದಿ ಆತುಡ್ಗಿ-ಅಯ್ಯ,ಸೇದೇದಾನ್ಗಿ ನೀಲಾ ಎಮು ಲೇದು,ಬಾವಿ ಆಳoಗ ಉಂದಿ;ಇಟ್ಟುoಡಗ ಆ ಜೀವಕರಂಮೈನ ನೂಳು ನೀಕಿ ಯಾನ್ನಿಂಕ ವಚ್ಚೆ? ¹² ಮಾ ಹಿರೀವಾಡೈನ ಯಾಕೊಬುಡ್ಗಿoತ ನುವ್ವ ಪೆದ್ದೋಡೊ?ವಾಡೆ ಈ ಬಾವಿನ್ನಿ ಮಾಕಿ ಇಚ್ನಾವಾಡು;ವಾಡು ವಾಡ ಬಿಡ್ಲು ವಾಡ ಸಾಕ್ನಾಡುಕಾದ ಸಹಿತoಗ ಇದೆ ಬಾವಿಯ ನೂಳು ತಾಗ್ನಾನು ಅನ್ನಲು ಯೇಸು ದಾನ್ಗಿ- ¹³ ಈ ನೂಲ್ನಿ ತಾಗೆವಾಲಂದ್ರೂಗು ತಿರ್ಗಿ ನೀಳಡಿಕೆ ಆಯ್ತಾದಿ;ನಾನು ಇಚ್ಛೆ ನೂಳ್ನಿ ತಾಗೆವಾಡ್ಗಿ ಎನ್ಗಿಗು ನೂಳಡಿಕೆ ಆಯಾಲೇ; ¹⁴ ನೀನು ವಾಡ್ಗಿ ಇಚ್ಛೆ ನೂಳು ವಾಡ್ಲಾ ಉಕ್ಕೆ ಒರತೆ ಆಯ್ಡಿ ನಿತ್ಯ ಜೀಮ್ನಿ ಉಂಟುಸೇಸ್ತಾಡು ಅನಿ ಸೋಪ್ನಾಡು. ¹⁵ ಆ ಆಡ್ಡಿ-ಅಯ್ಯ,ನಾಕಿ ಆ ನೂಳ್ನೀ ಇಯ್ಯಿ;ಇಸ್ತೇ ಇಂಕ ಪೈನಾ ನಾಕಿ ನೂಳಡಿಕೆಆಯೆಲೇದು;ನೂಳು ಸೆದೆದಾನ್ಗಿ ಇಂತದೂರಂ ವಚ್ಚ ಕಾಪೈಯ್ಯೇದಿ ಉಂಡೆಲೇದು ಅನ್ನಲು ಯೇಸು ದಾನ್ಗಿ- ¹⁶ ಪಾಯಿ ನೀ ಮೊಗಡ್ನೀ ಈನ್ಗಿ ಪಿಲ್ಚಗನಿ ರಾ ಅನಿ ಸೋಪ್ನಾಡು. ¹⁷ ದಾನ್ಗಿ ಆ ಅಡ್ದಿ-ನಾಕಿ ಮೊಗಡು ಲೇದು ಅಂಟಾದಿ.ಯೇಸು ದಾನ್ಗಿ-ನಾಕಿ ಮೊಗಡುಲೇದನಿ ನುವ್ವ ಸೋಪ್ಪಿಂದಿ ಸರಿಆಯ್ನ ಮಾಟ; ¹⁸ ಕಿ ಐದುಮಂದಿ ಮೊಗಡುಲು ಉಂಡಾರು,ಇಪ್ದು ಉಂಡೆವಾಡು ನೀಕಿ ಮೊಗಡುಕಾದು ನುವ್ವ ಸೋಪ್ಪಿಂದಿ ನಿಜಾಂಮೈನ ಸoಗತಿ ಅನ್ನಾಡು. ¹⁹ ಆ ಆಡ್ಡಿ ಆತುಡ್ಗಿ-ಅಯ್ಯ,ನುವ್ವ ಪ್ರವಾದಿ ಅನಿ ನಾಕಿ ಕನ್ಬಿಸ್ತಾದಿ. ²⁰ ಮಾ ಹಿರಿವಾಳು ಈ ಕೊಂಡ್ಲಾ ದೇವುಡಆರಾಧನೆ ಸೇಸ್ತಾವುoಡಾರು;ಆಯ್ತೆ ಮೀಳು ಆರಾಧನೆ ಸೇಸತಕ್ಕ ಸ್ಥಳoಮು ಯೆರುಸಲೆಮ್ನ ಉಂಡದಿ ಅಂಟಾರು. ²¹ ಅನಿ ಸೋಪ್ನಪ್ದು ಯೇಸು ದಾನ್ಗಿ-ಅಮ್ಮಾ,ನೀನು ಸೊಪ್ಪೇ ಮಾತ್ನಿ ನಂಬು ಒಕ್ಕ ಕಾಲಂ ವಸ್ತಾದಿ,ಆ ಕಾಲಂಲಾ ಮೀಳು ತಂಡ್ರಿನ್ನಿ ಆರಾದಿಚ್ಚಾಲಂಟೆ ಈ ಕೊಂಡ್ಲಾ ಪ[ಆಯೆಳೆದು,ಯೆರುಸಲೆಮ್ಗು ಪಾಯೇಲೆದು. ²² .ರಾಕಾಪೈನ ರಕ್ಷಣೆಯು ಯೆಹೂದ್ಯಲೊಗನ್ನಿಂಕ ವಸ್ತಾದಂತೆ.ದಾನ್ನಿಂಕ ಮಾಮು ಅರ್ಸುoಡದಾನ್ನಿ ಆರಾಧಿಚ್ಚವಾಳೈನಾಮು;ಮೀಳು ಅರಿಗುoಡ ಉಂಡೆದಾನ್ನಿ ಆರಾಧಿಸ್ತಾರು. ²³ ಅದುನ್ನಿ;ಸತ್ಯಂಭಾವಂನ್ನಿಂಕ ದೇವಾರಾಧನೆ ಸೇಸೆವಾಳು ಆತ್ಮೀಯ ರೀತಿಲಾ ಸತ್ಯನ್ಗಿ ತಕ್ಕಟ್ಲಾ ತಂಡ್ರಿನ್ನಿ ಆರಾಧಿಚ್ಚೆಕಾಲಂ ವಸ್ತಾದಿ;ಅದಿ ಇಪ್ಡೆ ವಚ್ಚಿಂದಿ;ತಂಡ್ರಿಯು ತನ್ನನ್ನು ಆರಾಧಿಚ್ಚೆವಾಳು ಇಟ್ಟವಾಳೆ ಆಯುಂಡಾಲಅನಿ ಅಪೇಕ್ಷಿಸ್ತಾನುಕದಾ. ²⁴ ದೇವುಡು ಆತ್ಮಂಸ್ವಾರೂಪುಡು;ಆತುಡ್ನಿ ಆರಾಧಿಚ್ಚೆವಾಳು ಆತ್ಮೀಯ ರೀತಿಲಾ ಸತ್ಯಾನ್ಗಿತಕ್ಕಟ್ಲಾ ಆರಾಧಿಚ್ಚಾಲ ಅನ್ನಾಡು. ²⁵ ಆ ಆಡ್ಡಿ ಆತುಡ್ಗಿ-ಮೆಸ್ಸಿಯಡು ಅಂಟೆ ಕ್ರೀಸ್ತುಡು ವಸ್ತಾಡನೀ ತಿಳ್ಸನಾನು ;ಆತುಡು ವಾಚ್ನಪೈನ ²⁶ ಮಾಕಿ ಅಂತ ತಿಲ್ಬಿಸ್ತಾಡು ಅನಿ ಸೋಪ್ಪಾಲು ಯೇಸು ದಾನ್ಗಿ-ನೀ ಸಂಗಡಂ ಮಾಟಡ್ತಾವುನ್ನ ನೀನೆ ಆ ಮೆಸ್ಸಿಯಡು ಅನಿ ಸೋಪ್ನಾಡು. ²⁷ ಅಂತಿಟ್ಲಾಲೊಗ ಆತುಡ ಶಿಷ್ಯಾಲು ವಚ್ಚಿ ಆತುಡು ಒಕ್ಕ ಆಡ್ದಾನ್ ಜೊತ್ಲಾ ಮಾಟಡ್ತಾವುoಡದಾನ್ನಿ ಸೂಸಿ ಆಶ್ಚರ್ಯoಪೋಡ್ನಾರು.ಅಯ್ನಾನು-ನೀಕಿ ಏಮಿ ಕಾವಾಲ?ದಾನ್ ಸಂಗಡಂ ಎಂದ್ಗೂ ಮಾಟಡ್ತಾವು?ಅನಿ ಒಕ್ಕಳು ಅಡ್ಗಲೇದು. ²⁸ ಅಪ್ಡು ಆ ಅಡ್ದಿ ತನ್ನ ಕೋಡಂನ್ನಿ ಆನೆಉಡ್ಸಿ ಊರ್ಲೋಕಿ ಪಾಯಿ ಜನಾಲ್ಗಿ- ²⁹ ಆನ ಒಕ್ಕಡುoಡಾಡು ಈನ್ಗoಟ್ಟ ಸೇಸ್ನಾದಂತ ನಾಕಿ ಸೋಪ್ನಾಡು;ವಚ್ಚಿ ವಾಡ್ನಿ ಸೂಡoಡ್ಡಿ;ವಚ್ಚ ತಕ್ಕ ಕ್ರೀಸ್ತುಡುವಾಡೆ ಎಮೋ ಅನಿ ಸೋಪ್ಪಾಲು ³⁰ ಆತುಡ ದೇಗ್ಗರ್ಗಿ ವಚ್ಚೆದಾನ್ಗಿ ಊರ್ಲೋಗನ್ನಿಂಕ ಎಲ್ತಾಳು. ³¹ ಅಂತಿಟ್ಲಾ ಶಿಷ್ಯಾಲು-ಗುರುವೇ,ಊಟoಸೇಯ್ಯಿ ಅನಿ ಆತುಡ್ನಿ ಬೇಡ್ಗಂತಾರು. ³² ಆಯ್ತೆ ಆತುಡು ವಾಳ್ಗಿ-ಮೀಕಿ ತಿಲಿಗುಂಡಟ್ಲಾ ಆಹಾರಂಮು ನಾಕುಂದಿ ಅನಿ ಸೋಪ್ಪಾಲು ಶಿಷ್ಯಾಲು ³³ ಆತುಡ್ಗಿ ಯವ್ವಲೈನ ಊಟನ್ಗಿ ತಿಸಿಸ್ನಾರು ಎಮೋ ಅನಿ ತಮ್ಮತಮ್ಮಲೊಗ ಮಾಟಡ್ಗಂನಾರು. ³⁴ ಯೇಸು ವಾಳ್ಗಿ-ನನ್ನಿ ಅಂಪಿಚ್ಚಿಚ್ನಾತುಡ ಚಿತ್ತಂಮಟ್ಟೇಸೇಸಿ ಆತುಡ ಕೆಲ್ಸoನ್ನಿ ಪೂರೈಚ್ಚೆದೇ ನಾ ಆಹಾರಂಮು. ³⁵ ಇಂಕ ನಾಲ್ಗು ನೆಲಾಲ್ಗಿ ಸುಗ್ಗಿ ವಸ್ತಾದನೀ ಮೀಳು ಸೋಪ್ಪೇದಂತ್ತೆ.ಮೀ ಕಂಡ್ಲೆತ್ತಿ ಸೆಂಡ್ಲ್ನಿ ಸೂಡoಡ್ಡಿ ಅವಿ ತೆಲ್ಲಾರಿ ಕೊಯ್ಯಿಲಿಗಿ ವಸ್ತಾವನಿ ಮೀಕಿ ಸೋಪ್ತಾನು ³⁶ ಕೊಸೆವಾಡ್ಗಿ ಇಪ್ಡೆ ಕೂಲಿ ದೊರಸ್ತಾದಿ;ವಾಡು ನಿತ್ಯಜೀವನ್ಗಿ ಫಲಂನ್ನಿ ಕೂಡಿಸ್ತಾಡು;ಇಟ್ಟೆ ಬಿತ್ತೆವಾಡ್ಗು ಕೊಸೆವಾಡ್ಗು ಕೂಡ ಸಂತೋಷಂ ಆಯ್ತಾದಿ. ^{37 38} 37.ಬಿತ್ತೆವಾಡೋಕ್ಕಡು,ಕೊಸೆವಾಡೋಕ್ಕಡು ಅನಗಾದೆ ಯಟ್ಟೆಆಯಾ. 38.ಮೀಳು ಕಷ್ಟoಸೇಗುನ್ನಟ್ಲಾ ಬೆಳೆನ್ನಿ ಕೊಸೆದಾನ್ಗಿ ನಾನು ಮಿಮ್ಮಲ್ನಿ ಅಂಪಿಚ್ಚಿಚ್ನಾನು;ಬೇರೊಕ್ಕಳು ಕಷ್ಟoಸೇಸ್ನಾರು;ಮೀಳು ನಡುವೆ ವಾಳ ಕಷ್ಟಂಲಾ ಸೇರ್ನಾಳು ಅನಿ ಸೋಪ್ನಾಡು. ^{39 40} 39.ನೀನು ಸೇಸಿಂದoತ ಆತುಡು ನಾಕಿ ಸೋಪ್ನಾಡನೀ ಸಾಕ್ಷಿ ಇಸ್ತಾವುಂಡಆ ಅಡದಾನ್ನ ಮಾಟಪೈನ ಆ ಊರ್ನಾ ಸಮಾರ್ಯಂಮೊಳ ಅನೆಕಲು ಆತುಡ್ನಿ ನಂಬೆವಲೈನಾಲು. 40.ದಾನ್ನಿಂಕ ಆ ಸಮರ್ಯಾಲು ಆತುಡ ದೇಗ್ಗರ್ಗಿ ವಚ್ಚಿ-ನುವ್ವ ಮಾಲಾ ಉಂಡಲನಿ ಆತುಡ್ನಿ ಬೇಡ್ಗನ್ನಾಲು ಆತುಡು ರೊಂಡು ದಿನಂ ವಾಳಾನೆ ಉಂಡಾಡು. ^{41 42} 41.ಹೆಚ್ಚು ಜನಾಲು ವಾಕ್ಯಮ್ನಿ ಇನಿ ನಂಬಿ ಆ 42.ಅಡದಾನ್ಗಿ-ಮಾಮು ಆತುಡ್ನಿ ನಂಬುoಡ ಇಂಕ ನೀ ಮಾಟ್ಪೈನಾ ಕಾದು;ಮಾಮು ಸೇವ್ವಾರೆ ಇನಿ ಈತುಡು ಲೋಕಂ ರಕ್ಷಕುಡೆ ಹೌನನಿ ತಿಳ್ಚಗನ್ನಾಮು ಅನಿ ಸೋಪ್ನಾರು. ^{43 44 45} 43.ರೊಂಡು ದಿವಸಲೈನಪೈನ ಆತುಡು ಆನ್ನಿಂಕ ಎಲ್ಲಿ ಗಲಿಲಾಯಾನ್ಗಿ ಪೈನಾಡು. 44.ಯಂದ್ಗoಟ್ಟೆ ಪ್ರವಾದಿಗಿ ಸ್ವದೆಶಮ್ಲಾ ಮರ್ಯಾದೆಲೇದನಿ ಯೇಸು ತಾನೇ ಸೋಪ್ನಾಡು. 45.ಗಲಿಲಾಯಂಮೋಳು ತಾವೂ ಯೆರುಸಲೆಮ್ನಾ ಜಾತ್ರಗಿ ಪಾಯಿ ಆತುಡು ಆನಾ ಸೇಸ್ನಾದಂತ ಸೂಸಿಂದಾನ್ನಿಂಕ ಆತುಡು ಗಲಿಲಾಯನ್ಗಿ ವಚ್ನಾಪ್ದು ಆತುಡ್ನಿ ಆದರಂನ್ನಿಂಕ ಅನ್ಗೀಕರಿಚ್ನಾರು. ^{46 47} 46.ಇಟ್ಟುoಡಗ ಯೇಸು,ತಾನು ನೂಳ್ನಿ ದ್ರಾಕ್ಷಾರಸಂಮೈ ಸೇಸ್ನಾ ಗಲಿಲಾಯಂನ್ನ ಕಾನಾ ಊರ್ಗಿ ಮಲೊಕ್ಕ ವಚ್ನಾಡು.ಆನುಂಡನಪ್ಡು ಅರ್ಮನಲಾ ಓಕ್ಕ ಪ್ರಧಾನುಡ ಕೊಡ್ಕು ಕಪರ್ನೌಮ್ಲಾ ಅಸ್ವಸ್ಥಲೈನಾಡು. 47.ಯೇಸು ಯೂದಾಯಂನ್ನಿಂಕ ಗಲಿಲಾಯನ್ಗಿ ವಚ್ನಾ ಸುದ್ದಿನಿ ಆ ಪ್ರಧಾನುಡುಅಡ್ಗಿನಪ್ದು ತನ್ನ ಕೊಡ್ಕು ಸಚ್ಚಟ್ಲಾವುಂಡದಾನ್ನಿಂಕ ಯೇಸುನ ದೇಗ್ಗರ್ಗಿ ಪಾಯಿ-ನುವ್ವ ದಿಗಿ ವಚ್ಚಿ ನಾ ಕೊಡ್ಕುನ್ನಿ ಸ್ವಸ್ಥಂಸೇಯ್ಯಲನಿ ಬೇಡ್ಗನ್ನಾಡು; ^{48 49 50} 48.ಯೇಸು ವಾಡ್ಗಿ-ಮೀಳು ಸೂಚಕಕಾರ್ಯಾಲ್ನಿ ಅದ್ಭುತಲ್ನಿ ಸೂಡ್ಗುoಟ್ಟೆ ನಮೇನೆಲೇದನಿ ಸೋಪ್ನಾಡು. 49.ಆ ಪ್ರಧಾನುಡು-ಸ್ವಾಮಿ,ನಾ ಕೊಡ್ಕು ಸಚ್ಚೆದಾನ್ಗಿoತ ಮುಂದ್ರೆ ನುವ್ವ ರಾವಾಲ ಅನ್ನಲು ಯೇಸು ವಾಡ್ಗಿ- 50.ನೀ ಕೊಡ್ಕು ಬದ್ಕತಾಡು ಪೋ ಅನಿ ಉತ್ತರಂ ಇಚ್ನಾಡು.ಆ ಗೃಹಸ್ಥುಡು ಯೇಸು ತನ್ಗಿ ಸೋಪ್ನ ಮಾಟ್ನೀ ನಂಬಿ ಎಲ್ಲಿ ಪೈನಾಡು. ^{51 52} 51.ವಾದಿ ಇಂಕ ಘಟ್ಟದಿಗಿ ಪಾತುಂಡಗ ವಾಡ ಮನ್ಸಿಲ್ನಿ ವಾಡೆದುರ್ಗ ವಚ್ಚಿ-ನೀ ಕೊಡ್ಕು ಬದಿಕ್ಕನಾಡುಅನ್ನಾರು. 52.ಏನ್ ಘoಟ್ಗಿ ವಾಡ್ಗಿ ರೋಗಮು ದಿಗಿತರಂಮೈಯ್ಯೇ ಅನಿ ವಾಡು ವಾಳ್ನೀ ಅಡ್ಗಿನಪ್ದು ವಾಳು-ನೀ ಮಧ್ಯಾಹ್ನoನ ಒಕ್ಕ ಗಂಟಗಿಜ್ವರo ವಾಡ್ನಿ ಉಡ್ಸಿoದ್ದಿ ಅನ್ನಾಡು. ^{53 54} 53.ಅಪ್ಡು ನೀ ಕೊಡ್ಕು ಬದುಕ್ತಾಡನೀ ಯೇಸು ತನ್ಗಿ ಸೋಪ್ನಾ ತ್ರಾಸ್ಲಾನೆ ಅದಾಯನಿ ತಂಡ್ರಿಯು ತಿಳ್ಚಗನ್ನದಾನ್ನಿಂಕ ವಾಡೂ ವಾಡ ಇಂಟೋಳoದ್ರು ಆತುಡ್ನಿ ನಂಬ್ನಾಳು. 54.ಯೇಸು ಯೂದಾಯಂನ್ನಿಂಕ ಗಲಿಲಾಯನ್ಗಿ ವಚ್ನಾಪೈನ ಈ ರೊಂಡ್ನೆ ಸೂಚಕಕಾರ್ಯoನ್ನಿ ಸೇಸ್ನಾಡು.