KITAMO CHAKUBHOKA CHAKWE YOHANA 4
1
Bhakundwa, msiing'idaki kila ngoro, esibbho iti mjingheshe ijo ngoro iti jifuma hakwe Izubha, kuoka iti haaza bharoti bha maongo bheengi aha masangeni.
2
Hena hubho m'mtisibhe Ngoro wa Izubha_ kila ngoro eyo imutikija Yesu Kristo itii ezie kimwiri ,ni yakwe Izubha.
3
Na ngoro eyo isimuitikija Yesu isifumana na Izubha. Na Iyo niyo ila ngoro ya kumsua kristo, eyo muoho msikia iti izie, na iki iyoho msangeni.
4
Unywi bhana bhadori,m'bhakwe Izubha, naunywi mwabhalela amu ulA eho ndeni yenyu ni m'baha kukela ula eho masangeni.
5
Abho ni bhaisanga, hena hubho bhenateta bhyaisanga, na isanga libhasikije.
6
Uswi tubhakwe Izubha. Ula emtwarije Izubha enatusikija.Ula esiwakw Izubha esitusikija. Hena hubho tumtwarije Ngoro wa kididi na ngoro wa kinyamaro.
8
Bhakundwa, tukundane, amu lukundo lufuma hakwe Mzuri,na ula ena lukundo abhonwa ni Izubha na emtwarije Izubha.
7
Ula esina lukundo esimtwarije Izubha, amu Izubha ni lukundo.
9
Hena hubho lukundo lwake Izubha lubhonekane hetu iti Izubha am'ngola mwana wakwe tiki masangeni esa tuikae ndeni yakwe.
10
Ulu nilo lukundo,siiti uswi twemkundie Izubha, kake eetukundie uswii, akamuete mwana wakwe esa kutuguranya naye hena ng'oki jetu.
11
Bhakundwa, kicha Izubha etukundie hubho,kiinare naswi tukundane.
12
Esina eye em'bhonie Izubha. Tukakundana Izubha,eoka ndeni hetu na lukundo lwake luringania hetu.
13
Hena hubho tutwarije iti tuikaa ndeni yakwe naye ndeni hetu,amu atuinga Ngoro yakwe .
14
Na uswi twabhona nakuoka na kididi iti Apa em'ngolie mwana aoke mkija wa isanga.
15
Wowose ula etwarije Yesu ni mwana wakwe Izubha, Izubha eho ndeni yakwe naye ndeni yakwe Izubha.
16
Naswi tutwarije na tuin'gidaki iti lukundo lwake Izubha luoho ndeni hetu. Izubha ni lukundo, na ula eneikaa na lukundo ena Izubha na Izubha ndeni hakwe.
17
Hena ulu lukundo lwaringania hetu esa tuoke na ng'iria msi wa kuchuiwa mburi,amu bhundu eikee naswi nibhobhundu tuikee aha masangeni.
18
Handu hena lukundo hesina fole, kake lukundo luinare lubhirita shighati amu fole ina ibigho.
Kake mundu enafole esimekuwa hena lukundo.
19
Tuna lukundo amu Izubha etukundie aho mboko.
20
m'ndu akaghamba , ''Emkundie Izubha''kake emsuie m'nduabho,ena iyongo. Amu ula emsuie m'nduabho, eye emuyoiye , esikaidime kumkunda Izubha esimyoiye.
21
Nai niyo sharia tuhete kufuima hakwe iti wowose ula emkundie Izubha amkunde m'nduabho.