¹ Iki fesito eingie hena isanga,na ena misi mitatu etongie kufuma Kaesa m'tano Yerusalemu. ² Makuhani bharongori na bhayahudi bhemenyikane bheetie kilinganya wanga yakwe Paulo hake Fesito, bhakatinda bhiteto bhiemeiye wanga yake Paulo. ³ Bhem'sembie Fesito, iti eidima kumwitanga Jerusalemu nesa bhaidime kum'komia zieni. ⁴ Kake Fesito akataluwa iti Paulo eokie ena kichungo Kaisari. Na neiti ye mwenye eokie ahunduke uko." ⁵ Hena hubho, bhala bheidima, kutikana na uswi tutikane. Akicha hena kindu kibhibhi na u m'ndu m'rem'linganya. ⁶ Ade emeikee wanga ya bhio bhinane kana ikumi, eseiye si m'tano si Kaisaria na m'si uraterie eikesi hena kichumbi cha kuchwa mburi akaghamba Paulo aetwe hakwe. ⁷ Emefike, bhayahudi kufuma Yerusalemu bheimuke hafuhi, bheetie kilinganya kibaha echo bhesiidima kukiimukia. ⁸ Paulo akakutetea akaghamba, hisina izina la bhayahudi, kana hena ihekalu hai wanga yakwe Kaesada nahira itekwa. ⁹ Kake Fesito ekundie kukukundia wanga ya bhayahudi, akam'taluwa Paulo akam'bhura,"Ukundie utikwe Jerusalemu nireigheshijia mburi yako uko?" ¹⁰ Paulo akaghamba," Naimuka m'songorana wa kichumbi cha kuchwa mburi chakwe Kaisari, na aha aha niho niinare kuchuiwa mburi yangu. Sabhundu umaije nisihirie bhayahudi bhubhibhi bhuobhose. ¹¹ Ena hubho akicha nakichwa na itekwa lolose libhe kukomwa, nisonisemba iti nishighiwe nisikomwe. Kake akicha hesina kididi ena bhiose bhanilinganyia bhandu abha, hesina m'ndu eidima kuniingija hako. Nikundie tukoranye Kaisari arenisikija. ¹² Kufumia aho Fesito etetie na njama,akatalua,"Wam'ranga kaisari,utikwa hakwe. ¹³ Iki hena bhio bhifuhi, m'fumwa Agiripa na Benike bhefikie Kaisaria, bham'selie Fesito selo ya kindima. ¹⁴ Emeoke aho hena misi miingi, Fesito eingije chila yake Paulo hakwe m'fumwa; akaghamba, "M'ndu mmwe ashighwa ni Felisa sa eoho na kichungo. ¹⁵ Magheri neokie Jerusalemu, kuhani m'baha na bharongori bha bhayahudi bheetie bhilinganya wanga yakwe. ¹⁶ Hena ichi nikataluwa iti esimiikare ya bharoma kukundia m'ndu; kake, m'relinganywa eingwa ngalo bhachile na m'remwete na icho kilinganya . ¹⁷ Hena hubho bhemeze hamwe aha, nisiindie, m'si uraterie niikeye kichumbi cha kuchwa mburi nikaghamba aetwe nyumbeni. ¹⁸ Magheri m'rem'linganya emeimuke na kum'linganya nisibhoni hena bhilinganya bhiose icho nechakididi. ¹⁹ Esitebho ne kilinganya wanga ya zia jabho ja matasi na wanga yakwe Yesu eye efuiye, ²⁰ Paulo eoho etinda iti eohomoo. Nirunganyikiwe bhundu niirengesu ii mburi,nikam'bhujanya iti atikwe mburi yakwe irechiiwa Yerusalemu. ²¹ Kake magheri Paulo akabhikwa na bharinji mburi ikichiwa,nikaazerija iti abhikwe m'tano hakwe Kaisari." ²² Agiripa akabhura fesito,"Ninekunda nami nim'sikije uu m'ndu."Yabho," Fesito akaghamba," Unem'sikija." ²³ Hena m'si uraterie,Agiripa na Benise bhezie na ngasu mbaha; bhezie m'tano hena ngondi na bharongori bha kijeshi na bhandu bha nganyi mbaha ena isanga. Na Fesito ememwitangije ena zinya,Paulo eetiwe habho. ²⁴ Fesito akaghamba, "M'fumwa Agiripa, na unywi bhome m'waho na uswi, m'muyoiye m'ndu uu; Mbotu yose ya bhayahudi bhenibhujanye Yerusalemu naitee aha, bhakanibohia iti asireoke. ²⁷ Nikuloshie iti hesina kindu kiinare kifa; kake kuoka iti ekundie mwenye aresikijwe hakwe Kaisari, nimwingije. Kake nisina kindu kibhonekana cha ²⁶ kum'tamia Kaisari. Wanga ya icho, namwete hako, we mwenye,M'fumwa Agiripa, henesa nioke na kindu kingi cha kutama wanga ya ii mburi. ²⁵ Amu kisiinare mi kutika m'ndu esina kindu kitamiwe matekwe wanga yakwe."