DCS-Mirror-pungs6th16_ver_act_text

TO̱MTEYA TÒ̱MBAIRƏS 5

¹ Maz uza Ì deru Hanaaniya naa kiiza ulləz Safiratu Ì yinge ar kanaa Iikrə, ² kaas wesa Ì yingətin arki esi("naa meekaa kiiza ullozzək") sə kamte a̱ see topa esi sə ɓou tombairə mu'. ³ Biturus doo géé Hananiya, nok an sə setan yə'es temra mool sə a̱ bo'sə rumsa Billəs song a̱ sumtuto weesa a̱ yinggin arkəs ya.? ⁴ A yigən den pa'ak a̱ mondokkiya? a̱ tiin a̱ yingən ak wessa mondəssiya? nok an sə a̱ sundə ərim neta ri'at mondə timleya? a̱ bo'sə mari song pa a̱ bo'sə Billi. ⁵ Hananiya de' géé pakki sei kasə dii engsəm ɓam. Mariya Ì gééi inni ser kami, Ii yas. ⁶ yang ɓami Ì keetə Ì ɓundusu, sə Ì gumu Ì keenu sə Ì Iisu ⁷ Bella eli as kiiza ulloz totto, naa meeka ina bo'rum an pa. ⁸ Biturus doosu gee, doosume Ì yigǝte arki rieri ya? Iisu géé o̱o̱ ri'erizi ⁹ sə Biturus doosu géé, nok an sə I' daks su' sə Ì Ii gweka rumsa daaresya? gwenəm na'teya iya Ì Iitə ya'za mooz ai ipu so'gnarə Ì gungɓa moobən go̱oka. ¹⁰ Ara doon ekirə kase biturus sə bellirə engsəm ɓam, yang ɓami Ì totto Ì oksu wer, Ì gumu Ì keenuÌ Iitu gwande ya'azze popsarə. sééra gɓi'lal kam ¹¹ iya gwaaga Billək rei naa iya Ì gééi netta etti. ¹² Netta məsim ret gegga pu bo'rumka re marire te' tombaire natte. Ipu ar muko Solomon də allə. ¹³ Ura weng zok sə duuwaz piipa, nok ri'ik mari Ì noosi. ¹⁴ iya Ì esə timr Billə mu'i Ì baktə, diga yara mari naa kitta ki' Ì baktə ¹⁵ nok gumrəka kunni bilittə sə kamti Ì gɓowi ɓetterə, nok Biturus na zte léége zensa ulloz saak Iire paa. ¹⁶ Bansa mari Ì zaa diga delmiya Uruselimairə Ì kamtə kuni naa iya zam dogdii Ì rungɓi yas ¹⁷ Domda to̱z ruupaa, naa iya ipu yammai( Ii ɓara Sadikiyawai rəi); keerəs bo'sə ¹⁸ Ì kam tombai Ì ɓaai ¹⁹ Naa tuks tombaaza Billəz zaa gɓe're so'gnarə sə keesə, sə doogéé. ²⁰ "Ri'gən Ì de' rora Billələ Ì doosə mari paka zengsək". ²¹ De' Ì géé Ì tor gwaaga Billəkrə naa ubla sə Ì kubrusən. Domda toz zaa naa iya ipu yammai sə der ɓa'teya gwaaga Billək rei, dooniya mariya Israilai, sə to̱mi ror pusunarə ina kamte kubruba. ²² Dooniya Ì zaa arkirəi Ì ree pusunaazirə Ì ogsə pa, Ì doo, ²³ "E' ogs pusunazzi gɓe'sənzzəz zo'bai de'narə sog'narə, de' Ì gɓe'rə sog'na Ì oks koo maz roopa". ²⁴ De' doonza iya Ì zo' gwaaga Billəkrei naa do'ga toz Ì géé pakki, Ì saklis Iire paa Ì mee ni'Ì ɓamsəkinakpa. ²⁵ Sei uza zaa sə doosə gee, "Mariya Ì ɓaai pusunarə ai ipu de'narə gwaaga Billəkrə. Ipu kubruskəndə ". ²⁶ Iya Ì zo' gwaaga Billk ai naa doonza Iiz, sə Ì ree, Ì getni lo'tti Ì serumsapu Ì meebonge mari Ì to'gugboton. ²⁷ De' Ì kamti Ì desə ɓa'teya Iyre mu', sə do'ga tozzin dedəsi, ²⁸ géé, "Ero'nun ron ves engge kai kubrusən naa ri'ra alpa, haa ès Ì do'sapu della Uruselimal naa kubruskəna moirək, Ì kamtikee kuuska kwa'a, mazzazzei erre paa". ²⁹ Ama Biturus naa tombai Ì Iisi géé, doolezi è ark noosuka Bill naa mari. ³⁰ Billa ere daarel ruus Yesso, ura Ì iu vaga rawrə paa. ³¹ Bill noosu gwande na' go'na rə na gau doon naa kweebaaz, səna asə Israila, pu'ka na' naa ra;səska hakkei ³² èe sedaakuyyi netta attə, koo rumsa Billəs ma ri'zi, aBill essə iya Ì duuw ina Bill doon ina bo'rən". ³³ Dooniya gwaaga Billəi, de' Ì géé baar sugə Ì Ii igpa tombaiyyi. ³⁴ Farisawaz uza Ì deru Gamanuwel, lamza ro'oknairəz, ura mari yas Ì noosuz, ruupaa sə doo ina kees kubrubaiyyi goka asə. ³⁵ Gə̀ doosə géé, "mariya Israilai, géén géén naa ina Ì Ii bo'səka mariya ai. ³⁶ bəl ullarə doo uza pii Ì deru Tudas ruuto pe' zura ullol unannən, sə mari zu' zur Ì duw. Ì ipsu, mariya Ì duw sə Ì bo'ro ina doonnai Ì faqaksi ³⁷ ullo sa'ka, Yahuda a̱ Galiliz ruuto ru'a ge'emrəire sə ge' mari Ì duw sa'ka. Urbən zaa woo, iya Ì duw ina doon ai yas Ì faks. ³⁸ Ri'ak n doosən, keen bilaa mariya ai rekrə daani gwani muyo. Tomsa as naa mazzezssi faksik ³⁹ ama naa Billəs, gə̀ Ì le'ek faksəki pa Ìzaa oksək ipu gwaalo naa Bill". ⁴⁰ Sə gəə Ì der tombaiyyi sə Ì ɗu'i Ì ro'ni kai na pag ri'ra Yesso rəl pa, Ì daai Ì ri'gə.Ì ⁴¹ daate ɓa'a teya eyi naa yaksa zok géé boo bən Ì ge'bopu, mariya Ì ɓer baar nok ri'ra Yessorellə te'. ⁴² Diga rook ubla pat gwaaga Billəkre naa gwam gwa' Iiréé mu'ka naa kubruskəna, Yesso uzi kweebaaz.