¹ Bhemebhetie hena masanga ma Afipolisi na Apolonia, bhefikie na isanga la Sesalonika, eho heena isinagogi la Bhayahudi Kuringana na miikare yakwe ² Paulo etongie habho na akachila nabho hena bhio bhitatu m'si wa sabato wanga ya kitamo. ³ Eokie ekijughua kitamo na kubhatindia mbucha yakwe Kirisito kubhinywa na ade kuruka ha bhefuiye. Akaghamba uu Yesu eye nioho nimwisisa henyu eye Kirisito ⁴ bhayahudi bhatare bhemwitikije bhakagurana na Paulo na Sila, we na Bhagiriki bha kukungolia bhache bheingi bharongori na mbotu mbaha. ⁵ Kake Bhayahudi ebho bhesimuuhie, bhekishindikwa ni luso, bheuhie bhandu bhanana kufuma na kichinda, bhakabhunganya mbotu hamwe, bhakabhokija ibhoo la kiutuutu bhakaguia kaa yakwe Jasoni. Bhekundie kum'ngola Paulo na Sila kufuma hena mbotu. ⁶ Kake bhemebhasobhe,bhem'bulule Jason na m'ndwabho m'rongori wa isanga bhibigha kilozo, bhala bhandu bhapulusha isanga wanga hekaoka sii bhafika m'tano kunu. ⁷ Bhandu abha Jason abhaete mihiro yabho isioho itikana na lukundo lwake Kaesa; Bheghamba hesi m'fumwa Yesu. ⁸ Magheri mbotu na bharongori bha isanga bhemesikie ibhi, kibhasumbue. ⁹ Nabho bhemegure bhila bhibala na kusobhoka, bhebhashighie bhatonge jabho. ¹⁰ Ere kio ichoiho bhala bham'ndwabho bha kingoro bhakabhatuma Paulo na Sila m'tano Berea. Bhemefike hubhu, bhakaingia hena Isinagogi la Bhayahudi. ¹¹ Abha bhandu bheokie na magheshijio ma wanga kukela bhala bha Sesalonika. amu bheuhie kitamo kijenye, na bhekinabhetia mitambara ya kitamo kila m'si kuyowa iti ibhi bhindu ne kijenye. ¹² Hena hubho bhandu bheingi bha bheuhiye kiteto bhache bheingi bha Kigiriki bharongori na bhome bheingi. ¹³ Kake Bhayahudi bha Sesalonika bhemesikie iti Paulo eokie ekichilia bhandu bha Berea kiteto cha m'zuri,bhetongie uko bhakabhangolia mabhoo, ¹⁴ ere tereke iyo iyo bham'ndwabho Paulo bhakingoro bhem'tikie m'tano kibhambara cha ipe. Kake silasi na Timoseo bheshighiwe aho. ¹⁵ Bhala bhekim'rongoria Paulo bhem'tikie m'tano Asene na bhemem'shighe Paula aho, akabhatindia bhandu bhundu ebhakudie Sila na Timoseo mangwangu bhundu kiidimika. ¹⁶ Magheri Paulo ebhaindie Asene, ngoro yake iibhitike emebhone bhundu bhandu isanga leizue ngoma. ¹⁷ Akagheshijia hena Isinagogi hamwe na Bhayahudi bhala bhekimwisisa Izubha hamwe na bhala etorane nabho kila m'si ena kichinda. ²⁰ Bhakamwete Paulo hakwe Ariopago, bhakaghamba,"Uidima kututindia ama malosha masha emo uoho umalosha?" ¹⁹ Amu uoho uete bhindu bhisha hena masikio metu. Tukundie kutwarija iti ibhi bhindu uoho ufunya hii." ²¹ (Iki Bhaasene bhose na bhagheni bhose bhekenjie magheri mabho hena kusikija kana kutinda bhindu bhisha.) ²² Paulo akaimuka m'songorana wakwe Ariopago akaghamba,"Nywi bhandu bha Asene, nabhona iti nywi ni bhandu bha kukungolia hena kila zia,amu nayowa ²³ magheri nikibhetia niyoiye bhiiya bhienyu bhia itasi, nikichie kitamo wanga ya kisiko, HAKWE IZUBHA EYE ESIMANYIKANE.Iki muoho m'dung'utia kindu echo m'sikimaije,Nioho nibhatindia. ²⁴ Izubha eye elungie isanga na bhindu bhiose bhioho ndeni yakwe,na kuoka iti niye M'zuri wa wanga na si, esinaikaa hena hekalu jiarehwe na maghaza ma bhandu ²⁵ Kana kuhiriwa na maghaza ma bhandu, sa ekundie kindu, amu niye mwenye enatuinga maisha, m'ruke na kila kindu. ²⁶ kufumana na m'ndu mmwe elungie bhaisanga na kubhainga luidimo lwa kuikaa masangeni hose ebharirie handu na rini masanga amo meneikaa. ²⁷ Hena hubho bhamuende Izubha amu bheidima kum'bhona, na kididi esioho hae na uswi. ²⁸ Amu henaye tuoho moo na tuidima kubhetiabhetia na tuna luidimo sa bhundu mmwezu wa bhabhini eghambie uswi tu bhana bhakwe. Kuoka iti bhose tu bhana bhakwe M'zuri. ²⁹ Hena hubho isikundike tugheshijie iti Izubha etesongowe kufuma hena inoo la mbucha sa dhahabu kana kindu king'ekang'eka ena bhuaria bhuose ekaetiwe bhandu. ³⁰ Hena ulo Izubha ekuitie sa esiyoiye matekwa metu ma mboko, kake iki eoho ebhabhura bhandu bhose bhachwem'ti bhamgharukie. ³¹ Amu ni kuoka iti abhika m'si mmwe ewo masanga menehukumiwa kubhetia ha mwana wakwe mmwe em'sabhure ahukumu isangab Izubha am'bhonyanya mwaji hena kum'keta aruke ha bhefuiye. ³² Magheri bhandu bha Asene bhesikie wanga ya kuruka ha bhefuiye, bhatare bhem'ng'ong'ie na kum'beresha bhem'bhura Paulo.Bhengi bhekabhura tunekusikija wa wanga ya iki kiteto. ³³ Ade Paulo akabhashigha ³⁴ . Kake m'ndu mmwe akamuuhia bhakatikana mmwe wabho ni Dionisio na Areopago na m'che eitangwa Damari na bhengi.