¹ Keh derga imoole hoola maala isaani guwah tokocha diigana toibah suh kasah, keh degee tokocha isani kah jireena k'au arfah suni kesah keh dubateh, aka silah k'oonk'oh mandiisuh atina ''Koih.'' ² Keh derge amoh fardah adih, kah malsuh ara tau suni buneh k'awa , kane goomfah itikayaani iniileh keh kasabeh, aka dapsanoh atih amoh kee dapsateh. ³ Amaleh kee diigeh guwa lameesah, keh degee isa kah malsuh jireena kah lameesah keh dubateh, ''Koih.'' ⁴ Keh gidibee fardih kadiwih dimah hamah, kah malsuh ara taau sunh kani nageah achuh fuud'ateh itikanani lafa arah, duuni anamah wah wili ijejeesuh kaani fachoh guduyuh itikanani. ⁵ Amaleh keh diigeh guwah sedeesah keh degee isa kah sedeesah kah jireenah dubateh, ''Koih'' keh derge ilaaleh amoh fardi guracha kah malsuh ara tau suh kaanih mizaanih harka kesa kayaani. ⁶ Keh wunih akisilah k'oonk'oh ah isani kah afura kah jireena, aka ishiini yetuh ''Halwih nganoh ah rupiah iruh amaleh halwih sedih tah shairih ah amaleh rupiah iruh yoh hinyak'iniini d'ad'a deweh difaai'' ⁷ Imooleh hoolah kee diiga guwa arfesah keh k'oonk'oh isa kah arfesah dubateh degee ''Koih.'' ⁸ Eegiah keh derge fardih adeleh kah malsuh ara tau suh mak'a isah lubuh afi awaantih keh hordopsiseh kane dendeecha itikanani tah roboh lafah ijeejesani warana amaleh belah amaleh ajiitih afi bineesa bada lafah. ⁹ Imooleh hoolah keh diigeh guwa sheenesah keh dergeh jala batiileh eebuah dega gogoraani dubih Waak'a atiifi amaleh k'awih isaani isaani k'awanufih. ¹⁰ Kani boboyani k'oonk'oh arana tini wah isaani yed'ani ''Eeh Waak'a k'uk'uuloh abah dugah tanumah yoomih abaarsa dewisini, aka dugah itikaniah d'iiga kenkene gara dega lafa tah ara teechuh?'' ¹¹ Kane waayah d'ertuh adih itikanani isaani t'ut'uumah wah isaani yed'aneni harbafad'ah wogah dikotih jirah tanumaani hedi ergatuh ebeleeni, kah ijejeesuh akuma isah sunih! ¹² Aniileni keh derge mala guwa jaaesah diigani, laptina kaateh munucheh aduni kaateh dotateh akuma gunih martah adeesileh keh diimateh akuma diigah. ¹³ Urjih leh lafa harchateh akuma midaa mukah arana harchouh mala bubuuse guduyuh bubisuh. ¹⁴ Samah achih fuudane akuma chufanah wili ara maraanih, guubah afi lafa bisaani marse godansiisani bereh ishiini malsuh jirtuh. ¹⁵ Dega hayuma afi dega gugurdah dega jaweena amaleh dega halak'umah atih boojah t'ut'uumah balchaa, boolah gubaa kesaatih jala dokatani. ¹⁶ Wah isani gubaa afi d'akachaa yed'ani '' Nuh arabuah nuh gombisah fula isa kah barchuma gudiinah ara tau kah daalasuh gurbah imooleh hoolah . ¹⁷ Suniifi guyah guduyuh suh kah daalansuh isaani itih d'uptetih malyenani onoo kah dendee ijetuh.''