¹ Yakooboh, boojah Waak'a afi Aaboh Yeesuh Kristoh ah gara gosa kud'enih lamah tah gargara tamsaate, oofuh. ² Aka gamadumah iti fuud'ah, ebeleeni kiyah, mala isani harshaara gudah d'egertanu, ³ Baratani aka mala ilaachih teesani tah abdih omsaati duptuuni. ⁴ Wah omsaatih teesani hujih ishiah k'iteesituh, suniini kadatani mala geechanih, wih hind'emneh. ⁵ Amoh mala tok'ocha keesani k'aruma fed'u, ishih tana waamatu gara Waak'a atih, isa kah ona t'uut'umaani baasu amaleh hih abaare dega isa k'adatuh, amaleh ituma kana. ⁶ Amoh abdih ani k'ad'ad'ah, ishih tana K'uk'useh k'au aka silaateh hotoh maanyatih, kah harfini geesuh amaleh rhaasanu. ⁷ Aabah nsuni hinsheini aka iniini gara Aaboh ati kad'ah isah d'ak'au. ⁸ Anamah akisih lamalamih k'awa, kah ufa itisine dirbuh t'uut'umah kesa. ⁹ Ebeleesa deegah wah hayumanuh gara ijenuma isah guduyuh. ¹⁰ Amoh aka ebeleesa halk'ah omsaati isah kesa malyenani iniini hindarfa akuma darara omara darfuuni diida kesa. ¹¹ Aduni hmbaatih aka hafuura guwah amaleh muk'a gogeesiti, amaleh darara ani lafa harchah amaleh daansuma isah hiduh. Akuma halak'a ini darfuuni iduh hujih isaani kesa. ¹² Eebini kah anamah mala ilaachih omsuh, malyenani mala iniini mala ilaachih dapsatu, goomfah hayumah d'ak'awa, kah Waak'a ini d'amsa kaayefi dega t'uut'umah tah isa feetu. ¹³ Hinjiratini nama mala iniini mala ilaachih ara beuh, ''Mala ilaachih ntuni gara Waak'a ati d'upti,'' Malyenani Waak'a hameeniini mala ilaachih ara hinbeu. Amaleh Waak'a ini anamah mala hin ilaaluh. ¹⁴ Anamah t'uut'umah moma hamah isah mala ilaalchih d'ak'awa tah isa sobdeh amaleh gola gula harkiptu. ¹⁵ Maayeh namseh moma isah rhimeh fuud'a, namseeni d'alateh, amaleh bira namseeni gudani duh gidibaasiti. ¹⁶ Isani hinsowini, ebeleeni kiyah kah fed'iah. ¹⁷ Wunih daasah amaleh yooyah daansani gara araatih d'upti, gara Waak'a ibsaati d'upti. Iniini galgaalutuh aka gaandidoh galgaltuh. ¹⁸ Waak'a ini jireena nutih kana fook'e dubih d'ugaatini, suniini aka baasih dursah itaana uumama isa kesa. ¹⁹ Ishih tana himbeechanih, ebeleeni kiyah kah fed'iah. Anamah t'uut'umah wah hangafah d'egooh, laana dubih kesa, amaleh laana dalansuh gula. ²⁰ Malyenani dalansuh anamah d'ugah Waak'a himid'aasituh. ²¹ Suniifi ufa ara d'oorgah wunih namseh d'uptuuni amaleh hameena bereh t'uut'umah jiru, amaleh omsah kesa dubih Waak'a buusane, tah dendeechah hara teesani baasah kabdu. ²² Dubih k'awad'ah, ishih hid'egeinah, ufa sobdaani. ²³ Malyenani kah dubih d'egeeh amoh ishih hink'iteesini, akuma silaateh anamah fuula isah ilaalu fuldooyah kesa. ²⁴ Iniini fuula isah ilaaleh, amaleh beresuni ideemeh angafuma araafatuh aka iniini jiru. ²⁵ Amoh nama aka daamsa kesa ilaalu seera d'ugaa, seera anamah gidilakiptu, amaleh aruma d'ek'eh K'awatuh, kah chak'ase amaleh ded'u hiitane, kana hin eebisanifi aka iniini ishih mid'aasu suniifi. ²⁶ Yoh anamah ani k'awa ufa yed'u, amoh arawaa isah hiitisine, ona isah soweh amaleh dinih isah d'aruma. ²⁷ Dinih daansah tah amaleh hiyakoni dura Waak'a keenah amaleh Aabah ishih tana. K'ak'artih dega abootih hink'amneh amaleh koechih hanshaara isani kesa, amaleh gaada anamah loofanoh lafah gula ara.