¹ Paulo ezie Daribe na Leisita. mndumi eitangwa Timoseo eokie aho, mwana wa muyunani eye eamini iti bhabhe eokie mgirigi. ² Bhamndwabho bheokie bha Leisita na Ikonia abha bhetetie bhedi wanga yake. ³ Paulo akakunda kusela naye kwa hubho akamuuha na kumtabhana. Kwa sababu ya bhayahudi bheokie na bhemaije bhabhee eokie mgiriki. ⁴ Mari bhekibhetia masangeni, bheingije maagizo matamiwe ni wandumi na bhaghosi bha Jerusalemu. ⁵ Kwa hubho nyumba ya kutasia iimuke na lubhoro iongejike kwa bhaingi kila msi ⁶ Paulo na bhaghenji bhake Furugia na Galatia, kake ngoro mshenete ebhaimie kuteta kiteto cha mzuri aho Asia. ⁷ Bhakabhetia misia mtano Treas. bhakakunda kutonga Bithynia. Ngoro yake Yesu ikabhakinda. ⁸ Bhemebhetie Masia, BHakafika isanga la Turoa. ⁹ Paulo akaota ndoto ya mandu kufuma macedonia, akamaitanga akambhura, izo utughenje. ¹⁰ Paulo ikinaburukane akatonga fyafya kuringana na bhundu mzuri ebhabharie bhatete kitete chake. ¹¹ Bhekinafume Troas samothrace na msi uraterie tukatonga Neapolise. ¹² Kufuma aho tuikatonga Philip elo isanga mhimu la macedonia isanga la kighongo cha Rome, tukaikaa aho kwa misi miingi. ¹³ Msi wa kafungate tukatonga shighati ya mvera kibhambara cha mfuro. Eho tugheshijie heneoka handu hedi na itasi. Tukaikaa tukateta na bhache ebho bhezie hamwe. ¹⁴ M'che mmwezu eitangwa Lidia ekinatagha suke ja zambara hena isanga la Siatira Eye ekinamtasa Izubha, akajughua ngoro yake akatusikija bhindu Paulo ekiteta. ¹⁵ Ekimebatizwe na kaa yakwe ekighamba kakicha bhanibhona mi nimkididi hakwe Izubha izo hangu uikae akatuhemberija. ¹⁶ kinaoke iti tutongie handu ha kutasa, mche mmwe mdongo eokie na mbepo ya kughabhanya akatorana na uswi ekighamba. emwetie mbaha wake kibala kiingi ena kutabiri. ¹⁷ Uu mche eturatere swi na Paulo ekighamba, "Abha bhome ni bhahiri ndima bha M'zuri bhebhoghamba zia ya kukia. ¹⁸ Ehirie hubho misi fwanda. Kake Paulo akareghijishwa pada niye, akagharuka na kuibhura iyo ngoro ifume hena izina lake Kirisitona ikafuma. ¹⁹ Maari mbaha wa uu mbora ebhonie iti zia yabho ya kuingijia kiba yachungika, bhakabhafunya Paulo na Sila shighati ya kichinda bhebhabulula mtano na bhaitori. ²⁰ Bhememwete msongorana wamrongori wa chila, bhakaghamba, "Abha bhandume ni bhayahudi bhebheima bhandu lubhoro naili isanga. ²¹ Bhebhelosha sharia sha ijo jidindie kuuhia na kurateria sa Bharumi." ²² Mbotu mbaha ikaimuka kinyume na Paulo na Sila; mrongori wa chila akabhabajiabajia suke akajingola akaghamba bhachapwe na msenge. ²³ Nabhemebhabioghe ngundi nyiingi mno, bhebhageri jela bhakabhabhura bhabharinde nezo. ²⁴ Bhemebhurwe hubho bharerinda jela bhakabhagera ndeni chokoro na akabhachunga maghu na ngujo. ²⁵ Hafuhi kio ghati Paulo na Sila bheokie bhekitasa na kubhina kibhini cha kumwisisa Izubha, na bhala mabusu bheokie bhekibhasikija. ²⁶ Tereke iyo hefumie kitukasi kibaha, bhikudi bhia nyumba ya mabusu bhikakushwa, ahoaho malughwi mose makajughuka, na maluse mala mebhachungie mabusu jikashighiria. ²⁷ Mrinda jela ekimebhuke hena lubhohe na kumabhona malughwi mejughuke ; eongolie mhandi wake akakunda kukukoma, amu eoshie iti mabusu bhatoroka. ²⁸ Kake Paulo eitange na izi ibaha, eghamba, "Usikubhinye we mwenye amu bhose twoho aha." ²⁹ Mrinji wa nyumba ya kichungo eitangije kirangaro akamatukia nyumbeni ededema na fole, akabhaguiya Paulo na Sila mahweni, ³⁰ na ekabhafunya shighati akaghamba, Bhafumwa, ni kini ninehira esa nikijwe ng'oki?" ³¹ bhakamtalua "mwitikije Yesu, na unekijwa hamwe na kaa yako. ³² Bhekambhura kiteto chake mzuri, hamwe na kaa yake. ³³ Ula mrinji wa jela ebhaonjie igheri iloilo kio,akabhazerija bhibhaa bhiabho, na ye hamwe na bhandu bha kaa yakwe bhebatizwe tereke iyo. ³⁴ Akabhatika Paulo na Sila kaa hake na akabhainga kijo. Ye na kaa yake bhehirie ngasu mbaha, amu bhose bheokie bhamwitikijia Izubha ³⁵ Heabho lake, bharechwa mburi bharinji bhabho bheghamba, "shigheni abho bhandu bhatonge, ³⁶ " Ula mrinji wa mabusu emtindie Paulo eghamba, "Bhachili bha mburi bhniingijia kiteto iti nimshighirie mtonge; iki fumeni shighati tongeni na lubhoro. ³⁷ Kake Paulo akabhabhura, "Bhatubigha mwaji, switch tufuma roma, na bhakatuchungia kichungoni na iki bhekundie kutujughuiya hena mbiso? hai tukulu: bhashigheni bhaze bho bhajenye bhatujughuiye." ³⁸ Bharindi bhekitindie iki kiteto bhachili bha mburi bhakaondoka bhekimesikie iti Paulo na Sila ni bhandu bha Roma. ³⁹ Bhala bhachili bhakamwatera kumsemba bhabhashighie; na bhakimangole shighati ya jela, bhebhabhurie Paulo na Sila bhefumie hena lila isanga. ⁴⁰ Paulo na Sila bhbhefumie jela na bhetongie hena kaa yake Lidia. Paulo na Sila bhekimebhabhone bhamndwabho bha kingoro, bhebhagerie lunyariki na bhakafuma na ilo isanga.