³⁰ Paulo kakaika miaka miri hena nyumba yake ya kupangisha na ekabhakaribisha bhala bhose bhezie hake. ³¹ Eokie ehubiri kifumwa cha Izubha na kulosha mburi yake Mzuri Yesu Kristo bila kuituka. Hesina mundu emuimshe wa. ¹ Mati tuetiwe mboha, tuzie tukakulosha eti kila kidara kinaitangwa Malta. ² Bhala bhenyeji bhesitubhonyie ngoro jedi tiki, kake bhetufutie moto na kutukaribisha uswi bhose, amu heokie na vua sa jose na mbeho. ³ Kake mati Paulo emedodole ifumba la ngwi na kulibhika na moto kibhubha kifumie mburi ya ila ndughuri ya moto na kikamuuma na mkono. ⁴ Mati bhala bhenyeji bhekimebhone inenebhe na mkono wake, bhekabhurana, ''Uu mundu niiti ni mkomi eye etoroke kufuma na ipe na kididi kisikamwiinge kuishi.'' ⁵ Kake akakutia ula mring'a na moto na isim bhinyie. ⁶ Bhekaoka bhemuindie agurwe ni isha kana ngwangu agwe afwe. Kake bhekimemuoiye igheri ieeza na kubhona hesina kindu cha kigheni chamfumia, bhekagharusha mitwi yabho bhekaghamba iti nikaizubha. ⁷ Iki afuhi na aho handu heokie na miteme ya mundu mfumwa wa icho kidara, mundu eitangwa Pablo. Ekatukaribisha na kuturera hena misi mitatu. ⁸ Ikafumia iti bhabhe Pablo eokie muaji ena isha na kufwaka dumu. Mati Paulo etongie hake, emuombie ekambhikia mikono wanga yake na akadinda. ⁹ Icho kikimefumie bhandu bhose bha kila kidara ebho bhookie bhawaji nabho bhekaza na bhekadindijwa. ¹⁰ Abho bhandu bhekatuinga nganyi mno. Mati tukikuarehia tutonge bhetuingie chochose twekundie. ¹¹ Baada ya mieji mitatu, tukazoka na meli ya Iskanderia eyo yeimuke hena kidara mburi ya mbeho ,eyo aho mbele yake yena sanamu ya bhabwange bha maza. ¹² Baada ya aho tuseiye na kighongo cha Sirakasi, tukaika aho misi mitatu. ¹³ Kufuma aho tubighie mbombe tukafika na kighongo cha Regio. Baada ya msi mmwe ngungu kufuma kiseja mbombe ikafumia na hena misi miri tukaza na kighongo cha Puteli. ¹⁴ Aho tukichie bhandugu na bhekatukaribisha tuikea nabho hena misi mifungate. Hena zia iyo tukafika Rumi. ¹⁵ Kufuma ahobhandugu bhekimesikie mburi yetu bhezie kutorana na uswi kubhokia hae sa kichinda cha Apio mhaka mikahawa mitatu. Mati Paulo ebhabhonie bhala bhandugu, akamshukuru Izubha na akapata ngoro. ¹⁶ Mati tuingie Rumi, Paulo akaruhusiwa kuika mwenye na ula askari ekimrinda. ¹⁷ Iki ikazia iti baada ya misi mitatu Paulo akabhaitanga bhome bhose ebho bheokie bhabaha bha bhayahudi. Bhekimeze handu hamwe akabhabhura, ''Bhandugu hata kacha nisimehira kindu kibhibhi ha bhandu kana mila ja bhakaka bhetu, nietiwe sa ibusu kufuma Yerusalemu nikaingijwa hena mikono ya bha Rumi. ¹⁸ Baada ya kunibhujanya maswali, bhekakunda kunishighirija amu hesena sababu mi kuhukumiwa kukomwa. ¹⁹ Kake bhayahudi bhekimetete kinyume na kila kibhainare, nilazimishwe kuchwa ipili ha Kaisari ijapokuwa nesetekundie kuete zune na itaifa langu. ²⁰ Sababuya lila ipili nikabhujanya nize nibhabhone na nitete nanywi. Nisababu yakujiamini kwa bhaisraeli niko kwaniinga kuchungwa ii minyororo.'' ²¹ Hubho bhekambhura, ''Tusimeuhia ilalu kufuma Yudea wanga ya mburi yako kana bhandugu bhezie kughamba chochose wanga yako. ²² Kake tukundie kusikia kufuma hako bhundu uoho ugheshijia wanga ya ii dini yako amu uswi tutisibhe iyoho itetwa ubhibhi kila handu.'' ²³ Bhekimemchuiye msi wa kutorana naye wa, bhandu zaidi bhezie hake hala ekinaikaa. Akabhabhura wanga ya ila mburi, eka bha shudia mburi ta kifumwa chake Izubha. Egheshie kubhasingirija mburi yake Yesu kubhokia hena sheria jake Musa na bharoti kubhokia heabho mhaka chamagheri. ²⁴ Bhengi bhekashaushika hena bhila bhindu bhitetiwe, na bhengi bheka sua kuamini. ²⁵ Bhekimesobhe kusikijanya bhekatonga baada ya Paulo kuteta ichi kiteto kimwe, "Ngoro Mshenete etetie nezo kubhetia hena Isaya mroti wa bhakaka bhenywi. ²⁶ Eghambie, ''Tongeni ha abha bhandu na mghambe, Kusikia mnesikia kake msikatudubhe; Na kubhona mnebhona kake msikatisibhe. ²⁷ Amu ngoro ja abha bhandu jiimai. Masikio mabho mesikia kwa bhwasi, Bhajibha meso mabho; Esa bhasibhone na meso mabho. Nakusikia na masikio mabho, Bhekatudubha na ngoro jabho, Na kugharuka wa,Na nikabhadindija.'' ²⁸ Kwa hubho, mnemanya iti uu wokovu wa Izubha watumwa ha bhandu esi bhayahudi na bhenesikia.'' ²⁹