¹ Yesu ka kʋr awɔrə nɖə ta nən ι wal na sute kɔrʋ nən surtən wunɔ wara hɔkən ta, nən yəra kpatər ntι ntι tasə kɔn ka ca. Ι ka wι nι tasʋ wa wʋlʋ, sə wonɔna ι lakwa nι lakə na. ² Farisə yəmpa kɔn ι cal nən wa wasə sə: "Ra ñastə ha nampʋ sə wʋañι kpa yal na ι rʋnι ya?'' nən wʋastə ntə, wʋacι ya səwa takι kəna. ³ Ι wʋsən wa sə, ''Moιsə ka cel mι ñastə wontɔ?'' ⁴ Wa kal sə, ''Moιsə ha nampʋ ka yər sι ma rʋntə təkara fι nι nnι. ⁵ Yesu kal wa sə, ''n nɔnə mι huya ren riɔna ι ma mι səmpə ñastə ntə.'' ⁶ Ama k ɨrən kɨrən k'ala kɔrʋ na, Ashia lawa apal na yal. ⁷ Ntə yekə na s'apal kanι kʋr ι ci na ι ri nən ι kɔrən ι yal, nən wa naʋl wʋsə yər kʋrəm. ⁸ Ama wa ta tasə wa ki yəra, ama yər kʋrəm. ⁹ Səmpɔna, wontə Ashia kpirsa na, a ra yel sə yər tarə tə. ¹⁰ Wa ka kɔmpa wa wι rɨɔ tɔ wontə na, ι waratənkəra tasə-ι wasʋ ka tə rə. ¹¹ Ι kal wa sə pa woñι rʋnə ι yal nι pəsa nιkpa yal nιr, ι lakə ayartə kəna nə-ι. ¹² Nə yal kʋr ι wal nι tənkə apal nιr, ι lakə ayartə kəna na-ι. ¹³ Yəra ka kʋnə-ι wa yia cənkʋa sə-ι pιsə nən-ι tekən sə, ama ι wara tənkəra kəsʋnə wa. ¹⁴ Yesu na tə wontə na, ι ñan kpan-wa nι kal wa sə,''ι ha yia cunkʋa ka nampʋŋ wa kɔn ma cal, nən ι ra kɨsən wa , wontə rι na, wompa nʋsən wa na mpa tιna Ashia wurtə. ¹⁵ Tʋfələm ma kalʋ mι, pa wʋa ta mʋ Ashia wurtə sə wɔa cunəko na, ι ka s-ι ra sι asιʋ ka tə ta. ¹⁶ Nnə ι kpa yia mpɔ ι hankparən ta nι wasə wannsə-ι rι ιni ka wa rə. ¹⁷ Ι kɔmpa nι-ι pasə ι nampʋ rιʋ ka, yər she nι kurə ι tι, n'ι kal sə, wʋlɖə sartə tι, wontɔ ʋmɔna sə la fιnι ma hu fisʋ nkʋ tan akpərʋ na? ¹⁸ Nən Yesu kal sə, ''Arlapa nə ŋ yam sə sartə tι?'' Nιr ta kι sartə tι, ʋ ta kι Ashia rə ce. ¹⁹ N səm ñastə ya: Ra kʋ yər, ra la ayarətə, ra mιl, ra kal wontə tan tʋfələm na, ra la lontə tə, ha ñamtə ka nci na nri.'' ²⁰ Yər ñι kal sə,''wʋlɖə tətən ñɔ tə tən, ma ñam tə ka ka m,ahupətə ta.'' ²¹ Yesu ñəl-ι n'ι la-ι liʋ. Ι kal-ι sə,''kʋrəm-tə kasən. ʋ mona sə n wιtə wontə tən n wιna na nən ncəl tə ahʋsa, nən nhu shiʋtə k'ashiata. Nən kan n tənkəm.'' ²² Ama, tə rə na, ι ñəl ka ʋ la-ι rəyaʋ; nən ι rι kuñʋ kuñʋ, wontə rι na, ι 8a wι na ñιm ka tən. ²³ Yesu ñəl-ι ι cəntən rι n'ι kal-ι waratənkəra sə,''ʋ wι karə ka wompa wι shιʋtə na sə wa sι Ashia wurtə ta.'' ²⁴ Tɨam pə la ι waratənkəra ka rəyaw. Ama Yesu tasə n-ι kal wa sə.'' Yɨa ,Ashia wʋrətə ta rιʋ wι ka-rə: ²⁵ Ʋ tan ka-rə ka kɔnkəkpɔna s-ι sι na cəcaʋ wʋ, ama ʋ wι ka-rə ka tənɔ shιʋ sə kʋ sι Αshia wʋrətə ta. ²⁷ Ʋ la waratənkəra ka rəyaʋ ka tιempə ka tən nən wa wasʋ rəma sə,''Nnə ʋ wι səmpə, anɔ pιsʋ s-ι tel?'' ²⁶ Yesu ka ñəl wa nən kal sə,''tə wι ka-rə ka yəra ama ntərə tan ka -rə k'Ashia.'' ²⁸ Pιεr pasə n-ι kal-ι sə, ''Nna, ra kʋra ra yel tətən nən ra tənkən.'' ²⁹ Yesu kal wa sə, ''tʋfəlm ma kalʋ mι, nιr tan ka ι kʋra n-ι yel rɨɔ, rɨɔ-afala, ya rɨɔ wila, ya ι ri, ya ι ci, ya yia, ya sιn, ka ma rι na təntιentə sartə yəntə rι, ³⁰ n'ι ra hu taman mənʋ nʋ kəl ka kɔhən ñι kɔrʋ-kʋ ta ka rɨɔsə, na rɨɔ afala, na rɨɔ wila, na rina, na sιn, na ñastə, nnə tə wara ι hu fisu nkʋ tan akpərʋ na. ³¹ Ama kpatər ñι wι yəsa ta kʋ sə wa wʋsə wara, nən wara yəmpa wʋsə yəsa ta.'' ³² Wa ka walʋ wa yapar nɖə walʋ na Serusalem na rə rι, nən Yesu rι wa yəsa ta. Ʋ ka la watənkəra ka rəyaʋ, nən wompa ka tənkʋ wa wara na nafatə kpa wa. Nən Yesu tasə sʋ ka lekɔ ka hiʋ na naʋl mpa, n-ι pasə wa kalʋ ka wontə kʋn ι talʋ na. ³³ ''Ι na, ra walʋ Serusalem klι, n'a kʋ s'akpa yər wo n'amasə k'Ashia latə lara shəshιempa nən Moisə ñastə wʋlra ni ta. wa ka sə wa kʋ ka yəntə nən wal masə ka wompa ta ci siufə yəmpa na wa ni ta. ³⁴ Wa-l kʋ sə wa-l woŋkə ka, wa wʋsə mantalem ka ka rə, wa ma ka kpara, nι wa kʋ ka. Ama, ayʋkən nιisətə ñʋn rι na ka pəsə ka kʋrə asəra ta. ³⁷ Sakə na San, ka wa ci Sepete yia, wa tisə wa kpιeʋnə-ι wa kal sə, ''wʋlɖə, ra ci sə-n la ra pa wontə ra wasʋnə-na." ³⁶ Ι kal wa sə,''wontɔ ι ci sə ma la mι?'' ³⁵ Wa kal sə, yel ran ña ra cɔ ña wurtə ta, nιrɔ n mətə ni rι nə nιrɔ n nawi rι. ³⁸ Αma ι pəsən wa sə, ''ι ta səm wontə ι fatə na. Ι pιsʋ sə-ι ñɔ ka-rə kɔnkɔn ka ma kasə ma ñιɔ ka na ya, ya ι ka sə-ι pιsə nι tʋ kʋñʋn nkʋ ma ka sə ma tʋ kʋ na ya?'' ³⁹ Wa kal sə, ''Ra pιsʋ.'' Yesu kal wa sə, ''ka-rə kɔnkɔn ka ma ka sə ma ñιɔ ka na ya, ι ka sə ñιɔ ka. Nnə kʋñʋn nkʋ ma ka sə ma tʋ na, ι kʋn kʋ. ⁴⁰ Ama anɔ kʋ sə-ι cɔ ma mətə ni rə ya ma nawι rə ta kι ma yəntə, ama, wompa arɔn wa na sι na, mpa tιən ya.'' ⁴¹ Ama, waratənkəra nιmpa mpa nιtə səmpɔ wontə na wa ñan kpan tən ka Sakə na Sanə. ⁴² Yesu ya wa n-ι kpɔl wa ι cal n-ι kal sə; ''ι səm sə wompa asʋ wa sə kɔrʋ ta wurasə na ñasʋ kʋ ta yəra rə, nən wa yəra səshəampa lakə s ana sə wa wι huku ka wompa wa ñasʋ wa na wa rə. ⁴⁵ Ama, ʋ ta mɔna sə-ʋla səmpɔ mι hιkʋta. Pa woñι ci s' ι pəsə səshia ka mι hιakʋta na, ʋ mɔna sə-ι pəsə mι wolalarə, ⁴⁴ nən pa woñι lakə lʋ sə-ι ci apasənʋ tι ka mι hιakuta na, ʋ mɔn na sə-ι kι mι tən mι kpankɔ. ⁴³ Wontə rə na Yərə Wo ta kɔn s'a la na cel ka, ama sə ka wʋsə yəra wolalaɖə, nə ka cel ka fisʋ nə ka ya yəra kpatər ñin. ⁴⁶ Wa kɔn wa wal Serɨko kɔrʋ ta. Nən ι kɔn nι kʋr Seriko kɔrʋ ta ñιn ι waratənkəra nən yəra kpatər, nə nɔn yər nιrə wι k'aya-ι sə Partime; ι ka ci Time wo kəna, ι kιn yeləm n-ι fa, nə nɔn ι cɔ yapar nɔ. ⁴⁷ Ι kɔmpa nə nι wontə sə Yesu Nasarιetə tι wι nι rι na, ι pasə nι ko nι kal sə,''Yesu, Tafit wo na ma kʋñʋ.'' ⁴⁸ Kpatər ka kʋrʋn yeləm ñι wa kalʋ-ι sə sɨn.Ama, ι tasə koʋ ka ren ka tən sə,'' Tafitə wo, na m'añʋ.'' ⁴⁹ Yesu sənrə nι kal s'aya-ι. Wa ya yeləm ñι wa kalʋ sə, ñasə nti, kʋr, ι wι nι ya-nə. ⁵⁰ Ι yarə ι-aniko tɨəkʋ ka leko, ι ma rəpir nι kɔn Yesu ca. ⁵¹ Yesu pəsən-ι nι kal-ι sə,''wontɔ nci sə ma la-n?'' yər yeləm ñι kal sə, ''Rabbi[wʋlrə] ma ci sə yəsa nartə. ⁵² Yesu kal sə. ''wal ña mʋʋ nən tɨsʋ kanrə n ri.'' ι mʋ ι yəsa nartə ka tankʋrəm nι tənkʋι y aparə rə rι ι ka walʋ wa na.