¹ Wanna ita ce maganar Yahweh da ta zo ga Yowel ɗan Fetuwel. ² Ku ji wannan ku dattawa, ku kuma kasa kunne dukkan ku mazauna ƙasar. Ko wannan ya taɓa faruwa a kwanakinku ko a kwanakin iyayenku? ³ Ku faɗa wa 'ya'yanku labarinsa, 'ya'yanku kuma su fada wa tsara mai zuwa. ⁴ Abin da babe ya rage fara ta ci; abin da da fara ta bari burdunnuwa ta ci; abin da burdunnuwa ta rage; ganzari ya cinye. ⁵ Ku mashaya, ku tashi, ku yi ta kuka! Ku yi ta baƙin ciki, ku dukkan mashayan ruwan inabi, don an datse inabinku mai zaki daga gare ku. ⁶ Don wata al'umma ta zo kan ƙasata, ƙaƙƙarfa mara ƙidayuwa. Haƙoransu haƙoran zăki ne, kuma su na da haƙoran zãkanya. ⁷ Sun mayar da kuringar inabina abar wofi. Sun yayyage dangar itacen ɓaurena, sun yayyage dangar sun watsar; rassan sun koɗe sun yi fari. ⁸ Ku yi makoki kamar amaryar da ke makokin mutuwar angonta. ⁹ An dena miƙa baikon hatsi da na abin sha daga gidan Yahweh. Fristoci, bayin Yahweh su na makoki. ¹⁰ Filaye sun bushe, kasa tana makoki sabo da an hallakar da hatsi. Sabon ruwan inabi ya ƙare, mai ya kasa. ¹¹ Ku manoma ku ji kunya, ku yi baƙinciki, hakan nan ku wuraren matse ruwan inabi, saboda alkama da sha'ir. Don abin da aka girbe ya lalace. ¹² Inabi sun kaɗe, itatuwan ɓaure kuma sun bushe, itacen ruman, da kuma na dabino, da gawasa duk da sauran itatuwa sun bushe. Don farinciki ya ƙare daga cikin mutane ¹³ Ku firistoci ku sa tufafin makoki, ku firistoci ku yi bakin ciki, ku masu hidima a bagadi ku kwanta cikin tufafin makoki har safiya, ku bayin Allahna. Don an hana miƙa baikon hatsi da na abin sha daga gidan Allahnku. ¹⁴ Ku yi kira a yi azumi mai tsarki, ku kuma yi kira a yi tattaruwa mai tsarki. Ku tattara dattatawa da dukkan mazaunan ƙasar zuwa gidan Yahweh Allahnku, ku yi kuka ga Yahweh. ¹⁵ Kaito sadoda ranar! Gama ranar Yahweh ta ƙarato. Tare da ita akwai hallakarwa daga Mai iko dukka. ¹⁶ Ba a dauke abinci daga gabanmu ba, an kuma ɗauke farinciki da fara 'a daga gidan Allahnmu ba? ¹⁷ Iri ya lalace a kofensa, an wulaƙanta hatsi, an banzantar da wuraren ajiya don hatsi ya yanƙwane. ¹⁸ Yaya dabbobi ke nishi! Makiyayan dabbobi kuma ke shan wahala saboda ba wurin kiwo. Hakannan kuma garken tumaki na shan wahala. ¹⁹ Yahweh, ina kuka gare ka. Don wuta ta cinye makiyayar da ke jeji, harshen wuta kuma ya ƙone bishiyoyin da ke cikin filayen. ²⁰ Har da dabbobin jeji suna yi maka kuka, don ƙoramun ruwa sun bushe, wuta kuma ta cinye makiyayar jeji.