¹ De' Bitrus naa Yohaana ipu pakən marirə, Tozza BilləZ naa iya Zo' gwaaga Billəkai naa Sadukiyawai i zaa iirə, ² Naa baar sugən wessawe nok ipu kubrusəkkən mari paka yeeso rekrə naa ruukaa yeesorə roobaamrək. ³ I kami sə i gbe'i Pursina rə haa nit uttarə no̱k nimz bo̱'rəmsapu ⁴ De' Mari i ge̱e̱ pakki i esə temər,Iya i esə temrai, i keeken mu' gbonarǝ. ⁵ De' ar oopaa nit utta rə, gwaniya ii naa Do̱o̱nya Biibairəi i dakkən yas, Ursalima. ⁶ Hanaana Do'ga Toz pu eri, naa Kayaafa, naa Yohaana, naa Iskandaris, naa zeewiya Do'ga Tozzəi yas. ⁷ De' i gaps Bitrus naa Yohaana gonirə te' sə i desi gee, naa Rums, koo naa riira neelli sə i bo'rə netta atya? ⁸ Sei rumsa yi'is Bitrus sə doo gee, ii gwaniya marirəi naa Do'ga mari. ⁹ ēē wonka ipu dedikeerə nok go'nima ē bo'sə kunza azzam inge ē bo'rə riga sə mazza as go'osya? ¹⁰ me̱e̱n ina an iin yas, mariya ursalimai naa riirayeeso kwebaaza Nazerettas zəlli ura i ɓaau sə Bil ruutu diga wərrəks nok uzi sə mazza az pu de'narə iirə mu'ka go'sənzǝz. ¹¹ Yeeso kweebaaz uzi billa ii wombai i mu'ussal, ama uli ar biniya womləi yas. Gəbən ¹² kwebaaz uza pii i sə esə mari, riira ulləl delləro nok i kinkən kwekakpa. ¹³ De' i og wenka temra Bitrus naa Yohaana rəl, sei i me̱e̱sgəs gee i me̱e̱ unapa,una boo pisipa, məsəm kami sə i me̱e̱gəs gee Bitrus naa Yohaana ipu naa Yeeso. ¹⁴ De i og mazza i rungbu ezi pu de'narə gonirə te'ka, Do̱o̱niya yahudawairə i doo koo una iirə paapa. ¹⁶ Sei i doosə to̱mbaiyi ina daa ara i dakkənkənak, sə pak gonirə te'ka. ¹⁵ I doo gee, a bo'rək riga naa mariya aiya? Zəmazi i bo'rə sapu ina məsəm rən,mariya ursalimai meegəsa pu yas, ā le'ek sinkəna pa. ¹⁷ Nok inni kana yas ar marirə te'pa, ā dinsi to', kaina doosə koo neya pak naa riira ulləl pa. ¹⁸ sei i der Bitrus naa Yohaana sə i dinsi to', ka' ina doosə maz pakki koo ina kubrurəsən naa riira yeeso rəi gəbən pa. ¹⁹ Bitrus naa Yohaana i doosi gee, go'gon Billə mu', ena noosən ii sə ena daa noosəka Bil ya? iin zeesən iinde te" ²⁰ ē le'ek daaka dooka neta ē og, sə geet pa. ²² De'i dinsi to' wessawe gəbən sei i fassi, nok i mee ni i bo'oknik pa nok bansa mariya ei. Nok gə mari i noos Bil nok neta i bo'rummat. ²¹ Mazza i go'su ezi ar an wi' zu'ittei. ²³ De' i fassipu kaskas Bitrus naa Yohaana i zaa mariya iirə sə doosi ina Do'ga Tori, naa Do'ga mari i iirə paan. ²⁴ De' i gee ri' sei woosu' goni yas Billə, sə doo naa su' mu'ko gee, Dāa Bil, moonzi go'rə pāā naa Del, naa gbona, naa neta iirə te'kat yas. ²⁵ Moo naa Rums moosə, Daa eez Dauda seenza moozə su'rə, a doo moon gee,Nok anni sə baar su' mariya i meeye paiya ? nok an sə gə me'te pakrə neta zukkatya? ²⁷ Ri'eri zəmazi Hiridus naa Bintus Bilaatus i daksapu zur, buta attə naa i meeye pai naa mariya Israilai, gwaka keerəssə naa Yeeso seenza moorə naa Rumsa. ²⁸ I daksapu zur sə boo bo'rə neta moo naa na'a mook , naa gbi'kəma moom, naa iika mook, monge bo'rəkkan. ²⁹ Ri'ak Daa gwenəm dinka to'a ii sə a esə se̱enza mooz gbam səna doo paka mook yas, naa serpa. ³⁰ Nokri mona yii na' nok rungbut məsəm naa ina məsərən bo'rəmka seenza naa rumsas Yeeso rə. ³¹ De' i gbams weerək sei ara i dakkən kənak lamrəm sə i yi'si naa rumsa Billəs sə doo Billək i sərəmpa. ³² Mariya i esə temrai i dakkən temmulo sundiniya ii muyo. Haa neya doo gee inna pisen amindənnik piipa, sei a ēēn yas. ³³ Naa gbam wesswe sə to̱mbai i doo neta bo'rəm ruukaa Yeeso rəkrə paat , ³⁵ Ko neya una kowu iirə te'kas piipa, Nok iya i puna ōōg koo gwaagai i yingtə. ³⁴ Sə i kamte weessa nettirə sə gba'gə kubrubai mu'ka sə ni masə ko neya ni innak. ³⁶ Ipu ri'eri sei Yusufu Balaawi ura kubrubai i de'su riir Barnabasas, ina riiri doon uni"wazza wenrəskarəs. ³⁷ Puna ar, yingətə sə kamtə weesa roos to̱mbairə mu'ka.