¹ Pɔl nən Timote, kristʋ yesu təmər lara, sιι mι wona mι ki yər kʋɖəm ka hristʋ ta n'ιι wι filipə kɔrʋ ta na, wona mι ñəlʋ kristʋ tιna akpar nɖə rə na, nən wona mι ιι lakə təmər ka akpar nɖə ta na. ² Ra ci Ashia kʋñʋŋ naartə nən ra ci yesu kristʋ fistə cɔ na mι. ³ Ma sιι m'Ashia nən ma limɔsəm ka pətən ka mιι rə. ⁴ Ma faa aləwatə tən rɔ mι rə, ma faa Ashia ka mιι rɔ ayʋkʋn tən nən lələn. ⁵ Ma ka mι sιrtə ka wona mιι wι nɔ kʋɖəmʋ ka Ashia tɨam wʋtʋ tɔ apasənʋ ayəkʋ n'ʋrι nʋ tal nkɔhɔŋ ñι na. ⁶ Ma sən sartə sə Ashia ñι pasə təmər sartə təmər nɖɔ mι ta na ι rʋkʋn rə lapə s'ʋ rι n'ʋtal ayʋkʋnkʋ yesu kristʋ kʋŋ na. ⁷ Ʋ sara sə ma naa nampʋ nən mι rə wontə rə na ma wι mι ma hɔrta.Ya ki ma rana ka kʋñʋŋ nartə ta ka maa wι sarka tɔɔ wontə na nə ma lʋkʋ s'a wʋl Ashia tɨam sartə ntə wι tʋfələm na. ⁸ Ashia sən ma rə sə, ma kalʋ təhʋləm n' ma wι mι lɨʋ nkʋ lin kristʋ yesu cal na. ⁹ sιιrtə ntə ma sιι tə Ashia ka mιrə n'a nt-ɔlι sə mιι lɨʋ lapə kpɔl na, ka səmtə ta nə ιι nι tətən tι. ¹⁰ Ma lakə tə tən ñι sʋ takə mι nι ləsə tətən ñι wι sartə wontə yekə sə ʋ kpər mι ta n'a ra na tansartə yəntə ka kristʋ ayʋkʋ rə na. ¹¹ səmpə na, fιnə ι ləl rəyuyu ta wii ya sə ya liin kristʋ yesu cal na, sʋ ha wɔrtə nən samtə k'Ashia. ¹² Kɔhən ma ci sι sən sə, raləna, wontə tal-m na, tə taləm n'Ashia tɨam hosʋ wal yəsata ¹³ . Tətən ñι wontə rι na, wompa ñəlʋ wuro riɔ rə, n'a yəra tən ka sən se arιm sarka ka kristʋ rɔna. ¹⁴ Nə tə rəna, ma raal-na kpatrə ka kristʋ ta, nantə kii wontə rə na arʋm sarka, wa hosʋ Ashia tɨam nən huku n' nafatə ka kpawa. ¹⁵ Nə mpa hosʋ kristʋ na yəsəsιmər nən yeʋ nən nampar nən sartə mɔsəm. ¹⁶ wompa sə namparə hosʋ kristʋ nən sholəm, wompa sə aləsə wa sə wa lʋʋ lʋr ka tɨam sartə yəmpə rə na. ¹⁷ Ama wompa hosʋ kristʋ nən kpantətə nən lɨmɔsəm tasarəm-na,wa mɔsʋ sə wa tasʋ-m wahala ka sɨsɨn nιʋ rə ka sarka ta. ¹⁸ Paa sənɔ, nən tιkətə yaa nən tʋfələm, kristʋ hən ahoosι, nən mə nι lələn ka tərə, tʋfələm, ʋ wι nʋlakəm lələn. ¹⁹ wontə rə na, ma naa-sə Ashia kʋsə ι ləsəm, wontə rə na, n'n mι fartə ta, nən kristʋ yesu fisu sən mι rərə. ²⁰ Ma kpər ma ta ma honkʋ tən sə fιr kʋ sə ʋra kpam. Ama nən ren haʋ sə alʋwa-tə rə na kɔhən ñι ma kʋn sə ma wɔr kristʋ ka ma tɨanʋ ta, pa ma wι fisu ta ya masəpa ²¹ .Nə ma, sə ma cɔ fisu ta na cin kristʋ nən ma səpa ʋ sarəm n'ʋ kəl. ²² Ama nən ma wι fisu ka tianʋ-ta, ma təmər lapə ləl wii, səmpə ma ta sən wontə səm ləstə taa-na. ²³ Ama ʋ wι nʋ hɔɔm tə naaʋl ta, ma cii tən sə ma wal ma cɔ-na kristʋ, wontə sara n'ʋ kəl na ²⁴ .Ama nən ma wι fisu ka tianʋ ta ʋ sʋn mι nʋ kəl. ²⁵ Səmpɔ-na, ma səm paa ,sə, ma cakə mι cal, tʋfələm, sə fιnə man mι ra walʋ, n'ʋ wan-mι yəsa ta ka mι fisu ta nən lələn. ²⁶ Nʋ la sə, ι pιsə nə ι kpantə na ma ka kristʋ yesu rə, nə ma pəsa ma kɔn mι cal. ²⁷ Kʋrmatə kəna sə mιfisu cɔʋta na mι lakasə nʋsən kristʋ tɨam sartə nampʋ sə fιnə, pa ma kɔn sə mana- mι ma ra kɔn, ma pιsə ma nι nʋ tənkə-n mι rə sə ι sənɖa n'ʋləl na fisu kʋrmʋ ta nən lιsɔ kʋrmɔ nι kpentə nə ι caa-rə mι ka mʋʋ nən tɨsu k'Ashia tɨam rə. ²⁸ N nafatə rakpamι pa wontə tən lii na mι amʋrana cal na, ntə wʋlʋ-na sə a kʋŋ sə akʋntə-wa, ama ra hu ñuŋ yapə, ñuŋ yapə mpə lin Ashia cal na. ²⁹ Wontə na ʋhamι sə ιι tɨsə kristʋ rə, ʋ ta cii-sə tɨsʋ rəcel ka ι rə, ama ra tʋ kʋñʋŋ ka ι rə. ³⁰ Sə wonana ʋ mɔna s'ιtʋ kʋñʋŋ kʋrmʋ, sə ι na kʋ wona na ma cal na n' kɔhən ιι nι kʋ ma cal na.