¹⁹ Baada ya Mzuri emetete nabho, akaonjwa akatikwa wanga na eikesi hena mkono wa kuume wa Izubha. ²⁰ Bhaloshwa bhekafuma na bhekahubiri kila handu, amu Mzuri ehirie ndima nabho na akakidhibitisha kila kiteto kwa maitalisho ma miujiza ila iraterie. ¹ Mari Sabato ikimesie, Mariam Makidalena na Mariam mee Jakobo na Salome bhezorie marashi esa bhatonge na kubhira muri wake Yesu esa ajikwe. ² Marekero musi wa kubhoka wa wiki bhekatonga na mbira mari zano idusura. ³ Bhokie bhebhurana, ''Niani etushindikia ino esa tuingie na mvera wa mbira?" ⁴ Bhekimeyoe wanga bhebhonie eti hena mundu eshindike ino, elo lookie ibaha mno. ⁵ Bhemeingie na mbira bhebhonie mbwange edokie suke nyewa eikesi mbai ya kuume bhekaisiring'ang'a. ⁶ Ekabhabhura, "Musiituke muoho mumuenda Yesu wa Nazareti eye ebhanikwe. Aruka, esiwaha. Yoweni hala handu bhemuyajie. ⁷ Kake tongeni mubhabhure bhaloshwa na Petro eti abharongoria nywi Galilaya. Aho munem'bhona sa bhundu ebhabhurie'' ⁸ Bhefumie shighati ya mbira bhekamatuka bhededema na bheitalwe. Bhesimbhurie mundu wowose kindu amu bhena fole mno. ⁹ Marekero msi wa kubhoka wa wiki ekimeruke ekubhonyanye cha kubhoka hake Mariamu Makidalena eye emungolie mbepo fungate. ¹⁰ Mariamu akatonga na kubhabhura bhala bheokie naye mati bhekiiya na kuomboleza. ¹¹ Akabhabhura eti eho na moo na eti am'bhona kake bhesimuamini. ¹² Baada ya ibhi bhindu ekakufujira hena misili tofauti tofauti ha bhandu bhengi bheri ebho bhekibhata kuingia na Isanga lingi. ¹³ Bhekatonga bhekabhabhura bhala bhaloshwa bhengi kake nabho bhesibhaaminie. ¹⁴ Yesu badae ebhafumie bhala ikumi na mmwe mati bhokie handu hamwe mezani, na akabhohia hena mburi ya kusa kuamini kwabho na kudinda kwa ngoro njabho amu bhesiaminie bhala ebho bhembhonie ekimeruke kufuma hena bhefiiye. ¹⁵ Akabhabhura, ''Tongeni masangeni hose na muhubiri injili hena bhilungiwe bhose. ¹⁶ Ula eye eneamini na kubatizwa eneokoka, na ula esiamini enehukumiwa. ¹⁷ Ama maitalisho menetonga na bhala bheaminie. Hena izina langu bhenekinya mambepo. Bheneteta na lumi lungi. ¹⁸ Bhenebhushija maluzighi masi na mikono yabho, na kicha bhanywa kindu chochose kibhibhi kisibhabhinye. Bhenebhikia mikono na bhawaji na bhenesikia nezo.''