¹ Remyέ yó Yezu zɛ ń nə ń zɔm ǹdə səswaalsɛ ń zhe : bal mədù ń yà ń zhele sɛ cèmé ń cɛ wa, n báá bɔɔ n kəkέlέ, n kù gɔrɔ ń sɛ mɔ wɔrhɔ yilə. N zɛ n kwè lyì n cĩ rə nyí ní bə n'ê yìlì, n zhǐr n vò sɔmá. ² Cèmé né byǎ yi gə yú wə, n zɛ n twĩ ń tùntùnnə mədù, bɔɔ w yìl-na mó sono bə ń zhəl n zwẽ ń cəl cèmé né byǎ n bə n pɔ. ³ bə zɛ bə tùntùn-na mó bə mà, bə k'a càrh mɔ nánfò ⁵ N zɛ n kə n twĩ ń tùntùn-na dõ bə sono. Bə k'e zə ńmyɛ bə mà ń yó ne, bə tùrh mo, bə fulse mo. N twĩ bətɔ nyǎn mɔ, ńmyɛ yí bə gu mu. ⁴ N twĩ ń tùntùn-na dwã bə sono, bə mà bəmyɛ bə gu. ⁶ Ń yà ń zhe ń byǐ mədù ń só dɛdɛ. n zɛ n tàkwã n twĩ ńmyɛ bə sono n wɔ : bə b'a nyɛ à byǐ mú. ⁷ sə bɔɔ yìl-nə bé zɛ bə n'ê zɔm ǹdə dwã bə zhe : nyǐnə bɔɔ cǐn-na mó ń bànà, bà-na nə gu mu, mùnì ga bɔɔ nəcɛndέ jǐrh nəmyɛ nyǎn. ⁸ Bə zɛ bə zə mɔ, bə gu mu, bə kwè mò bə dul bɔɔ w kwã nέ. ⁹ Wɔ etər sɛ cèmé cəbal mà n wὲrhέ nέ èlǎsɛ ? ń mà n bə n gu bɔɔ yìl-nə bé bəmyέ mɔ gakó, n zɛ n kwè lyì dwã n cĩ ń sɛ cèmé né bɔɔ nyí ni ¹⁰ Á yə Y zɔmὲ rέ sέbέ rέ jàà èmyέ kàrmɔ nà? nəkulu w kɔbɔ jì-lùr-nə bé vùr bə dwĩ kwã mɔ ¹¹ wɔ òmyέ ò jì y jàn nəkulu wə. Wɔ cǐn-na mó jàn yil ń jǐrh èta, rəmyέ wɔ màmyɔ nə yírhə wə. ¹² Bə y'à n'ê pyà sə zə mɔ, lyí-zhǎ bέ ywẽ j'à zhe be, bə lwar bə wɔ bəmyέ yil Yezu ju səswaalá èmyέ, bə zhǐr ń nyí bə la bə yẽ mo ¹³ Bə zɛ bə twĩ Farɛzhɛɛbá lyì jàlà ǹdə Erɔɔdɛ lyì Yezu sono, mùnì ga bə zə ń səpwà nyì-zɔmà nέ bə m'e zə mɔ ¹⁴ . bə yí ń sono bə wɔ : Yó-cəbal, nə yě bə ǹ nə ǹ zɔm zhənà, ń jà ǹ tá ǹ dùr lòlò ywẽ yé ; ǹ nə ǹ cèrhè Y zɔmὲ rέ ǹdə zhənà. è gə ǹmyέ yilə, sɔmá ŋwέnέ bə nə kwɛ rέ Səzaarɛ nɛ, ráá sɔmá tὲnέ? nə mə sə nə pa, ráá nə bə mə sə nə pa? ¹⁵ Yezu yě bə bə wɔ myùnù cìnə, n wɔ bɛ : bəkɔn á n'á dwé ne ? zə-nə wár-kùlì èdù á m'á bə a nyì wé. ¹⁶ Bə zɛ bə zə èdù bə b'e pɔ, Yezu bwərh be n wɔ : èsǎyùlú w ǹdə yil ré wɔ mɔ nyǎn ? bə lyár bə wɔ : Səzaarɛ . ¹⁷ N zɛ n wɔ bɛ : pa-na Səzaarɛ nɛ tὲbέ rə wɔ ǹmyɛ nyǎn, s'a pə Y ni myɛ tὲbέ rə wɔ rəmyɛ nyǎn. kɔn jàr bɛ dɛdɛ ń yilə ¹⁸ Sadushɛɛbá t'â bùl bə cùùrì n'ê bwìrhì yé, bə zɛ bə bə Yezu sono, bə bwərh mo : ¹⁹ Yó-cəbal, nyǐ kɔn dὲbέ Moyiisi kɛ n pə nəba : lò da-byǐ gə cùwə, n yẽ ń kɛ nɛ ǹdə ń yə byǐ lùl ǹdə mɔ, ń da-byǐ mú nə ń jí ejə-kɛ mɔ lù ń dwí n pɔ. ²⁰ e jà da-byǎ bwàlpyὲ y'à ŋwέnέ ; nànyéé mó jú kɛ, n cì ǹdə ń yə byǐ lùl ǹdə mɔ yé, ²¹ ń dõ mó myɛ kə n jí kɛ mɔ, nmyɛ kə n cì ǹdə ń yə byǐ lùl ǹdə kɛ mɔ yé, ²² kɔn yàl èta ǹdə bətɔ nyǎn mɔ myɛ, bəmyέ bwàlpyὲ y ga yə dwí nɛ ǹdə kɛ mɔ yé. ²³ sə bəmyέ gakó ǹdə kɛ ga cu kwã nέ, ²⁴ Cùù rí gə tú rə bwìrhì, wɔ mɔ ń mà n cìní kɛ mɔ ? bəmyέ bwàlpyὲ y ga j'a jí kɛ mɔ. Yezu lyár bɛ n wɔ : á ŋwέnέ dóó wẽ, á bə zɔmὲ rέ kùr nyɛ yé á j'ǎ yəl Yi jàn rέ pár yé. ²⁵ lwar-na bə cùù rí gə tú rə bwìrhì, bal kə ń tá ń la kɛ jú yé, kɛ myɛ kə ń tá ńla byal jú yé, bə b'a jǐrh ǹdə màlὲkabá ta dɛ Arəzana wa. ²⁶ è gə wɔ cùù rí bùrhù mú yilə, á yə Moyiisi nyə né kármɔ nà ? sɔlɔ w gə y'à zhe myǐn mú ò wẽ mó ; Yi wòwə : à wɔ Abərəham Yi, à wɔ Yizakɛ Yi, à wɔ Zhakɔbɛ Yi ? ²⁷ Yi də cùù ri Yi yé, rə wɔ lyì-nyìr Yi, à ŋwέnέ dóó nánfɔlɔwẽ. ²⁸ Yi nyə né byil-na bé mədù, nyὲὲ Yezu zɔmà nέ, n zɛ ń nə ń nə ń mà nyə-pyɔ. E jà ń yě bə Yezu lyár sadushɛɛbá cὲnὲ, n yí Yezu nyí ni n wɔ : wɔ nyí tɛ rə wɔ Yi nyə né gakó nányéé ré ? ²⁹ Yezu lyár mɔ n wɔ : nyǐ Yi nyí nányéé ré : ³⁰ cili, Esərayɛl, Cǐn-na nə Yi rí, wɔ Cǐn-na mədù sá ; ǹ mà ń swéné ń Cǐn-na ǹ Yi rí ǹdə ǹ wu gakó, ǹdə ǹ eshìrhrə y gakó, ǹdə ǹ bùlə né gakó, ǹdə ǹ jàn gakó ³¹ . Nyǐ nəlyè nyǎn rέ ; swéné ǹ dõ ǹdə ǹ cìcì mú ta. Nyə dwã tὲnέ nə du nyὲbέ yé ³² Yi nyə né byil-mó wɔ mɔ : kɔn càn, Yó-cəbal, ǹ zɔm zhənà, ǹ gə wò bə Yi wɔ rədù rə dõ tὲnέ ǹdə è gə də rəmyέ dúdú mú yilə ³³ , sə swéné mo ǹdə ǹ wu gakó, ǹdə ǹ surhə gakó, ǹdə ǹ ywələ gəkó, ǹdə ǹ jàn gakó. sə swéné ǹdə ǹ cìcì ta, rəmyέ du vwə námpúmə cέέ ǹdə vwə né dwã bέ gakó. ³⁴ Yezu pwírí ń lyár ǹdə surhə, n w mɔ : ǹ bə nyɛ ǹdə Yi tənà y yé. Lòlò y'ǎ ń kə ń kwàl sə n bwərh zɔmὲ Yezu ni yé ³⁵ Yezu kə n zhílí ń nə ń cèrhè Yi zɔmέ rέ Yi jì w ń zhe : wɔ eter Yi nyə né byil-nə bé n'ê byili bə Kristə mó wɔ Dəvyidi byǐ ní ? ³⁶ Dəvyidi cìcì zɔm ǹdə Eshirə máàcὲnέ jàn n wɔ : Cǐn-nə mó wò à Cǐn-nə : bə ń jòm à jə-jĩ ni, kɔn m'e yí a ce ǹ zwə bé gakó ǹ nèrh kùr wə ³⁷ . Dəvyidi cìcì mú byè mo bə ń Cǐn-nə, è nə wɔ etər ń mà n tó n yə ń byǐ ? Lyì nánzhəzhɔ y'à n'ê mu ǹdə wu-nyɔ ³⁸ Yezu kə n zɛ ń nə ń cèrhè Yi zɔmὲ rέ lyì ni ń zhe : dɛ-na á cìn ni ǹdə Yi nyə né byil-nə bé, bə só kàmə-zwì-èdwààlɛ zú bə m'ê jíl dɛ ³⁹ , bə n'ê uǎl sə lyì bí ce be cὲnὲ dwã-gùúlí jìsí wẽ. Bə gə zù dwã-gùú lí wẽ, bə só sə bə jòm yéné, è gə wɔ címsi kùjú jàà w myɛ bə só sə bə jòm yé né ⁴⁰ bə n'ê kɔkɔlɛ ejənə bé jɛ-kɔn rέ, bə wὲrhέ Yi-cər nàndədwààlɛ, mùnì lyì bì nyǐ bi, bə m'a kə bə bùrsi, bə pə bɛ còrhò tum nànfɔlɔ ⁴¹ Yezu zɛ n vò ń jě bə gə lwé Yi-jì y wə, bə gə n'ê lwé wárɛs bəgǎ ku w səta ń nə ń nyǐ lyì bí gə n'ê lwé wársɛ ó wẽ né. nəcənà nánzhəzhɔ bə bə ló wársɛ nánzhəzhɔ nέ ⁴² , ejə-kɛ mədù, zúzú cə-kɛ, ńmyɛ zɛ n ló wàr-kùlse səlyè né ⁴⁴ Rəmyέ yó Yezu zɛ n byè ń kwã-lyì bí , n wɔ : zh.ənà, à n'â wəl ába, ejə-kɛ mɔ mɔbɔ wɔ zúzú-cí, sə ń pɔ du lyì bí gakó. ⁴³ bə lyì bí dwã wɔ ὲbέ bə bə rə tum zhe mo bə ló né, sə kɛ mɔ mɔbɔ wɔ tὲbὲ ń zhe rə tum ń ló né, tὲbὲ gakó ń zhe ń la mə kɔ ń cìn mú.