¹ Fuula dura ishih tanah Malaikah afuri d'erge tah martoh afuri lafa bira ijaajitu, harfa afuri tah lafah itisiteh wah lafa ara hid'eini, maanya ara yoh muka aka t'uut'umah. ² Malaikah tah d'iwiah d'erge bah biiptuh atih d'uptih, tah malsuh guah harka kabdu kah Waak'a jiruh. K'oonk'oh guduyuh ani booyeh Malaikah arfani suni gula tah malsuh deendecha iti kanani tah lafa afi maanya k'uuk'ah. ³ Lafa hih k'uuk'ini, maanya leh, yoh muk'a t'uut'uma gida nutiini guah keenya fula ergatuh Waak'a keena ara. ⁴ Lakosa dega ana degeeh guah kayani, 144,000, dega guah kaayani gosa t'uut'umah tah anamah Israelih. ⁵ 12,000 tah gosa hah guah kaayani, 12,000 tah gosa Reubeniah, 12,000 tah gosa Gadiah. ⁶ 12,000 tah gosa Asher ah , 12,000 tah gosa Naphtalih, 12,000 tah gosa Manasseah. ⁷ 12,000 tah gosa Simeonih, 12000 tah gosa Leviah, 12,000 tah gosa Issachrih, ⁸ 12,000 tah gosa Zabulonih, 12,000 tah gosa Yusufuh, deweh 12,000 tah gosa Benjaminih ah tah guah kayaani. ⁹ Fuula dura wunih tanah t'uut'umah ilaale, malsuni wunih guduyuh d'ooboh tah anamah ni dendee hih lakoonye tah lafa t'uut'umah kesa d'uptu, gosa, anamah ati yoh afaani ijaajite dura barch'uma hayuma afi imooleh hoolah bira. Faaya adadih nek'ataneh dimetih muka tende ah harkatih k'awatani. ¹⁰ K'oonk'oh guduyuh ani waamaneh. ''Jireena ini kah Waak'a keenatih kah barchuma hayuma ara tau, deweh imooleh hoolah gula!'' ¹¹ Malaikah t'uut'uma barchuma hayuah marsiteh amaleh madih maangudoh ah bira uumama jiru afurih, isaaleni lafaati gadatane barchuma hayuah gula, kaane Waak'a dulatane. ¹² Wah isaani yed'ani ''Amen! Faaru ah, hayumah, k'arumah, d'uda himanoh ah, gudinah ah, jaweenah, yoh dendeechaani tah gara Waak'a keenati guyah t'uut'uma afi muumeh! Haalaleh!'' ¹³ Eegiah tokocha kah maangudoh kasa ana gaafate, ''Isaani kuuni ono, kah faaya adih nek'ate, amaleh eesah d'ufani? ¹⁴ Wah ana yed'eeni, ''Nama guduyuh hinbeechah'' Inileeni wah iniini aniini yed'e, ''Isani nkuh dega hanshaara guduyuh kasa d'upte. Hah faaya isaani borch'aneh amaleh adeesane diiga imoole hoola tini. ¹⁵ Ishih tanaafi, isaani dura barchuma hayuh ah kah Waak'a dura ijaajani, amaleh isa dulatani guyah afi halkaani ara tah tekeh oruah isah ara kaayeh. ¹⁶ Deewani hibeelanuh, yoh deewani hind'eewanuh. Aduuni deewiteh isaani hingubduh, yoh hafuura guwu. ¹⁷ Malyenani imoole hoola iduh barchuma hayuah tisituh isaani itah, amaleh isaani geesa bere maduma bisaani jireena, amaleh Waak'a leeni ilmimaani ara hak'a ila isaani arah''