¹ Yezu gə shí Yi-jíì w n du, ń kwã-lò mədù zɛ n wɔ : Yó-cəbal, nyǐ nəkulə né cὲnὲ rέ ǹdə jì lùlù rí ma. ² Yezu wɔ mɔ : ǹ nə lùlù rí nánfɔlɔ w èta mɔ : lwar bə nəkulə né b'a wǔr nə ló tɛ òdù ga t'â ò dõ yó zhǔ yé ³ Yezu zɛ n jòm olyivyəə ré pyɔ w yó, n zə ń yé n zǎ Yi-jì yə. Rəmyέ yó Pyɛɛrɛ ǹdə Zhakɛ ǹdə Zhã zɛ bə bwərh mo bə wɔ ⁴ : byili nəba, wɔ dǒ rəmyέ b'a yí ? màmyɔ kɔ dɛnnɛ nə b'ǎ tó né nə lwar ǹdə ywẽ né nəmyέ gə tú rə n'ê wέrhέ ⁵ Yezu zɛ n wɔ : dɛ-na á cìnə, lòlò bəká n jəjὲrέ ába yé. ⁶ Nyǐ-nə lyì nánzhəzhɔ m'a bə ǹdə àmyέ yil ré, be zhe : wɔ àmyέ. bə b'a jíjὲrέ lyì nànzhəzhɔ ⁷ Á nyὲὲ bə n'ê zɔm búlə zɔmà, á nyὲὲ búlə dome, sə bək'á dùr ywẽ yé. kɔn wɔ nyɔɔ sə ywẽ né nəmyέ yí, sə è də lũ w zhɔ yé. ⁸ cɛmɛ m'a zɛ búlə ǹdə dwã, tənèrh m'a zɛ búlə ǹdə dwã, cɛ y m'a zhízhǐ jààsɛ nánzhə wa, nɔrh m'a tu, è m'a yə zúzúnú kùr jirə. ⁹ Á cìcì mú, zə-na á cìnə ; bə b'a zə ába bə vò bùrsi jàà wa, bə mà ába ǹdə uwàálɛ dwã-gùúlí jìsí wə, bə zə àba bə vò yó-cìnə bé ǹdə pyǎ bέ yé né, àmyέ yil yilə. ¹⁰ sə kɔn wɔ nyɔɔ sə bə jὲrὲ bə bwəl yò-ècɔnɔ nyí rí bə byili təesé gakó lyì bí ni ¹¹ Bə gə tú bə zə ába bə zhəl bùrsi jàà wa, sə á bək'á dùr ywẽ ám'á pyà zɔmà tὲbέ à la zpm yé, zɔm-na zɔmὲ rέ Yi la à wẽ co á kùr yó mó, lwar-na bə wɔ Éshirhə náàcὲnέ è la zɔm e pə ába, ¹² da-byǐ m'a n zə ń da-byǐ n pə bə gu, da zə ń byǐ n pə bə gu, bəsɔna b'a bú ǹdə bə dabá, bə gu bi. ¹³ Lyì gakó m'a jí zùùrì ǹdə dwã àmyέ yil ré yilə ; sə lò mɔbɔ ǹ pyέnέ kɔn m'e yí rə zhɔ, ǹ mà ń nə vwǎrh ¹⁴ Á gə tú á nɔ jìmdi tùntwəə né ǹdə wu-zhìlù rə zhǐ rə gə bə mə sə zhì məgǎ, rəmyέ yi ní lò mɔbɔ ń nə ń kàrmɔ sə n dɛ ń cìnnə, lyì byὲbέ bə wɔ ¹⁵ Zhəruzalɛm nέ sə bə dùr bə vò pyàr rέ wa ; lò mɔbɔ ń ŋwέnέ lyarh wa, sə ń bəká n sõ tɛ n zù n pwà ń wẽ jù w yé, ¹⁶ lò mɔbɔ ń zhəl gɔ sə ń bəká n kwὲ n bə ń kwã n kwé ń kàmməzwǐ yé. ¹⁷ zwini b'a zə kana byὲbέ bə zhe bwǐsi ǹdə byὲbέ bə la bəscná nyɔ dɛ rέ rəmyέ yù w mú. ¹⁸ llLwəl-nə Yi mùnì ywẽ né nəmyέ bək'a yí shí ni yé. ¹⁹ Zwini rí tὲbέ rə la nέ yál rəmyέ yù w mú, dwí rí gwẽ yə nə yàl Yi gə ju kùr e wὲrhέ lũ w ga kɔn m'e yí zà, e jà rə dwí rí k'ê la nɔ yé. ²⁰ Sə Cǐn-nə gə y'ǎ yə zwini rí rəmyέ mɔ dwã nέ bɔ, lòlò y'ǎ t'â la vwǎrh nɔ ; sə ń bɔ rɛ byὲbέ ń cír mo yilə ²¹ Lò gə wo ába : nyǐ Kristə mo ŋwέnέ nyɔnɔ ; ráá ń ŋwέnέ èta sõ ; s'á bək'á zwẽ nyí yé. ²² Lyì m'à jəjὲrέ á nyí, bə bə wɔ Kristə ráá Yi-zwennə, bə b'a wὲrhέ màmyaarhɛ ǹdə wò-jàà rɛ, bə m'e jəjὲrέ lyì bí ǹdə kɔn gə wɔ. ²³ Dɛ-na á cìnnə, bə à dámǎ a byili àba kɔn gakó ²⁴ Dwã nəmyέ wẽ, wu-zhùlù òmyέ kwã nέ, nyənyɔnɔ w pwẽ ré m'a jé, cànà myɛ pwè ré m'a jé , càmməsɔsέ m'a zhì dɛ sə ló tɛ, ²⁵ jàn nánfwààlέ tὲbέ rə ŋwέnέ dɛ yi w mú m'a zhízhǐ, ²⁶ rəmyέ yó bə b'a nə numbyíní byǐ ń zhì bəban wẽ ń bàn ǹdə jàn nánfɔlɔ ǹdə zùwə. ²⁷ N zɛ n twĩ màlέkabá lũ w cə-yala gakó, kɔn zhì yi-pwírhí e m'e yí yi-zùr. ²⁸ Cèrhè-na dwã ǹdə èpyìlú myɔrhɔ wá ; ò jὲsέ gə tú sə n'ê tò, o vɔr n'ê púrhə, s'a lear bə shí rí yúwə. ²⁹ èta myɛ, á gə ywẽ né nəmyέ nə yúwə, s'á lwar bw numbyínì byǐ twírí bwəlse, ń yú bwərə y nyí ni ³⁰ Zhənà à n'â wəl ába ; lũ kɔbɔ lyì bí t'â lyɔ ǹdə rəmyέ yə wὲrhέ yé, ³¹ Dɛ ǹdə tɛ b'a lyɛ, sə à zɔmà nέ t'â la, è gə wɔ dɛ rέ ráá yi rí yilə, lòlò yəl re yé, ³² màlέkabá dɛ Arəzana w mɔ yəl reyé, numbyíní byǐ myɛ yəl re yé ³³ Dɛ-na à cìnnə, zə-nə á yírhə, s'á ce Yi, bə á yəl dɛ rέ tὲbέ rw bàn mɔ yé. ³⁴ Kɔn m'a yə ǹdə bal ń du ń la ń sɔmá, nkwè ń kὲlέ n ce ń tùntùnnə bé jɔ wa, n byili lò gakó ne ń tum rí, pə nyí bwərə yìl-nə mó ne bə ń yìlì. ³⁵ Zə-nə á yírhə bə á yəl dɛ rέ tὲbέ kὲlέ cəbal mɔ bàn yé, è gə dədὲnὲ, ráá ecɛ swélé bɔl wa, ráá cə-byə cǐl ne, ráá nəkɔkɔlέ á yəl yé. ³⁶ Ce-nə ywẽ zə ába ń bəká jàr n bə n pwírí á dɛ yé. ³⁷ Tὲbέ à n'â byili mú wɔ á hakó ne ; zə-nə á yírhə.