2 ¹ ಮೂಡ್ನೇ ದಿನಂಲಾ ಗಲಿಲಾಯಮ್ನಾ ಕಾನಾ ಊರ್ಲಾ ಒಕ್ಕ ಪೆಂಡ್ಲಿ ಆಯಾ;ಯೇಸುನ ತಲ್ಲಿ ಆನ ಉಂಟಾದಿ; ² ಯೇಸುನ್ನಿ ಆತುಡ ಶಿಷ್ಯಾಲ್ನಿ ಪೆಂಡ್ಲಿಗಿ ಪಿಲ್ಚ್ನಾಳು. 3.ದ್ರಾಕ್ಷಾರಸಂ ಸಾಲ್ಗುಂಡ ಪೈಂಡಿ ಯೇಸುನಾ ತಲ್ಲಿ ಆತುಡ್ಗಿ -ವಾಳಾ ದ್ರಾಕ್ಷಾರಸಂಲೇದು ಅನಿ ಸೋಪ್ನಾದಿ. ³ ದ್ರಾಕ್ಷಾರಸಂ ಸಾಲ್ಗುಂಡ ಪೈಂಡಿ ಯೇಸುನಾ ತಲ್ಲಿ ಆತುಡ್ಗಿ -ವಾಳಾ ದ್ರಾಕ್ಷಾರಸಂಲೇದು ಅನಿ ಸೋಪ್ನಾದಿ. ⁴ ಯೇಸು ದಾನ್ಗಿ-ಅಮ್ಮಾ,ನಾ ಗೊಡವೆ ನೀಕೆಂದ್ಗು? ⁵ ನಾ ಸಮಯಮುಇಂಕಾ ರಾಲೇದು ಅನಿ ಸೋಪಾಲು ಆತುಡ ತಲ್ಲಿ ಕೆಲಸ್ಮೋಳ್ಗಿ-ಆತುಡು ಮೀಕಿ ಏಮಿ ಸೋಪ್ತಾಡೋ ದಾನ್ನಿ ಸೇಯ್ಯಂಡಿ ಅನ್ನಾದಿ. ⁶ ಯೆಹೊದ್ಯಾಲು ಶುದ್ದಾಚಾರಂನಾ ಪದ್ದತಿಯ ಪ್ರಕಾರಂ ರೊಂಡು ಮೂಡು ಕೊಳಂನಾ ನೂಳುಪೊಟ್ಟೆ ಆರು ರಾಯ್ನಾ ಬಾನೇಲು ಆನಾ ಪೊಟ್ನಾವಿ. ⁷ ಯೇಸು ವಾಳ್ಗಿ-ಬಾನೆಲಾ ನೂಳು ನಿಮ್ಪಂಡ್ಡಿ ಅನ್ನಲು ಅವುಟ್ಲಿನೀ ಕಂಠoನಾ ಮಟ್ಟಿಗೂ ನಿಮ್ಪಂಡ್ಡಿ. ⁸ ಅಪ್ಡು ವಾಳ್ಗಿ-ಇಪ್ದು ದಾನ್ನಿ ತೊಡ್ಗನ್ನಿ ಪಾಯಿ ಔತಣಂನಾ ಪಾರುಪತ್ಯಾಗಾರುಡ್ಗಿ ಇಯ್ಯoಡ್ಡಿ ಅನಿ ಸೋಪ್ನಾಪ್ದು ತಿಸ್ಗಾನಿ ಪಾಯಿ ಇಚ್ನಾರು. ⁹ ಆದಿಯಾನ್ನಿಂಕ ವಚ್ನ್ಲೋ ನೂಳ್ನಿತೊಡ್ನಾ ಕೆಲಸಂಮೋಳ್ಗಿ ತಿಳ್ಸಿoದ್ದೋ ಹೊರ್ತು ಔತಣಂನ ಪಾರುಪತ್ಯಗಾರಲ್ಗಿ ತಿಳ್ಸುoಡಾಗ ವಾಡು ಅತಿಟ್ಲೊಗ ದ್ರಾಕ್ಷಾರಸಂಮೈನಾ ಆ ನೂಳ್ನಿ ರುಚಿಸೂಸ್ನಾಪ್ದು ಮದಲಿoಡ್ನೀ ಪಿಲ್ಚಿ- ¹⁰ ಅಂದ್ರೂ ಯನ್ಕದಿನಂ ದ್ರಾಕ್ಷರಸಂನಿ ಮೊದ್ಲು ಇಚ್ಚಿ ಅಮಲೆರಿನ್ ಪೈನಾ ಕಿರಿದಿನಂ ದ್ರಾಕ್ಷಾರಸಂನ್ನಿ ಇಸ್ತಾರು;ನುವ್ವ ಹಿರಿದಿನಂ ದ್ರಾಕ್ಷಾರಸಂನ್ನಿ ಇದುವರ್ಗೂ ಪೆಟ್ಗಾನ್ನಾವು ಅನ್ನಾಡು. . ¹¹ ಯೇಸು ಈ ಮೊದಲ್ನೆ ಸೂಚಕಕಾರ್ಯಮ್ನಿ ಗಲಿಲಾಯಂನಾ ಕಾನಾ ಊರ್ಲಾ ಸೇಸಿ ತನ್ನ ಮಹಿಮೆನ್ನಿ ತೋರ್ಪಾಡಿಚ್ನಾಡು;ಮಲಿ ಆತುಡ ಶಿಷ್ಯಾಲು ಆತುಡ್ಲಾ ನಂಬಿಕಾಪೆಟ್ನಾರು ¹² ಇದೈನಾ ಪೈನಾ ಆತುಡೂ ಅತುಡ ತಲ್ಲಿಯೂ ತೊಮ್ಮಳು ಆತುಡ ಶಿಷ್ಯಾಲು ಘಟ್ಟದಿಗಿ ಕಪೆರ್ನೌಮಿಗಿ ಪಾಯಿ ಆನಾ ಕೆಲವು ದಿವಸಂ ಉಂಟಾರು ¹³ ಅಪ್ಡು ಯೆಹೂದ್ಯಾಲಾ ಪಸ್ಕಪಂಡ್ಗಮು ದೇಗ್ಗರ ವಚ್ಚಿಂದಾನ್ನಿಂಕ ಯೇಸು ಯೇರುಸಲೆಮ್ಗಿ ಪೈನಾಡು. ¹⁴ ಆನಾ ದೇವಾಲಯಂಲೊಗ ಎದ್ಲು ಗೋರ್ರ್ಲು ಪಾರಿವಾಳಲು ಅಮ್ಮೆವಾಲ್ನಿ ಕುಚ್ಗೋವುಂಡಚಿನಿವಾರಲ್ನಿ ಸೂಸಿ ಪಗ್ಗಂನ್ನಿಂಕ ಕೊರಡೆಸೇಸಿ ¹⁵ ದಾನ್ನಿಂಕ ಗೊರ್ರ ಎದ್ಲು ಸಹಿತಂ ಅಂದ್ರೂನ್ನುವೆ ದೇವಾಲಯಂನಾ ಆತರ್ಗಿ ತೊಮ್ರಿ ಚಿನಿವಾರಲಾ ರೋಕ್ಕಂನಿ ಚೆಲ್ಲಿ ಮೆಜುಲ್ನಿ ಕೇಡವ್ನಾಡು. ¹⁶ ಪಾರಿವಾರಮ್ನ್ನಿ ಅಮ್ಮೆವಾಲ್ಗಿ-ವುಟ್ನಿ ಇನ್ನಿಂಕ ತಿಸ್ಗಾನ್ನಿ ಪೊಂಡ್ಡಿ;ನಾ ತಂಡ್ರಿಯ ಇಲ್ನಿ ಸಂತೆ ಸೆಯ್ಯದಂಡ್ಡಿ ಅನಿ ಸೋಪ್ನಾಡು. ¹⁷ ಅಪ್ಡು -ನೀ ಆಲಾಯಭಿಮಾನಮು ಅಗ್ಗಿನಿಂಕ ನನ್ನಿ ದಹಿಸ್ತಾದಿ ಅನಿ ರಾಸ್ನಾ ಮಾಟ ಶಿಷ್ಯಾಲಾ ನೆನಪ್ಗಿ ವಚ್ಚೆ. ¹⁸ ಯೆಹೂದ್ಯಲು ಆತುಡ್ನಿ-ನೀಕಿಇದಂತಾ ಸೇಸೆ ಅಧಿಕಾರಂ ಉಂಟು ಅನೆದಾನ್ಗಿ ಎಮು ಸೂಚಕ ಕಾರ್ಯಾಮ್ನಿ ಸೂಪಿಸ್ತಾರು?ಅನಿ ಅಡ್ಗಿಂದಾನ್ಗೂ ¹⁹ ಯೇಸು- ಈ ದೇವಾಲಯಂನ್ ಕೆಡವoಡ್ಡಿ;ನೀನು ಮೂಡ ದಿನಂಲಾ ದಾನ್ನಿ ಲೇಪ್ತಾನು ಅನ್ನಾಡು. ²⁰ ದಾನ್ಗೆ ಯೆಹೂದ್ಯಾಲು- ಈ ದೇವಾಲಯಂನೀ ಕಟ್ಟೆದಾನ್ಗಿ ನಾಲ್ವತಾರು ವರ್ಷಂ ಪೊಟ್ತಿಂದಿ;ನುವ್ವ ಮೂಡು ದಿನಲಾ ದಾನ್ನಿ ಲೆಪ್ತಾವೋ?ಅನ್ನಾರು. ²¹ ಆಯ್ತೆ ಆತುಡು ತನ್ನ ದೇಹಾಂಮನ ದೇವಾಲಯಂನಾ ವಷಯಂಗ ಆ ಮಾಟ್ನಿ ಸೋಪ್ನಾಡು. ²² ದಾನ್ನಿಂಚಿ ಸಚ್ಚಿ ಬದಕಿ ಲೆಸ್ನಾಪೈನಾ ಈ ಮಾಟ ಆತುಡಶಷ್ಯಾಲಾ ನೆನಪ್ಗಿ ವಚ್ಚಿ ಶಾಸ್ತ್ರoಲಾ ರಾಸ್ನಾದಾನ್ನಿ ಆತುಡ ಮಾಟ್ನೀ ವಾಳು ನಂಬೆವಾಲೈತಾರು. ²³ ಆತುಡು ಪಸ್ಕಪಂಡ್ಗoನಾ ಜಾತ್ರೆಲಾ ಯೇರುಸಲೆಮ್ಲೋಕಿ ಉನ್ನಾಪ್ದು ಬಹು ಜನಾಲು ಆತುಡು ಸೇಸ್ನಾ ಸೂಚಕ ಕಾರ್ಯಾಲ್ನಿ ಸೂಸಿ ಆತುಡ ಪೆರ್ಲಾ ನಂಬಿಕಾಪೆಟ್ನರು. ²⁴ ಆಯ್ತೆ ಯೇಸು ಅಂದ್ರೂನ್ನು ಬಲ್ಲವಾಡೈನದಾನ್ನಿಂಕ ವಳ್ಗಿ ವಶಂಕಾಲೇದು. ²⁵ ಆತುಡು ಪ್ರತಿ ಮನುಷ್ಯಡ ಆoತರ್ಯoನ್ನಿ ತಿಳ್ಸನಾವಡೈನ ಕಾರಣಂ ಯವ್ವಡು ಯಾವ ಮನುಷ್ಯಾಡ ವಿಷಯಂಲಾನು ಆತುಡ್ಗಿ ಸಾಕ್ಷಿ ಇಯ್ಯಲ್ಲನ ಅವಶ್ಯಂಉಂಡ್ಲೇದು.