¹ Wa walʋ serusalem, wa ñʋtən petefasə nən petani kɔri sə cal-ɔ olifi wʋŋ cal, nən yesu tɨr ι waratənkra ka naʋl. ² N' ι kal wa sə ιι wal kɔrə-ɔ nka wι mι yəsa ta na, ι sι kɔrə-ɔ nka ta na, ιι nakən wonkι-ɔ nkar-ɔ ahɔ ka ka yər ta cɔ ka rə n'ι na, nιι yera ka n'ιι kɔn- m. ³ Nən yərə wasʋ mι sə ι yerʋ ka həmɔ, ιι kal-ι sə Acii ciina ka, n'ιι tιιr nə yeɗə ka n 'ιι kɔn-m ka ce. ⁴ Wa kur wa wal wa nɔn wonkι-ɔ nkɔ kɔrι-ɔ nka nɔ ka nampʋŋ nɔ ka ahɔka nə wa yer ka. ⁵ N nɔɔn yəra cəkalwa mpa wι rəna na, wa wasə wa sə: "arlapa n'ιι yerʋ wonkι-ɔ ka? " ⁶ wa pəsən wa sə Yesu kal wa wona, nə yera mpa yel wa wa rι. ⁷ Ιι wara tənkra naʋl-mpa kɔn wonkι-ɔ nkɔ Yesu cal nə wa wa ahuntən ka ka rə nə Yesu kpa n'ι cɔ ka rə. ⁸ Yəra kpatər wa wa ahuntən ka nampʋŋ ta nə nιmparə wa ten hatə ka wa pial tə sιιnta. ⁹ Wompa kaa tial yesa ta na nə wompa wι wara na wa ko sə ''OSANA''.A waasə woñι kʋŋ nən Acii yəɖə rə na, ¹⁰ A Waasə ra ci TAFITƏ wurtə ntə kʋŋ na OSANA ka ashiata. ¹¹ Yesu wal serusalem kɔrʋ ta n'ι sιι Αshia rɨɔ ta n'ι ñəl rəkalkal ka rilantən n'nɔɔn ran rana nə ñιn ι waratənkra hiʋ nən naʋ wa rιn Petani kɔrʋ ta. ¹² Ʋ kanɖe atι-ɔ wontəna wa kʋr Petani wa pəsʋ wontəna ñʋsə kʋ-ι. ¹³ Ι na amənkalι tɨʋ ka kʋ lɔtə rə laʋlaʋ ka wolən, n'ι wal sə ιna sə kʋ ləl wi na, ι tal kʋtι-ɔ wontəna ι ta nɔn wər, ama hatə kəna wontə rι na n'nɔɔn yaa kʋ ləlι alwatə klι. ¹⁴ Ι kal kʋ sə: nιr ra tasə s'ι tʋ ña wiir n'ιι wara tənkra nι tə. ¹⁵ Wa tal Serusalem kɔrʋ t'ɔ wotə na, ι sιι Αshia rɨɔ ta n'ι rʋʋn wιtra nən yəra, n'ι κul warasə tapəl na nən alankuku witra kpelι. ¹⁶ N'ι ta ha nampʋŋ sə yer wan wʋrɔ Ashia rɨɔ ta sə ι wιι tʋ. ¹⁷ N'ι wʋlʋ wa sə a ta ma sə: ma rɨɔ kʋsə ka kiin faartə rɨɔ ka kɔrən tən ta ya? ama mιι kuntə n' pəsən ka mιləm rɨɔ. ¹⁸ Ashia laatə lara nən Moisɨ ñastə wʋlɖa nι tə hənp-ɔ wontə na wa cii sə wa kʋ-ι, ama wa she nanfantə wontə rə na n'nɔɔn wompa wι wa nι tə na ʋ lawa rəyaa. ¹⁹ Raan ran wontə na wa li kɔrι-ɔ nka ta wa rι ²⁰ Ʋ honə ntɔntι-ɔ wontə wa wι wa rι na, wa na amənkalι tɨʋ nkʋ ka kʋ wəl kʋ tən nən kʋ tι lɨla. ²¹ Pιεr tιsə n'ι kal sə wʋlɖə n'na amənkalι tɨʋ nkʋ nwι kʋ səmna kʋwəla. ²² Yesu cɨsə wa sə, ιι mʋ Ashia rə n'ιι tɨsə. ²³ Təhʋləm ma kalʋ mιι sə,weñι kalʋ wʋŋ nkʋ sə: Ashia kʋsən n'ι masən lιιr ta n'ι atakʋ ι ñamər ta, ama ι mʋwa n' ι tɨsa sə wontə ι kal tə na, tə lakə, n'tona Ashia lakə. ²⁴ Hənpɔna ma kalʋ mι sə,wontə tən ιι wasʋ tə mιι fartə ta na ιι kpər mιι ta sə ιι hɨkʋ tə n'ι tə pəsə mι yəntə. ²⁵ Ιιsənɖʋ wontə s'ι faa na, ι wιn yər ka wana, ι sʋ n'ι tιsənι fιnə mι ci ñι wι ashiata-na ι sʋ n'ι mι awakrasə n'ι tιsəm-mι. Ama nən ιι atιsəm rəma, mι mι ci wι ashiata ι ra tιsənmι mιι awakrasə ^{26 27} Wa pəsə wa kɔn Serusalem, ka wontə n' Yesu wι n'ι kalʋ Ashia rɨɔ ta ka wontə na, Ashia laatə lara ta shəshιampa nən Moise ñastə wʋlɖa, nən shəshιampa kɔn ι cal. ²⁸ Wa wɔsə-ι sə, ''n'a huku nkɔ n'lakə na ntəñι, n'anɔ han hukʋ nkʋ?'' ²⁹ Yesu kal wa sə, mə wɔsʋ mιι wʋtɔ kʋɖə mɔ.Ιι kaləm fιnι ma kal mι woñι ha-m huku nkʋ nə ma lakə na tə na. ³⁰ San lem lɨmsʋ liin Ashia cal yaa yəra cal? ιι kalə- m ³¹ Wa kιlən rəma-rə, wa kalʋ rəma sə, ''rə kal sə ʋlin Ashia cal, ι kʋ-sə kal sə, ʋla sənɔ rəta mʋι-rə sə rətɨsə? ³² Ama rə kal-ι sə ʋlin yəra cal, wa shee yəra kpatər ka nanfantə, wontə rə na yəra tən mɔsʋ sə, San kii Ashia tɨam rιsər kəna tʋfələm. ³³ Ka wa pəsən Yesus sə, rəta səm. ''Yesu kal wa sə ma rərə ma ra kal-m-ι woñι ham huku nə ma lakən ntə ñι na''.